Home ຂ່າວພາຍໃນ ລາວ-ສະຫະລັດອະເມລິກາ ສືບຕໍ່ຮ່ວມ​ມື

ລາວ-ສະຫະລັດອະເມລິກາ ສືບຕໍ່ຮ່ວມ​ມື

2 second read
0
0
234
ບໍ່ພາດທຸກຂ່າວສານ ອ່ານຂ່າວກ່ອນໝູ່ ດ້ວຍການເພີ່ມເພື່ອນທາງລາຍ, ກົດລີ້ງ=>https://lin.ee/cfIkhfj
ຫຼືເພີ່ມເພື່ອນດ້ວຍລາຍໄອດີ @laonews
***ອັບເດດຂ່າວໃໝ່ ທີ່ທາມລາຍTimeline***
ບໍ່ພາດທຸກຂ່າວສານ ເພີ່ມເພື່ອນ
----------------
Loading...

ໃນ​ວັນ​ທີ 14 ມັງກອນ ນີ້, ທ່ານ ສະ​ເຫລີ​ມ​ໄຊ ກົມມະ​ສິດ ລັດຖະມົນຕີ​ກະຊວງ​ການ​ຕ່າງປະ​ເທດ ​ໄດ້​ໃຫ້​ກຽດ​ຕ້ອນຮັບການ​ເຂົ້າ​ຢ້ຽມ​ອຳ​ລາຂອງ​ທ່ານ​ນາງ Rena Bitter ​ເອກ​ອັກຄະ​ລັດຖະທູດ ສະຫະລັດ​ອາ​ເມ​ລິ​ກາ ປະຈຳລາວ ​ໃນ​ໂອກາດ​ສຳ​ເລັດ​ການ​ປະຕິບັດ​ໜ້າ​ທີ່​ການ​ທູດ​ປະຈຳ​ຢູ່ລາວ. ​

ໃນໂອກາດ​ດັ່ງກ່າວ, ທ່ານ ສະ​ເຫລີ​ມ​ໄຊ ກົມມະ​ສິດ ​ໄດ້​ຕີ​ລາຄາ​ສູງ​ຕໍ່​ການ​ປະກອບສ່ວນ​ອັນ​ສຳຄັນ​ໃນ​ການ​ເປັນ​ຂົວ​ຕໍ່ລະຫວ່າງ ລາວ ​ແລະ ສະຫະລັດ​ອາ​ເມ​ລິ​ກາ ຂອງ​ທ່ານ​ທູດ ​ໃນ​ໄລ​ຍະ​ການ​ປະຕິບັດ​ໜ້າ​ທີ່ຢູ່ລາວ​​ ໂດ​ຍສະ​ເພາະ​ການ​ຊຸກ​ຍູ້ ​ແລະ ສົ່ງ​ເສີມ​ການ​ພົວພັນ​ຮ່ວມ​ມື​ສອງ​ຝ່າຍ​ໃນ​ດ້ານ​ຕ່າງໆ, ພ້ອມ​ທັງ ​ສະ​ແດງ​ຄວາມ​ຂອບ​ໃຈ​ຕໍ່​ຄວາມ​ພະຍາຍາມ ​ແລະ ກາ​ນຊ່ວຍ​ເຫລືອ​ດ້ານຕ່າງໆ​ຂອງ​ທ່ານ​ທູດ ​ໃນ​ໄລຍະ​ທີ່​ຜ່ານ​ມາ ​ແລະ ​ຝາກ​ຄວາມ​ຫວັງ​ວ່າ​ ທ່ານ​ທູດ​ຈະ​​ສືບ​ຕໍ່​ເສີມຂະຫຍາຍຄວາມ​ຮັກ​ແພງ ​ແລະ ສະໜັບສະໜູນ​ລາວ ​ເພື່ອ​ຮັດ​ແໜ້ນ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ລະຫວ່າງ​ສອງ​ປະ​ເທດ ​ໃຫ້​ມີ​ໝາກຜົນ​ຍິ່ງໆ​ຂຶ້ນ​ໃນ​ອະນາຄົດ.

ໂອກາດນີ້, ທ່ານ​ນາງ Rena Bitter ກໍໄດ້​ສະ​ແດງ​ຄວາມ​ຂອບ​​ໃຈ​ຕໍ່ ທ່ານ ລັດຖະມົນຕີ ທີ່​ໄດ້​ສະຫລະ​ເວລາ​ອັນ​ມີຄ່າໃຫ້ການ​ຕ້ອນ​ຮັບຄັ້ງ​ນີ້, ພ້ອມ​ທັງ ສະ​ແດງ​ຄວາມ​ຄອບ​ໃຈ ຕໍ່ລັດຖະບານ​ລາວ ກໍ​ຄື ປະຊາຊົນ​ລາວ​ບັນດາ​ເຜົ່າ ທີ່​ໄດ້​ໃຫ້ການ​ສະໜັບສະໜູນ, ຊ່ວຍ​ເຫລືອ, ຮ່ວມ​ມື​​ ​ແລະ ​ເອື້ອ​ອຳນວຍ​ຄວາມ​ສະດວກ​ໃນ​ທຸກ​ດ້ານ ​ຕະຫລອດ​ໄລຍະ ​ທີ່​ໄດ້​ມາ​ປະຕິບັດ​ໜ້າ​ທີ່​ການ​ທູດ ຢູ່ລາວ ຈົນ​ໄດ້​ຮັບ​ຜົນ​ສໍາ​ເລັດ​​ຢ່າງ​ຈົບງາມ.

ຂ່າວ: ກະຊວງການຕ່າງປະເທດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຂ່າວດີຂ່າວໃໝ່ ສົງໄສໂຄວິດ-19 ໄປ ໂຮງໝໍ 103

ຂ່າວດີ! ຂ່າວໃຫມ່! ແຊຣ໌ໄປໃຫ້ທຸກຄົນຮູ້ ທ່ານໃດສົງໄສວ່າຕົນເອງມີບັນຫາເຊື້ອໂຄວິດ-19 ໃຫ້ໄປໂຮງໝໍ 1…