Home ນານາສາລະ ຜົນການວິໄຈຊີ້ ຄົນຮັ່ງມີອາຍຸຍືນກວ່າຄົນທີ່ທຸກຍາກເຖິງ 10 ປີ

ຜົນການວິໄຈຊີ້ ຄົນຮັ່ງມີອາຍຸຍືນກວ່າຄົນທີ່ທຸກຍາກເຖິງ 10 ປີ

8 second read
0
0
56
ຜົນການວິໄຈຊີ້ ຄົນຮັ່ງມີອາຍຸຍືນກວ່າຄົນທີ່ທຸກຍາກເຖິງ 10 ປີ
Loading...
  • ຜົນວິໄຈໂດຍມະຫາວິທະຍາໄລຄໍເລດລອນດອນພົບ ຄົນທີ່ຮັ່ງມີອາຍຸຍືນກວ່າຄົນທຸກຍາກ 10 ປີ.
  • ເມື່ອອາຍຸຮອດ 50 ປີ, ຜູ້ທີ່ຮັ່ງມີທີ່ສຸດໃນອັງກິດ ແລະ ສະຫະລັດ ຢູ່ໄປຕໍ່ໄດ້ອີກ 31 ປີ. ສ່ວນຜູ້ທຸກຍາກໃນທັງສອງປະເທດຢູ່ໄປຕໍ່ໄດ້ອີກພຽງ 22-23 ປີເທົ່ານັ້ນ.
  • ນັກວິໄຈສະເໜີໃຫ້ມີການຫຼຸດຄວາມຫຼຸດໂຕນດ້ານສຸຂະພາບໃນສອງປະເທດ ໂດຍມຸ່ງໄປທີ່ຄົນທີ່ເສຍປຽບທາງດ້ານເສດຖະກິດ-ສັງຄົມ.

ງານວິໄຈຫຼ້າສຸດຂອງມະຫາວິທະຍາໄລຄໍເລດລອນດອນ (UCL) ພົບວ່າ ກຸ່ມຄົນທີ່ຮັ່ງມີທີ່ສຸດໃນສັງຄົມມີທ່າອ່ຽງວ່າຈະມີຊີວິດຍືນຍາວ ປາສະຈາກໂລກໄພໄຂ້ເຈັບ ແລະ ຄວາມພິການຫຼາຍກວ່າກຸ່ມຄົນທີ່ເປັນຄົນທີ່ທຸກຍາກທີ່ສຸດ. ສົ່ງຜົນໃຫ້ຄົນຮັ່ງມີອາຍຸໄຂຫຼາຍກວ່າຄົນທຸກຍາກເກືອບ 10 ປີ.

ຜົນການວິໄຈສະບັບນີ້ໄດ້ຮັບການຕີພິມລົງໃນວາລະສານຊະລາພາບວິທະຍາ ໂດຍວິເຄາະຂໍ້ມູນຄົນອາຍຸ 50 ປີ ຈຳນວນຫຼາຍກວ່າ 25,000 ຄົນ ຈາກໂຄງການສຶກສາຄວາມຊະລາພາບໄລຍະຍາວຂອງອັງກິດ ແລະ ການສຶກສາດ້ານສຸຂະພາບ ແລະ ການກະສຽນອາຍຸຂອງສະຫະລັດ ໂດຍເລີ່ມເກັບຂໍ້ມູນຕັ້ງແຕ່ປີ 2002 ແລະ ມີການຕິດຕາມໄປອີກ 10 ປີ ເພື່ອເບິ່ງວ່າສຸຂະພາບຂອງຄົນເຫຼົ່ານີ້ເປັນແນວໃດ.

ນັກວິໄຈລະບຸວ່າ ເຖິງຈະບໍ່ພົບຄວາມແຕກຕ່າງທີ່ສຳຄັນດ້ານອາຍຸໄຂລະຫວ່າງປະຊາກອນໃນອັງກິດກັບສະຫະລັດ ແຕ່ຄວາມຮັ່ງມີເຮັດໃຫ້ອາຍຸໄຂຂອງແຕ່ລະຄົນຕ່າງກັນຫຼາຍປີ.

ຜົນການວິເຄາະຂໍ້ມູນສະແດງໃຫ້ເຫັນວ່າ ເມື່ອອາຍຸ 50 ປີ ຜູ້ທີ່ຮັ່ງມີີທີ່ສຸດໃນອັງກິດ ແລະ ສະຫະລັດ ມີສຸຂະພາບດີຕໍ່ໄປໄດ້ອີກ 31 ປີ. ຂະນະທີ່ຄົນທີ່ທຸກຍາກທີ່ສຸດຂອງທັງສອງປະເທດຈະຢູ່ໄດ້ອີກປະມານ 22-23 ປີ ເທົ່ານັ້ນ. ຂະນະດຽວກັນ ແມ່ຍິງໃນກຸ່ມທີ່ຮັ່ງມີທີ່ສຸດໃນສະຫະລັດ ແລະ ອັງກິດ ຈະມີສຸຂະພາບດີຕໍ່ໄປໄດ້ເຖິງ 33 ປິ. ຂະນະທີ່ຄົນທີ່ທຸກຍາກທີ່ສຸດຂອງທັງສອງປະເທດ ຈະຢູ່ໄດ້ອີກ 14-25 ປີ.

ນັກວິໄຈກ່າວວ່າ ຄວາມຫຼຸດໂຕນດ້ານສຸຂະພາບ ແລະ ອາຍຸໄຂໃນອັງກິດ ແລະ ສະຫະລັດ ເປັນໄປໃນທິດທາງດຽວກັນ ຄວນມີການຫຼຸດຄວາມຫຼຸດໂຕນທາງດ້ານສຸຂະພາບໃນທັງສອງປະເທດດ້ວຍການມຸ່ງເປົ້າໄປທີ່ຄົນທີ່ເສຍປຽບທາງດ້ານເສດຖະກິດ ແລະ ສັງຄົມ.

ດຣ. ເພົາລາວ ຊານິນອດໂຕ ຫົວໜ້າທີມວິໄຈຈາກ UCL ກ່າວວ່າ ອາຍຸໄຂເປັນເຄື່ອງບົ່ງບອກເລື່ອງສຸຂະພາບທີ່ສຳຄັນ. ຄຸນນະພາບຊີວິດເຮົາເມື່ອເຖົ້າແກ່ລົງ ກໍສຳຄັນເຊັ່ນກັນ. ໃນການວັດແທກອາຍຸໄຂ ເຮົາສາມາດປະມານຈຳນວນປີທີ່ຈະມີຊີວິດຢູ່ໄດ້ ຈາກສຸຂະພາບທີ່ແຂງແຮງ ບໍ່ມີພາວະພິການ.

ງານວິໄຈນີ້ອອກມາຫຼັງຈາກທີ່ສະຖິຕິຈາກສຳນັກງານສະຖິຕິແຫ່ງຊາດອັງກິດ ລະບຸວ່າ ອັດຕາຄວາມຮັ່ງມີທີ່ເພີ່ມຂຶ້ນຂອງກຸ່ມຄົນທີ່ຮັ່ງມີທີ່ສຸດໃນອັງກິດໄວກວ່າກຸ່ມຄົນທີ່ທຸກຍາກທີ່ສຸດ 4 ເທົ່າ ໂດຍຄົນທີ່ຮັ່ງມີທີ່ສຸດ 1 ໃນ 10 ຂອງປະຊາກອນຮັ່ງມີຂຶ້ນ 11% ສ່ວນຄົນທີ່ທຸກຍາກທີ່ສຸດຮັ່ງມີຂຶ້ນ 3%.

ລະຫວ່າງປີ 2016-2018, ຄວາມຮັ່ງມີໃນອັງກິດສູງຂຶ້ນ 13% ມາຢູ່ທີ່ 14.6 ລ້ານລ້ານປອນ ໂດຍສ່ວນໃຫຍ່ເປັນມູນຄ່າອະສັງຫາລິມະຊັບ ແລະ ເງິນບຳນານທີ່ເພີ່ມຂຶ້ນ.

 

ທີ່ມາຂ່າວ https://muan.sanook.com/62570/

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ດ່ວນທີ່ສຸດ​!​ ຢຸດໃຫ້ຢາຂ້າແມ່ທ້ອງແກ່ນັກຮຽນ

ກົມຄວບຄຸມພະຍາດຕິດຕໍ່ ດຣ. ຣັດຕະນະໄຊ ເພັດສຸວັນ ກົວໜ້າກົມ ໄດອອກແຈ້ງການເຖິງໂຮງຮຽນຕ່າງໆໃຫ້ຢຸດກາ…