ໜ້າຫຼັກ ຂ່າວຕ່າງປະເທດ ທະຫານໄທກໍ່ເຫດຍິງສັງຫານ ຢູ່ນະຄອນຣາຊະສີມາ ເສຍຊີວິດຢ່າງໜ້ອຍ 20 ຄົນ

ທະຫານໄທກໍ່ເຫດຍິງສັງຫານ ຢູ່ນະຄອນຣາຊະສີມາ ເສຍຊີວິດຢ່າງໜ້ອຍ 20 ຄົນ

3 ຄົນ ກຳລັງອ່ານຢູ່
0
0
987
Loading...

ມີຜູ້ເສຍຊີວິດຢ່າງໜ້ອຍ 20 ຄົນ ແລະ ອີກຫຼາຍຄົນໄດ້ຮັບບາດເຈັບຈາກເຫດການທະຫານໄທໃຊ້ອາວຸດປືນຍິງສັງຫານທີ່ແຂວງນະຄອນຣາຊະສີມາ ປະເທດໄທ ເມື່ອຕອນແລງຂອງມື້ນີ້ (8 ກຸມພາ 2020)

ໂຄສົກກະຊວງປ້ອງກັນປະເທດຂອງໄທກ່າວຕໍ່ສື່ວ່າ ຈັກກຣະພັນ ທົມມາ ທະຫານນາຍສິບໄດ້ໂຈມຕີເຈົ້າໜ້າທີ່ຜູ້ບັງຄັບບັນຊາຂອງຕົນເອງ ກ່ອນທີ່ຈະລັກເອົາອາວຸດປືນ ແລະ ລູກປືນຈຳນວນໜຶ່ງຈາກຄັງອາວຸດອອກໄປ.

ຈາກນັ້ນ ທະຫານຄົນນີ້ໄດ້ເລີ່ມໃຊ້ອາວຸດປືນຍິງທີ່ວັດແຫ່ງໜຶ່ງ ແລ້ວຕາມດ້ວຍສູນການຄ້າຢູ່ໃຈກາງເມືອງນະຄອນຣາຊະສີມາ.

ຕອນນີ້ ເຈົ້າໜ້າທີ່ໄທຍັງບໍ່ສາມາດຈັບໂຕຄົນຮ້າຍໄດ້ ໂດຍວິດີໂອຈາກສື່ທ້ອງຖິ່ນໄດ້ສະແດງໃຫ້ເຫັນພາບຂອງຄົນຮ້າຍອອກມາຈາກລົດຢູ່ດ້ານໜ້າຂອງສູນການຄ້າ Terminal 21 ໃນອຳເພີເມືອງ ແລະ ຍິງຄົນທີ່ຢູ່ໃຫ້ຄຽງ ເຊິ່ງກຳລັງແລ່ນໜີ.

ຂະນະທີ່ອີກວິດີໂອສະແດງໃຫ້ເຫັນຮູບພາບຂອງໄຟໄໝ້ຢູ່ນອກຕຶກສູນການຄ້າ ເຊິ່ງລາຍງານລະບຸວ່າເກີດຈາກຄົນຮ້າຍໃຊ້ປືນຍິງຖັງແກສ.

ພ້ອມນີ້ ຄົນຮ້າຍຍັງໄດ້ໂພສຮູບພາບລົງໃນເຟສບຸກຂອງຕົນເອງ ໂດຍເປັນຮູບຂອງຜູ້ກ່ຽວພ້ອມດ້ວຍແປວໄຟທີ່ຢູ່ດ້ານຫຼັງ.

ເຈົ້າໜ້າທີ່ໄທໄດ້ປິດພື້ນທີ່ເພື່ອຕາມຈັບໂຕຄົນຮ້າຍ ເຊິ່ງລາຍງານລະບຸວ່າຍັງຢູ່ພາຍໃນຕຶກ. ຂະນະດຽວກັນ ເຈົ້າໜ້າທີ່ກໍໄດ້ເຕືອນໃຫ້ປະຊາຊົນຢູ່ໃນເຮືອນ.

ພ້ອມນີ້ກໍມີລາຍງານອີກວ່າ ມີສຽງປືນດັງມາຈາກພາຍໃນຕຶກສູນການຄ້າ.
ຕອນນີ້ຍັງບໍ່ທັນຮູ້ຢ່າງຊັດເຈນວ່າ ແຮງຈູງໃຈໃນການກໍ່ເຫດໃນຄັ້ງນີ້ແມ່ນຍ້ອນຫຍັງ.

ຂະນະທີ່ ໃນເຟສບຸກຂອງຄົນຮ້າຍ ໄດ້ມີການໂພສອອກມາຫຼາຍໂພສເຊັ່ນ: ຮູບປືນພ້ອມດ້ວຍຂໍ້ຄວາມວ່າ ໄດ້ເວລາຕື່ນເຕັ້ນ ແລະ ແນວໃດທຸກຄົນກໍຕ້ອງຕາຍຢູ່ແລ້ວ ເປັນຕົ້ນ.

ຕອນນີ້ ໜ້າເຟສບຸກຂອງຄົນຮ້າຍໄດ້ຖືກປິດລົງແລ້ວ.

ທີ່ມາ muan.sanook.com

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໄທມີເຮ! ໄດ້ຮັບວັກຊີນຈາກ ສປຈີນ​ ງວດທຳອິດ​ 2​ ແສນໂດສ

ອີງຕາມຂ່າວໄທຣັດອອນລາຍໃຫ້ຮູ້ວ່າ: ວັນທີ​ 24​ ກຸມພາ​ 2021​ ລັດຖະບານໄທ ໄດ້ຮັບວັກຊີນປ້ອງກັນໂຄວິ…