ໜ້າຫຼັກ ຂ່າວກິລາ “ຕອນຊຽນ” ຄວ້າ 3 ຫຼຽນເງິນ ກີລາຍົກນໍ້າໜັກ ຊີງແຊ້ມນານາຊາດ ທີ່ອູສະເບັກກິສະຖານ

“ຕອນຊຽນ” ຄວ້າ 3 ຫຼຽນເງິນ ກີລາຍົກນໍ້າໜັກ ຊີງແຊ້ມນານາຊາດ ທີ່ອູສະເບັກກິສະຖານ

12 ຄົນ ກຳລັງອ່ານຢູ່
0
0
87
“ຕອນຊຽນ” ຄວ້າ 3 ຫຼຽນເງິນ ກີລາຍົກນໍ້າໜັກ ຊີງແຊ້ມນານາຊາດ ທີ່ອູສະເບັກກິສະຖານ
Loading...

ທ້າວ ຕອນຊຽນ ແຊ່ຈ໋າວ ນັກກີລາຍົກນໍ້າໜັກທີມຊາດລາວ ຮຸ່ນນ້ຳໜັກບໍ່ເກີນ 55 ກິໂລກຣາມ ຈາກໂຮງຮຽນພອນສະຫວັນກີລາ-ກາຍຍະກຳ ສ້າງຜົນງານໄດ້ຢ່າງໂດດເດັ່ນ ຄວ້າ 3 ຫຼຽນເງິນ ຈາກປະເພດຄຣີນແອນເຈິກ, ທ່າສະແນັດ ແລະ ລວມຄະແນນຈາກ 2 ທ່າດັ່ງກ່າວ ໃນການແຂ່ງຂັນກີລາຍົກນໍ້າໜັກຊີງແຊ້ມນານາຊາດ ຫຼື “International Solidarity Championships” ທີ່ປະເທດອູສະເບັກກິສະຖານ ເປັນເຈົ້າພາບ ລະຫວ່າງວັນທີ 8-12 ກຸມພາ 2020.

ຕາມການລາຍງານຂອງ ທ່ານ ນາງ ເຄືອຄຳລີ ລີເຍ່ຍວື ອະດີດເຈົ້າຂອງຫຼຽນຄຳ ປະຫວັດສາດ ກີລາຍົກນໍ້າໜັກຍິງ ງານກີລາຊີເກມ ຫຼື ວຽງຈັນ ເກມ 2009 ທັງເປັນຄູຝຶກຍົກນໍ້າໜັກຂອງໂຮງຮຽນພອນສະຫວັນກີລາ-ກາຍຍະກຳ ກົມກີລາລະດັບສູງ ກະຊວງສຶກສາທິການ ແລະ ກີລາ ແຈ້ງໃຫ້ຊາບວ່າ: ເປັນໂອກາດທີ່ດີ ແລະ ມີຄວາມພາກພູມໃຈຫຼາຍທີ່ສຸດ ທີ່ໄດ້ເຫັນຜົນງານຂອງລູກສິດ ທ້າວ ຕອນຊຽນ ແຊ່ຈ໋າວ ເປັນນັກຮຽນຂອງໂຮງຮຽນພວກເຮົາ ພຽງຄົນດຽວທີ່ໄດ້ຕາງໜ້າປະເທດຊາດເຂົ້າຮ່ວມແຂ່ງຂັນກີລາຍົກນໍ້າໜັກ ຊີງແຊ້ມນານາຊາດ “International Solidarity Championships” ທີ່ປະເທດອູສະເບັກກິສະຖານ ເປັນເຈົ້າພາບ ລະຫວ່າງວັນທີ 8-12 ກຸມພາ 2020 ໂດຍມີນັກກີລາຈາກຫຼາຍຊາດໃນທົ່ວໂລກເຂົ້າຮ່ວມແຂ່ງຂັນ ເພື່ອລ່າຄະແນນລຸ້ນຍາດເອົາໂຄຕ້າເຂົ້າຮ່ວມງານມະຫະກຳກີລາ ໂອແລມປີກ ເກມ 2020 ທີ່ປະເທດຍີ່ປຸ່ນ ຮັບກຽດເປັນເຈົ້າພາບ ໃນກາງປີນີ້.

ຜົນງານຂອງ ຕອນຊຽນ ກໍເຮັດໃຫ້ພໍ່ແມ່ປະຊາຊົນຊາວລາວບໍ່ຜິດຫວັງ ສາມາດຍາດໄດ້ 3 ຫຼຽນເງິນ ຈາກປະເພດຄຣີນແອນເຈິກ, ທ່າສະແນັດ ແລະ ລວມຄະແນນຈາກ 2 ທ່າດັ່ງກ່າວ ສ່ວນອັບດັບ 1 ຂອງທັງສອງທ່າ ແມ່ນຕົກເປັນຂອງນັກກີລາຈາກປະເທດຊາອຸດິດອາຣາເບຍ ແລະ ທີ 3 ປະເທດອູການດາ. ຕໍ່ຜົນງານດັ່ງກ່າວ ຫຼັງຈາກ ຕອນຊຽນ ເດີນທາງກັບມາເຖິງລາວ ກໍຈະໄດ້ສືບຕໍ່ຝຶກຝົນ ຕອນຊຽນ ເພີມຕື່ມອີກ ເຊື່ອວ່າດ້ວຍຄວາມເອົາໃຈໃສ່ ແລະ ຄວາມຂະຫຍັນຈະສາມາດເຮັດໃຫ້ ຕອນຊຽນ ໄປເຖິງຈຸດທີ່ຝັນໄດ້.

ທ່ານ ນາງ ເຄືອຄຳລີ ລີເຍ່ຍວື ບອກຕື່ມາອີກວ່າ: ພາຍຫຼັງທີ່ໄດ້ມີການສ້າງຕັ້ງໂຮງຮຽນພອນສະຫວັນກີລາ-ກາຍຍະກຳຂຶ້ນມາແຕ່ປີ 2013 ສາມາດຕີລາຄາໄດ້ສູງ ໂຮງຮຽນພວກເຮົາ ໄດ້ສ້າງນັກກີລາຫຼາຍປະເພດ ປະກອບສ່ວນໃຫ້ວົງການກີລາລາວເຕີບໃຫຍ່ຂະຫຍາຍຕົວຢ່າງກວ້າງຂວາງ ໂດຍສະເພາະກີລາຍົກນໍ້າໜັກ ທີ່ຫາກໍຕັ້ງ ແລະ ບັນຈຸເຂົ້າຫຼັກສູດການຮຽນການສອນຂອງໂຮງຮຽນ ສາມາດສ້າງນັກກີລາໄດ້ 2 ຮຸ່ນ ກໍຄື 2 ສົກຮຽນ ລວມມີ 4 ຄົນ ແລະ ປັດຈຸບັນກໍມີເຖິງ 8 ຄົນ, ຍິງ 2 ຄົນ ທຸກຄົນແມ່ນໄດ້ເກັບຕົວຝຶກຊ້ອມຢູ່ທີ່ໂຮງຮຽນເປັນຕົ້ນຕໍ ເພື່ອກຽມຄັດເລືອກໄປແຂ່ງຂັນລາຍການ ຊີງແຊ້ມນານາຊາດ ເພື່ອສະສົມຄະແນນໄປງານມະຫະກຳກີລາໂອແລມປີກ ເກມ 2020.

ສຳລັບຜົນງານໃນການເຂົ້າຮ່ວມງານກີລາຍົກນໍ້າໜັກຊີງແຊ້ມນານາຊາດ ຫຼື“International Solidarity Championships” ທີ່ປະເທດອູສະເບັກກິສະຖານ ເປັນເຈົ້າພາບ ລະຫວ່າງວັນທີ 8-12 ກຸມພາ 2020, ສປປ ລາວ ໄດ້ສົ່ງນັກກີລາ 1 ຄົນ ກໍຄື ທ້າວ ຕອນຊຽນ ແຊ່ຈ໋າວ ສ່ວນທ່ານ ຄຳຫຼວງ ແກ້ວກາ ເປັນກຳມະການຕັດສິນ ແລະ ທ່ານ ບົວລິນ ແກ້ວວິໄລເກດ ເປັນຄູຝຶກ.

ຂ່າວໂດຍ: ສົງການ

ທີ່ມາຂ່າວ muan.sanook.com

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ທ້າວ ພັນທະ​ລັງ ອຸໄທ​ທານີ ສຸດຍອດກິລາດອກປີກໄກ່

ທ້າວ ພັນທະ​ລັງ ອຸໄທ​ທານີ ນັກກິລາ​ດອກ​ປີກ​ໄກ່​ທີມ​ຊາດ​ລາວ ທັງ​ເປັນ ມື 1 ຂອງ​​ສປປ ລາວ ປະເພດ​…