Home ຂ່າວພາຍໃນ ເລື່ອນຊັ້ນ ພົນໂທ ຈັນສະໝອນ ຂຶ້ນເປັນພົນເອກຄົນທີ 3 ຂອງລາວ

ເລື່ອນຊັ້ນ ພົນໂທ ຈັນສະໝອນ ຂຶ້ນເປັນພົນເອກຄົນທີ 3 ຂອງລາວ

0 second read
0
0
243
ບໍ່ພາດທຸກຂ່າວສານ ອ່ານຂ່າວກ່ອນໝູ່ ດ້ວຍການເພີ່ມເພື່ອນທາງລາຍ, ກົດລີ້ງ=>https://lin.ee/cfIkhfj
ຫຼືເພີ່ມເພື່ອນດ້ວຍລາຍໄອດີ @laonews
***ອັບເດດຂ່າວໃໝ່ ທີ່ທາມລາຍTimeline***
ບໍ່ພາດທຸກຂ່າວສານ ເພີ່ມເພື່ອນ
----------------
Loading...

ວັນທີ 10 ທັນວາ 2018 ທີ່ຜ່ານມາ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງສາທາລະນະລັດປະຊາທິປະໄຕປະຊາຊົນລາວ ໄດ້ອອກດຳລັດເລື່ອນຊັ້ນ(ທະຫານ) ພົນໂທ ຈັນສະໝອນ ຈັນຍາລາດ ຂຶ້ນເປັນ ພົນເອກ ເຊິ່ງເປັນພົນເອກຄົນທີ 3 ໃນປະຫວັດສາດຂອງ ສປປ ລາວ

ລັດຖະດຳລັດຂອງປະທານປະເທດແຫ່ງ ສປປລາວ ສະບັບເລກທີ 317/ປປທ ລົງວັນທີ 10 ທັນວາ 2018 ວ່າດ້ວຍການເລື່ອນຊັ້ນ ພົນໂທ ຈັນສະໝອນ ຈັນຍາລາດ ຂຶ້ນເປັນ ພົນເອກ.

ພິທີປະດັບຍົດຢ່າງເປັນທາງການ ໄດ້ຈັດຂຶ້ນໃນວັນທີ 13 ທັນວາ 2018 ຢູ່ຫ້ອງປະຊຸມກະຊວງປ້ອງກັນປະເທດ ເປັນກຽດເຂົ້າຮ່ວມ ແລະ ປະດັບຫລຽນ, ໂດຍ ທ່ານ ພັນຄໍາ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ມີບັນດາການນຳ ກະຊວງປ້ອງກັນປະເທດ ເຂົ້າຮ່ວມ.

ເຮັດໃຫ້ປັດຈຸບັນປະເທດລາວມີນາຍທະຫານລະດັບພົນເອກ 3 ທ່ານ ຄື:

1. ທ່ານ ພົນເອກ ຄໍາໄຕ ສີພັນດອນ ອະດີດເລຂາທິການໃຫຍ່ພັກຯ ແລະປະທານປະເທດຯ
2. ທ່ານ ພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີແຫ່ງ ສປປ ລາວ
3. ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ.

ປະຫວັດຫຍໍ້ທ່ານ ພົນເອກ ຈັນສະໝອນ ຈັນຍາລາດ
* ວັນ, ເດືອນ, ປີເກີດ: 1/3/1948
* ຊົນເຜົ່າ: ກືມມຸ
* ທ້ອງຖິ່ນກໍາເນີດ: ແຂວງຜົ້ງສາລີ
* ວັນ, ເດືອນ, ປີເຂົ້າການປະຕິວັດ: 4/11/1963
* ວັນ, ເດືອນ, ປີເຂົ້າພັກສົມບູນ: 20/3/1970
* ລະດັບການສຶກສາ: ມ6
* ລະດັບວິຊາສະເພາະ: ປະລິນຍາໂທ, ວິຊາ: ການເມືອງ-ການທະຫານ
* ລະດັບທິດສະດີການເມືອງ: ປະລິນຍາໂທ
*ເລື່ອນຊັ້ນຈາກ ພົນໂທ ຂຶ້ນເປັນ ພົນເອກ: 10/12/2018
* ໜ້າທີ່ຮັບພິດຊອບປະຈຸບັນ: ຕໍາແໜ່ງພັກ, ກໍາມະການກົມການເມືອງສູນກາງພັກ.
* ຕໍາແໜ່ງລັດ: ລັດຖະມົນຕີກະຊວງປ້ອງກັນປະເທດ

ຄຳຖາມ: ເປັນຫຍັງບ້ານເຮົາຄືພົນເອກໜ້ອຍແທ້?
ຄຳຕອບ: ການເລື່ອນຊັ້ນນາຍທະຫານຈະອີງໃສ່ກຳລັງພົນ. ຖ້າກຳລັງພົນບໍ່ເຖິງຂັ້ນມີນາຍພົນກໍຈະບໍ່ມີນາຍພົນ. ປະເທດລາວເຮົາມີປະຊາຊົນໜ້ອຍ ດັ່ງນັ້ນ, ພົນເອກກໍໜ້ອຍນຳ ແຕ່ອາດຈະເປັນພົນເອກກຳປັ້ນເຫຼັກ ເຖິງພົນເອກໜ້ອຍແຕ່ບໍ່ເຄີຍຢ້ານສັດຕູ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຂ່າວດີຂ່າວໃໝ່ ສົງໄສໂຄວິດ-19 ໄປ ໂຮງໝໍ 103

ຂ່າວດີ! ຂ່າວໃຫມ່! ແຊຣ໌ໄປໃຫ້ທຸກຄົນຮູ້ ທ່ານໃດສົງໄສວ່າຕົນເອງມີບັນຫາເຊື້ອໂຄວິດ-19 ໃຫ້ໄປໂຮງໝໍ 1…