ໜ້າຫຼັກ ຂ່າວກິລາ ອຸດົມໄຊ ເຈົ້າພາບກິລາແຫ່ງຊາດຄັ້ງຜ່ານມາ ຕັ້ງເປົ້າ 6 ຫຼຽນຄຳ!! ກິລາແຫ່ງຊາດ ຄັ້ງທີ 11 ທີ່ຊຽງຂວາງ

ອຸດົມໄຊ ເຈົ້າພາບກິລາແຫ່ງຊາດຄັ້ງຜ່ານມາ ຕັ້ງເປົ້າ 6 ຫຼຽນຄຳ!! ກິລາແຫ່ງຊາດ ຄັ້ງທີ 11 ທີ່ຊຽງຂວາງ

6 ຄົນ ກຳລັງອ່ານຢູ່
0
0
287
Loading...

ອຸດົມໄຊ ເຈົ້າພາບງານມະຫະກຳກິລາແຫ່ງຊາດຄັ້ງທີ 10 ປີ 2014 ສາມາດຍາດໄດ້ 33 ຫລຽນຄຳ 24 ຫລຽນເງິນ ແລະ 53 ຫລຽນທອງ ລວມ 110 ຫລຽນ ແລະກິລາທີ່ຊຽງຂວາງນີ້ຈະສົ່ງຄະນະນຳ ແລະ ນັກກິລາ 157 ຄົນ, ໃນນີ້ເປັນນັກກິລາ 91 ຄົນ ຮ່ວມແຂ່ງໃນ 10 ປະເພດກິລາ ປະກອບມີ: ກິລາແລ່ນ-ລານ, ດອກປິກໄກ່, ເທຄວັນໂດ້, ເປຕັງ, ປິ່ງປ່ອງ, ໜ້າເກັກ, ຍິງທະນູ, ກ໊ອຟ, ໝາກເສິກ, ໝາກແລ້ ແລະ ສະນຸກເກີ. ຕັ້ງເປົ້າສູ້ຊົນໃຫ້ໄດ້ 6 ຫຼຽນຄຳ ແລະ 4 ຫຼຽນເງິນ ໂດຍສະເພາະໃນ 4 ປະເພດກິລາຄື: ແລ່ນ-ລານ, ປິ່ງປ່ອງ, ໝາກເສິກ ແລະ ໝາກແລ້.

ທ່ານ ສົມສັກ ສຸພິໄລ ຮອງຫົວໜ້າພະແນກສຶກສາທິການ ແລະ ກິລາ ແຂວງອຸດົມໄຊ, ອະນຸກຳມະການກອງເລຂາກະກຽມນັກກິລາເຂົ້າຮ່ວມກິລາແຫ່ງຊາດ ຄັ້ງທີ 11 ໃຫ້ຮູ້ວ່າ: ອີງຕາມສະພາບເສດຖະກິດ ແລະ ຄວາມພ້ອມຂອງແຂວງພວກເຮົາ ທີ່ສາມາດສົ່ງນັກກິລາເຂົ້າຮ່ວມໄດ້ພຽງ 10 ປະເພດກິລາ ເຊິ່ງຫຼຸດຈາກຄັ້ງຜ່ານມາທີ່ຕົນເອງເປັນເຈົ້າພາບ 15 ປະເພດກິລາ. ໂດຍຄັ້ງນີ້ພວກເຮົາໄດ້ກະກຽມຄວາມພ້ອມ ແລະ ເກັບຕົວນັກກິລາເຂົ້າສູນຝຶກຊ້ອມມາແຕ່ທ້າຍປີ 2019, ໂດຍເປັນນັກກິລາພາຍໃນແຂວງທັງໝົດ 10 ປະເພດ. ຜ່ານການຝຶກຊ້ອມມາຮອດປັດຈຸບັນ ແມ່ນມີຄວາມພ້ອມ 90 ສ່ວນຮ້ອຍແລ້ວ ບໍ່ວ່າຈະເປັນທາງດ້ານສະພາບຈິດໃຈ-ພະລະກຳລັງ, ຄວາມເຂົ້າໃຈ ແລະ ຄວາມສາມັກຄີນໍ້າໃຈນັກກິລາ. ເຊິ່ງຄາດວ່າຈະອອກເດີນທາງໄປແຂວງເຈົ້າພາບ ໃນວັນທີ 16-19 ມີນານີ້.
Photo: ສຶກສາກິລາ & ຂ່າວກິລາ Lao National TV.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຜູ້ຄົວແບ້ກິນຢູ່ສູນປິ່ນປົວ ເປັນຜູ້ດຽວກັນກັບຕຳຫຼວດທີ່ຕິດເຊື້ອໂຄວິດ-19​ ຢູ່ແຂວງສະຫວັນນະເຂດ

ຮອງຜູ້ບັນຊາການແຂວງສະຫວັນນະເຂດ ວ່າຜູ້ຊາຍຄົວແບ້ໃນໂຮງຫມໍສະຫນາມ ແມ່ນຜູ້ດຽວກັນ ກັບເຈົ້າໜ້າທີ ທີ…