ໜ້າຫຼັກ ທ່ອງທ່ຽວ ວັງວຽງເຮັດແທ້!!​ກູ້ເງິນ 20ລ້ານໂດລາປັບປຸງໂຄງສ້າງພື້ນຖານດຶງດູດນັກທ່ອງທ່ຽວ

ວັງວຽງເຮັດແທ້!!​ກູ້ເງິນ 20ລ້ານໂດລາປັບປຸງໂຄງສ້າງພື້ນຖານດຶງດູດນັກທ່ອງທ່ຽວ

0 ຄົນ ກຳລັງອ່ານຢູ່
0
0
127
Loading...

ວັງວຽງສືບເລັ່ງປັບປຸງພາບພົດໃໝ່ເພື່ອສ້າງແຮງດູດນັກທ່ອງທ່ຽວໃນຕໍ່ໜ້າໂດຍຕັດສິນໃຈຈົກຖົງ ແລະ ກູ້ຢືມ 20 ລ້ານໂດລາສະຫະລັດເພື່ອກໍ່ສ້າງປັບປຸງເສັ້ນທາງຊຸດຊົມ ແລະ ເປ່ເພເສຍຫາຍພາຍໃນເທສະບານເມືອງວັງວຽງໃຫ້ສວຍງາມ ສະອາດ ແລະ ປອດຂີ້ຝຸ່ນຂຶ້ນກວ່າເກົ່າ.

ທາມກາງຈໍານວນນັກທ່ອງທ່ຽວມີທ່າອ່ຽງຫຼຸດລົງເນື່ອງຈາກສະພາບການແຜ່ລະບາດພະຍາດໂຄວິດ-2019 ເຊິ່ງເຮັດໃຫ້ຖ້ຽວບິນລະຫວ່າງປະເທດໃນບາງສາຍການບິນຢຸດຊົ່ວຄາວ ສົ່ງຜົນເຮັດໃຫ້ຄົນບໍ່ມີການເຄື່ອນໄຫວໄປຢ້ຽມຢາມຕ່າງປະເທດ.​
ນອກຈາກນັ້ນ ນັກວິເຄາະດ້ານເສດຖະສາດສາກົນຍັງຄາດຄະເນວ່າຜົນຂອງການລະບາດຂອງພະຍາດອາດເຮັດໃຫ້ການຂະຫຍາຍຕົວຂອງເສດຖະກິດປີນີ້ຂະຫຍາຍຕົວຊ້າ.

ທ່ານ ຄໍາພັນ ສິດທິດໍາພາ, ເຈົ້າແຂວງວຽງຈັນເປີດເຜີຍວ່າ: ສ່ວນໜຶ່ງຂອງງົບປະມານຈໍານວນດັ່ງກ່າວແມ່ນລັດຖະບານກູ້ຢືມມາຈາກຕ່າງປະເທດໃນອັດຕາດອກເບ້ຍຕ່ຳ ເພື່ອນໍາມາມອບໃຫ້ແຂວງ ວຽງຈັນເອົາມານໍາໃຊ້ປັບປຸງພື້ນຖານໂຄງລ່າງພາຍໃນເມືອງ ວັງວຽງ ໃຫ້ດີຂຶ້ນກວ່າເກົ່າ.
ປັດຈຸບັນ ຂະແໜງການທີ່ກ່ຽວຂ້ອງເລັ່ງສໍາຫຼວດ ແລະ ສຶກສາຂໍ້ມູນຕົວຈິງໃນແຕ່ລະເສັ້ນທາງທີ່ມີເງື່ອນໄຂເພື່ອສືບຕໍ່ປັບປຸງ ແລະ ກໍ່ສ້າງ, ຄາດວ່າຈະລົງມືຈັດຕັ້ງປະຕິບັດພາຍໃນປີນີ້ ແລະ ຈະໃຫ້ສໍາເລັດພາຍໃນປີ 2023.

ເມືອງວັງວຽງຂຶ້ນຊື່ລືນາມວ່າ:“ ສະຫວັນເທິງດິນ“ ດ້ານການທ່ອງທ່ຽວແບບທໍາມະຊາດ ແລະ ວິຖີຊີວິດຂອງປະຊາຊົນທ້ອງຖິ່ນ ແຕ່ບາງຄັ້ງກໍມີຫາງສຽງຈາກສັງຄົມວ່າຄ່າອາຫານ ແລະ ຄ່າຫ້ອງພັກຂ້ອນແພງໃນໄລຍະເທສະການ ແຕ່ອໍານາດການປົກຄອງທ້ອງຖິ່ນກໍມີຄວາມພະຍາຍາມແກ້ໄຂ ແລະ ປັບປຸບສິ່ງເຫຼົ່ານັ້ນຢ່າງຕໍ່ເນື່ອງ ສ່ວນໃຫຍ່ນັກທ່ອງທ່ຽວມັກເຂົ້າມາຊົມ ແລະ ນອນຄ້າງຄືນຢູ່ເມືອງວັງວຽງແມ່ນຊາວເກົາຫຼີ, ເອີຣົບ ແລະ ອື່ນໆ.
ທີ່ມາ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

120 ຮ້ານຈະເຂົ້າຮ່ວມເທດສະການອາຫານລາວ

ສະມາຄົມນັກທຸລະກິດແມ່ຍິງລາວຮ່ວມກັບສູນກາງສະຫະພັນແມ່ຍິງລາວຈັດພິທີຖະແຫຼງຂ່າວເທສະການອາຫານລາວ ປະ…