Home ຂ່າວພາຍໃນ ຢືນຢັນບໍ່ມີຜູ້ຕິດເຊື້ອພະຍາດໂຄວິດຢູ່ຕະຫລາດຊັ່ງຈ່ຽງ ສ່ວນຜູ້ປ່ອຍຂ່າວປອມຄວບຄຸມໂຕໄດ້ແລ້ວ

ຢືນຢັນບໍ່ມີຜູ້ຕິດເຊື້ອພະຍາດໂຄວິດຢູ່ຕະຫລາດຊັ່ງຈ່ຽງ ສ່ວນຜູ້ປ່ອຍຂ່າວປອມຄວບຄຸມໂຕໄດ້ແລ້ວ

1 second read
0
0
424
Loading...

ທ່ານ ແກ້ວປະເສີດ ຫລຽງ ຜູ້ຊ່ວຍປະທານ, ບໍລິສັດ ຊັ່ງຈ່ຽງຈໍາກັດຜູ້ດຽວຢືນຢັນລະຫວ່າງການຖະແຫລງຂ່າວກໍລະນີມີກຸ່ມຄົນບໍ່ດີສ້າງກະແສຂ່າວປອມຜ່ານສື່ສັງຄົມອອນລາຍເຟສບຸກກ່ຽວກັບການແຜ່ລະບາດພະຍາດອັກເສບປອດໂຄວິດ-2019 ຕໍ່ສື່ມວນຊົນຢ່າງເປັນທາງການໃນວັນທີ 26 ກຸມພາ 2020 ທີ່ສູນການຄ້າຊັ່ງຈ່ຽງ ວ່າຢູ່ຕະຫລາດຊັ່ງຈ່ຽງມີຄົນຕິດເຊື້ອໂຄວິດນັ້ນບໍ່ແມ່ນຄວາມຈິງ ແລະ ເປັນພຽງຂ່າວປອມເພື່ອໃສ່ຮ້າຍປ້າຍສີ ບິດເບືອນຄວາມຈິງ ແລະ ສ້າງຄວາມແຕກຕື່ນໃຫ້ສັງຄົນ ສະນັ້ນ ຂໍໃຫ້ພໍ່ແມ່ປະຊາຊົນ, ລູກຄ້າ, ພະນັກງານລັດຖະກອນ ແລະ ແຂກພາຍໃນ-ຕ່າງປະເທດຢ່າຫລົງເຊື່ອຕໍ່ຄໍາກ່າວອ້າງເຫລົ່ານັ້ນ ຂໍໃຫ້ທຸກໆທ່ານຄວນມີສະຕິລະມັດລະວັງໃນການບໍລິໂພກຂໍ້ມູນຂ່າວສານທີ່ຖືກຕ້ອງຜ່ານແຫລ່ງຂ່າວທີ່ມີຄວາມຫນ້າເຊື່ອຖືຂອງທາງການຢ່າງຄັກແນ່.

ຜູ້ຊ່ວຍປະທານ, ບໍລິສັດ ຊັ່ງຈ່ຽງຈໍາກັດຜູ້ດຽວຍັງຊີ້ແຈງຕື່ມອີກວ່າເລື່ອງທີ່ກ່າວມາຂ້າງເທິງນັ້ນມີຕົ້ນເຫດດັ່ງນີ້ ໃນເວລາ 10:50 ນາທີຂອງວັນທີ 24 ກຸມພາ 2020 ຢູ່ສູນການຄ້າຊັ່ງຈ່ຽງໄດ້ເກີດເຫດມີຄົນເຂົ້າໄປຂີ້ລັກໂທລະສັບຢູ່ພາຍໃນຮ້ານຂາຍໂທລະສັບຢູ່ສູນການຄ້າຊັ່ງຈ່ຽງ ດັ່ງນັ້ນທາງຫນ່ວຍຮັກສາຄວາມປອດໄພຈິ່ງໄດ້ສັ່ງປິດປະຕູຊົ່ວຄາວທຸກໆດ້ານຂອງສູນການຄ້າດັ່ງກ່າວເພື່ອກວດກາ ແລະ ນໍາຈັບຄົນຂີ້ລັກໂທລະສັບ ແຕ່ບໍ່ນຶກເລີຍວ່າຈະມີກຸ່ມຄົນບໍ່ດີຈໍານວນຫນຶ່ງໄດ້ສວຍໂອກາດຂະຫຍາຍຄວາມສ້າງກະແສຂ່າວປອມ ແລະ ປັ່ນປວນສັງຄົມໃຫ້ແຕກຕື່ນເປັນວົງກວ້າງ.

ທີ່ມາ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຄິວລົດສາຍໃຕ້ຈະປິດບໍລິການຊົ່ວຄາວ ແຕ່ວັນທີ 1 ເມສາເປັນຕົ້ນໄປ

ເພື່ອປ້ອງກັນ ແລະ ຄວບຄຸມການແພ່ລະບາດຂອງພະຍາດໂຄວິດ-19 ຕາມຄຳສັ່ງຂອງນາຍົກລັດຖະມົນຕີແຫ່ງ ສປປ ລາວ…