Home ຂ່າວພາຍໃນ ສາທາຢືນຢັນ ລາວກວດຜ່ານ 43 ກໍລະນີສົງໄສ ແຕ່ຍັງບໍ່ພົບເຊື້ອ ໂຄວິດ -19

ສາທາຢືນຢັນ ລາວກວດຜ່ານ 43 ກໍລະນີສົງໄສ ແຕ່ຍັງບໍ່ພົບເຊື້ອ ໂຄວິດ -19

1 second read
0
0
66
Loading...

ທ່ານຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫລງໃນວັນທີ 25 ກຸມພານີ້ວ່າ: ປັດຈຸບັນລາຍງານພະຍາດອັກເສບປອດທີ່ເກີດຈາກເຊື້ອCOVID-19 ຢູ່ໃນລາວເຮົາໄດ້ມີການກວດວິເຄາະກໍລະນີສົງໄສ 43 ກໍລະນີ ແຕ່ຍັງບໍ່ພົບເຊື້ອດັ່ງກ່າວນັ້ນ.

ສຳລັບຂ່າວລືທີ່ວ່າມີການຕິດພະຍາດ ໂຄໂລນາ ນີ້ຢູ່ໃນຊຸມຊົນຄົນຈີນ ຢູ່ທີ່ຕະຫຼາດຊັງຈຽງ ແມ່ນບໍ່ມີຄວາມຈິງເປັນຂ່າວທີ່ສ້າງຄວາມວຸ່ນວາຍເທົ່ານັ້ນ, ຜູ້ບໍລິຫານຕະຫຼາດດັ່ງກ່າວໄດ້ມີການອອກແຈ້ງການເພື່ອຊີ້ແຈງ, ທີມງານສືບສວນເຝົ້າລະວັງໄດ້ມີການລົງຄົ້ນຫາແລ້ວ ແລະບໍ່ມີກໍລະນີພະຍາດ. ຄວາມຈິງຂອງເຫດການນີ້ແມ່ນມີການປິດປະຕູຂອງຕະຫຼາດແມ່ນເປັນຊ່ວງເວລາສັ້ນໆ ເພື່ອສະກັດຈັບຄົນຂີ້ລັກທີ່ໄປລັກເຄື່ອງໃນຕະຫຼາດນັ້ນ.
ເຖິງຢ່າງໃດກໍຕາມຄວາມສ່ຽງ ຂອງພະຍາດທີ່ມາພ້ອມກັບຄວາມຮ້າຍແຮງ ແລະ ມາດຕະການ ຂອງພະຍາດໃນແຕ່ລະເຂດ ແຕ່ລະປະເທດແມ່ນມີຄວາມແຕກຕ່າງກັນ, ສຳລັບ ລປປ ລາວ ເຮົາກໍໄດ້ມີການປະເມີນຄວາສ່ຽງເປັນແຕ່ລະໄລຍະ ເພື່ອວາງແຜນຮັບມືແລະເຝົ້າລະວັງເຫດການທີ່ອາດເກີດຂື້ນ, ປະເທດເຮົາແມ່ນມີຄວາມສ່ຽງເຖິງວ່າຈະຍັງບໍ່ທັນມີກໍລະນີຂອງພະຍາດ ແລະ ພວກເຮົາກໍ່ມີການວາງມາດຕະການຮອງຮັບທີ່ເໜາະສົມ ໂດຍສະເພາະ ການກັ່ນກອງຄົນເຂົ້າອອກ, ການໃຫ້ຂໍ້ມູນຂ່າວສານ, ກະກຽມຫ້ອງວິເຄາະ ແລະ ອຸປະກອນການແພດເພື່ອຮັບຮອງເຫດການທີ່ອາດເກີດຂື້ນ, ເຝົ້າລະວັງ ແລະ ລົງສືບຫາກໍລະນີສົງໃສໃນກຸ່ມຄົນ ແລະ ທຸກສະຖານທີ່ທີ່ມີຄວາມສ່ຽງຕ່າງໆ.
ມາຮອດມື້ນີ້ ກະຊວງສາທາລະນະສຸກກໍຍັງສືບຕໍ່ກະກຽມຄວາມພ້ອມໃນການໂຕ້ຕອບ ແລະແນະນຳໃຫ້ປະຊາຊົນມີສະຕິລະວັງຕົວ ໂດຍຫຼີກລ່ຽງການເດີນທາງໄປເຂດທີ່ມີການລະບາດ ຫຼື ຊຸມຊົນແອອັດ, ຖ້າຈຳເປັນຈະໄປຕ້ອງໄດ້ປະຕິບັດເຊັ່ນ: ຫຼີກລ່ຽງການສຳຜັດໃກ້ຊິດກັບຄົນທີ່ມີອາການຄ້າຍຄືໄຂ້ຫວັດເຊັ່ນ: ໄຂ້, ໄອ, ເຈັບຄໍແລະຫາຍໃຈຍາກ, ເມື່ອເວລາໄອ ຫຼື ຈາມ ຕ້ອງປິດປາກ ແລະ ດັງ ດ້ວຍຂໍ້ສອກ ຫຼື ໃຊ້ເຈ້ຍອະນາໄມ ແລ້ວຖີ້ມເຈ້ຍອະນາໄມທີ່ໃຊ້ແລ້ວໃສ່ໃນຖັງຂີ້ເຫຍື້ອທີ່ມີຝາປິດທັນທີ, ໝັ່ນລ້າງມືດ້ວຍສະບູ ແລະ ນໍ້າ ຫຼື ໃຊ້ເຈວລ້າງມືທີ່ມີສ່ວນປະສົມຂອງເຫຼົ້າ, ຫຼີກລ່ຽງການສຳຜັດຕາ, ດັງ ແລະ ປາກ ຖ້າບໍ່ໄດ້ລ້າງມື, ບໍ່ຄວນຖົ່ມນໍ້າລາຍຊະຊາຍ, ຫາກທ່ານມີອາການຄ້າຍຄືໄຂ້ຫວັດເຊັ່ນ: ໄຂ້, ໄອ, ເຈັບຄໍ ຫຼື ຫາຍໃຈຍາກ ບວກກັບ ໄດ້ເດີນທາງໄປໃນເຂດປະເທດທີ່ມີການລະບາດ ພາຍໃນ 14 ວັນ ກ່ອນເລີ່ມຕົ້ນເຈັບ ຫຼື ສໍາຜັດໃກ້ຊິດກັບ ກໍລະນີຢັ້ງຢືນຕິດເຊື້ອ COVID-19ໃນຂະນະທີ່ກໍລະນີດັ່ງກ່າວກໍາລັງມີອາການ ກະລຸນາໄປພົບແພດໝໍໃກ້ບ້ານທ່ານ ແລະ ແຈ້ງປະຫວັດການເດີນທາງຂອງທ່ານຖ້າໄດ້ໄປເຂດທີ່ມີການລະບາດພະຍາດດັ່ງກ່າວໃນໄລຍະ 14 ວັນກ່ອນມີອາການ.

ທີ່ມາ: ໜັງສືພິມລາວພັດທະນາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຄິວລົດສາຍໃຕ້ຈະປິດບໍລິການຊົ່ວຄາວ ແຕ່ວັນທີ 1 ເມສາເປັນຕົ້ນໄປ

ເພື່ອປ້ອງກັນ ແລະ ຄວບຄຸມການແພ່ລະບາດຂອງພະຍາດໂຄວິດ-19 ຕາມຄຳສັ່ງຂອງນາຍົກລັດຖະມົນຕີແຫ່ງ ສປປ ລາວ…