Home ຂ່າວຕ່າງປະເທດ ປະທານປະເທດຈີນ ບໍ່ໃຫ້ໂຍະຍານມາດຕະການປ້ອງກັນ ແລະຄວບຄຸມພະຍາດລະບາດ ຢ່າງເດັດຂາດ

ປະທານປະເທດຈີນ ບໍ່ໃຫ້ໂຍະຍານມາດຕະການປ້ອງກັນ ແລະຄວບຄຸມພະຍາດລະບາດ ຢ່າງເດັດຂາດ

2 second read
0
0
373
Loading...

ເມື່ອບໍ່ດົນມານີ້ທ່ານສີຈິ້ນຜິງໄດ້ເຂົ້າຮ່ວມກອງ ປະຊຸມວາງແຜນເອກະພາບເພື່ອຊຸກຍູ້ການປ້ອງກັນ ແລະຄວບຄຸມການແຜ່ລະບາດຂອງໂຄວິດ-19 ແລະວຽກງານພັດທະນາເສດຖະກິດ-ສັງຄົມ ທີ່ນະຄອນປັກກິ່ງ.​

ໂອກາດດັ່ງກ່າວ ທ່ານ ສີຈິ້ນຜິງ ໄດ້ເນັ້ນໜັກໃນບາງຕອນສຳຄັນຮໍ່ກອງປະຊຸມວ່າ: ຊົນຊາດຈີນ ໄດ້ຜ່ານຜ່າຄວາມທຸກຍາກລຳບາກຫຼາຍຫຼົບຫຼາຍຕ່າວ, ແຕ່ກໍ່ບໍ່ເຄີຍຖືກທຳລາຍແຕກແຍກຈັກເທື່ອ, ຫາກໄດ້ເຕີບໃຫຍ່ຂະຫຍາຍຕົວ ແລະບຸກບືນກ້າວໄປໜ້າ ທ່າມກາງຄວາມຫຍຸ້ງຍາກລຳບາກກາກກຳ.​

ປັດຈຸບັນ, ວຽກງານປ້ອງກັນ ແລະຄວບຄຸມການແຜ່ລະບາດຂອງພະຍາດ ພວມຢູ່ໃນໄລຍະຂຸ້ນຂ້ຽວທີ່ສຸດອົງການປົກຄອງທຸກຂັ້ນ ຕ້ອງເລັ່ງລັດກຳແໜ້ນວຽກງານປ້ອງກັນ ແລະຄວບຄຸມພະຍາດຢ່າງລະອຽດເດັດຂາດ, ຟື້ນຟູການຜະລິດ ແລະການດຳລົງຊີວິດຂອງປະຊາຊົນຢ່າງເປັນລະບຽບຮຽບຮ້ອຍ, ທັງເພີ່ມທະວີການປັບປຸງນະໂຍບາຍ ແລະພະຍາຍາມບັນລຸເປົ້າໝາຍພັດທະນາເສດຖະກິດ-ສັງຄົມຂອງຈີນ ໃນປີນີ້ ໃຫ້ບັນລຸໝາກຜົນທີ່ດີ.
ທ່ານກ່າວເນັ້ນຕື່ມອີກວ່າ: ສະພາບການແຜ່ລະບາດຂອງພະຍາດຄັ້ງນີ້ ແມ່ນເຫດການສຸກເສີນດ້ານສາທາລະນະສຸກອັນໜັກໜ່ວງ ທີ່ເກີດຂຶ້ນພາຍຫຼັງການສະຖາປະນາ ສປ ຈີນ ເປັນຕົ້ນມາ, ມີຈຸດພິເສດໃນການແຜ່ລະບາດອອກຢ່າງວ່ອງໄວທີ່ສຸດ,​ຂອບເຂດການຕິດເຊື້ອກວ້າງຂວາງທີ່ສຸດ ແລະການປ້ອງກັນ ແລະຄວບຄຸມມີຄວາມຫຍຸ້ງຍາກຫຼາຍທີ່ສຸດ, ໂດຍຜ່ານຄວາມພະຍາຍາມຢ່າງລຳບາກ.

ມາຮອດປັດຈຸບັນ, ສະຖານະການປ້ອງກັນ ແລະຄວບຄຸມພະຍາດ ໄດ້ມີທ່ວງທ່າຂະຫຍາຍຕົວໄປທາງທີ່ດີຢ່າງຕັ້ງໜ້າ ແລະໄດ້ສະແດງໃຫ້ເຫັນອີກເທື່ອໜຶ່ງ ເຖິງທ່າແຮງພົ້ນເດັ່ນຂອງການນຳພາໂດຍພັກກອມມູູນິດຈີນ ແລະລະບອບສັງຄົມນິຍົມທີ່ມີສີສັນພິເສດຂອງຈີນ.
ສະພາບພື້ນຖານເສດຖະກິດຈີນ ທີ່ພັດທະນາເປັນຢ່າງດີໃນໄລຍະຍາວ ບໍ່ມີການປ່ຽນແປງ, ການກະທົບຈາກສະພາບພະຍາດລະບາດໃນຄັ້ງນີ້ ແມ່ນເປັນພຽງໄລຍະສັ້ນ ແລະສາມາດຄວບຄຸມໄດ້ໃນດ້ານກວມລວມ.

ທີ່ມາ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ລົດໄຟໃຕ້ດິນບາງສາຍໃນອູຮັນເປີດໃຫ້ບໍລິການແລ້ວ

ສຳນັກຂ່າວ china ລາຍງານເມື່ອວັນທີ 28 ມີນາຜ່ານມາວ່າ: ທີ່ເມືອງອູຮັນ ໄດ້ມີການເປີດໃຫ້ບໍລິການລົດ…