Home ຂ່າວພາຍໃນ ພົບກໍລະນີສົງໄສເພີ່ມອີກ 7 ຄົນ

ພົບກໍລະນີສົງໄສເພີ່ມອີກ 7 ຄົນ

0 second read
0
2
61,508
Loading...

ຮອງລັດຖະມົນຕີກະຊວງສາທາລະນະສຸກ ລາຍງານໃນວັນທີ 10 ມີນານີ້ວ່າ: ປັດຈຸບັນ, ຢູ່ລາວມີ 60 ກໍລະນີສົງໄສ ເພີ່ມຂຶ້ນ 7 ຄົນຈາກວັນທີ 6 ມີນາຜ່ານມາ ໃນນັ້ນລວມທັງຄົນຕ່າງປະເທດທີ່ເຂົ້າມາລາວ, ໂດຍຜ່ານການກວດກາວັດອຸນຫະພູມ, ມີອາການໄຂ້, ໄອ ແລະ ມີປະຫວັດການເດີນທາງມາຈາກປະເທດທີ່ມີການລະບາດ ເຊິ່ງໄດ້ປະຕິບັດຕາມຫລັກການຂອງອົງການອະນາໄມໂລກ ແລະ ໄດ້ກັກຕົວເຂົ້າຫ້ອງແຍກປ່ຽວຢູ່ໂຮງໝໍມິດຕະພາບ 150 ຕຽງ, ໂຮງໝໍ 103, ໂຮງໝໍແຂວງບໍ່ແກ້ວ, ຫຼວງພະບາງ ແລະ ຈຳປາສັກ.
ເພື່ອຢັ້ງຢືນຄຸນນະພາບຄວາມຊັດເຈນ ທາງສາທາລະນະສຸກໄດ້ສົ່ງຕົວຢ່າງມາກວດຢູ່ 3 ສູນວິເຄາະທີ່ຖືກຮັບຮອງຈາກອົງການອະນາໄມໂລກ ແລະ ໄດ້ມາດຕະຖານຂອງສາກົນຄື: ສູນວິເຄາະແຫ່ງຊາດ, ສູນວິເຄາະປາສເຕີ ແລະ ສູນວິເຄາະຢູ່ໂຮງໝໍມະໂຫສົດ. ເຊິ່ງຕົວຢ່າງໜຶ່ງແມ່ນຈະສົ່ງກວດທັງ 3 ສູນວິເຄາະນີ້, ຖ້າຜົນອອກມາຄືກັນຕົວຢ່າງ: ຜົນເປັນລົບແມ່ນບໍ່ຕິດເຊື້ອ, ຖ້າເປັນບວກແມ່ນຕິດເຊື້ອໄວຣັສນີ້, ນອກນັ້ນຍັງໄດ້ສົ່ງ 20 ຕົວຢ່າງທີ່ສົງໄສໄປກວດຢູ່ສູນວິເຄາະທີ່ປະເທດອົດສະຕຣາລີ ເພື່ອຢັ້ງຢືນເຖິງຄວາມຊັດເຈນຕື່ມອີກ ແລະ ຜົນກວດອອກມາທັງໝົດເປັນລົບ, ໝາຍວ່າມາຮອດປັດຈຸບັນຢູ່ ສປປ ລາວ ແມ່ນຍັງບໍ່ມີຜູ້ຕິດເຊື້ອ COVID ນີ້ແຕ່ຢ່າງໃດ.
ນອກນີ້ ທ່ານຮອງລັດຖະມົນຕີກໍໄດ້ຮຽກຮ້ອງໄປຍັງປະຊາຊົນທຸກຖ້ວນໜ້າໃຫ້ມີສະຕິປ້ອງກັນ ແລະ ສະກັດກັ້ນໃຫ້ມີປະສິດທິຜົນ ແລະ ເອົາໃຈໃສ່ປະຕິບັດຫຼັກການສາທາລະນາສຸກຢ່າງເຂັ້ມງວດຕໍ່ການຮັກສາສຸຂະພາບຂອງຕົນເອງ ຖ້າສົງໄສໂທ 166 ຕະຫຼອດ 24 ຊມ

ທີ່ມາ: ໜັງສືພິມລາວພັດທະນາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊົມເຊີຍ! ຍີ່ປຸ່ນຊ່ວຍລາວ13 ລ້ານໂດລາສະຫະລັດ

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າ…