Home ຂ່າວຕ່າງປະເທດ ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ

ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ

2 second read
0
0
2,880
Loading...

ສ.ເກົາຫລີ ປະກາດບົດລົງໂທດຝ່າຝືນມາດຕະການ “ໂຄວິດ-19” ຜູ້ບໍ່ຍອມກັກຕົວ 14 ວັນ ຖ້າເປັນຊາວຕ່າງປະເທດຈະເນລະເທດອອກຈາກປະເທດ, ກໍລະນີຄົນ ສ.ເກົາຫລີ ຕ້ອງຕິດຄຸກສູງສຸດ 1 ປີ ແລະ ປັບໄໝ 10 ລ້ານວອນ.
ອະທິບໍດີກົມອະນາໄມຂອງ ສ.ເກົາຫລີ ຖະແຫລງໃນວັນທີ 26 ມີນາວ່າ: ທາງການ ສ.ເກົາຫລີ ໄດ້ເພີ່ມບົດລົງໂທດໜັກ ໂດຍຈະບໍ່ຍຶດຫລັກການປານີປານອມຕໍ່ຜູ້ທີ່ບໍ່ຍອມກັກຕົນເອງ ແລະ ອອກມາຈາກເຮືອນພັກ ໂດຍບໍ່ມີເຫດຜົນສົມຄວນ, ຖ້າເປັນຄົນຕ່າງປະເທດຈະຖືກເນລະເທດອອກຈາກປະເທດທັນທີ ຫລື ກໍລະນີເປັນຄົນ ສ.ເກົາຫລີ ຈະຖືກແຈ້ງຄວາມໃຫ້ຕຳຫລວດລົງໂທດ ແລະ ບໍ່ໄດ້ຮັບເງິນຊ່ວຍເຫລືອສຳລັບຜູ້ກັກຕົນເອງ 14 ວັນ.


ມາດຕະການດັ່ງກ່າວ ເປັນຂໍກຳນົດທີ່ທາງການ ສ.ເກົາຫລີ ຕ້ອງການໃຫ້ປະຕິບັດໃນສະຖານະການການແຜ່ລະບາດໂຄໂຣນາສາຍພັນໃໝ່ (ໂຄວິດ-19) ຢ່າງເຄັ່ງຂັດ, ຖ້າຝ່າຝືນອາດຕ້ອງຮັບໂທດຕິດຄຸກສູງສຸດ 1 ປີ ແລະ ປັບໄໝ 10 ລ້ານວອນ.
ຂະນະທີ່ ກະຊວງປ້ອງກັນຄວາມສະຫງົບ ເປີດເຜີຍວ່າ: ຄົນຕ່າງປະເທດທີ່ເຂົ້າປະເທດເກືອບ 90% ແລະ ຄົນ ສ.ເກົາຫລີ ທີ່ເຂົ້າປະເທດ 60% ໄດ້ດາວໂຫລດແອັບພິເຄຊັນຕິດຕາມຕົວ ແລະ ສາຍຄາດມືສີຟ້າເປັນສັນຍາລັກລະຫວ່າງການກັກຕົວ.
ເຖິງຢ່າງໃດກໍຕາມ, ມີລາຍງານຂໍ້ມູນໃນວັນທີ 26 ມີນາ ພົບຜູ້ປ່ວຍໂຄວິດ-19 ຄົນໃໝ່ ຈຳນວນ 104 ຄົນ ເຮັດໃຫ້ມີຜູ້ຕິດເຊື້ອທັງໝົດ 9.241 ຄົນ, ເສຍຊີວິດ 131 ຄົນ ແລະ ປິ່ນປົວດີແລ້ວ 4.144 ຄົນ.

Cr.ໜັງສືພິມລາວພັດທະນາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ສຸກເສີນ ! ນໍ້າມັນດິບຮົ່ວໄຫຼຫຼາຍກວ່າ 20 ພັນໂຕນ

ແຫຼ່ງຂ່າວ ບີບີຊີລາຍງານ ວັນທີ 4 ມິຖຸນານີ້ວ່າ: ປະທານາທິບໍດີຣັດເຊຍທ່ານ Vladimir Putin ໄດ້ປະກາ…