Home ຂ່າວຕ່າງປະເທດ ຈີນ​ ໄດ້​ໃຫ້​ການ​ຊ່ວຍ​ເຫລືອ​ແກ່ 89 ປະ​ເທດ​ ແລະ 4 ອົງ​ການ​ຈັດ​ຕັ້ງ​ສາ​ກົນ​ເພື່ອ​ຕ້ານ​ພະ​ຍາດ​ໂຄວິດ-19

ຈີນ​ ໄດ້​ໃຫ້​ການ​ຊ່ວຍ​ເຫລືອ​ແກ່ 89 ປະ​ເທດ​ ແລະ 4 ອົງ​ການ​ຈັດ​ຕັ້ງ​ສາ​ກົນ​ເພື່ອ​ຕ້ານ​ພະ​ຍາດ​ໂຄວິດ-19

0 second read
0
0
7,013
Loading...

ສຳນັກຂ່າວສານປະເທດລາວໃຫ້ຮູ້ວ່າ: ຈີນ​ ໄດ້​ໃຫ້​ການ​ຊ່ວຍ​ເຫລືອ​ແກ່ 89 ປະ​ເທດ​ ແລະ 4 ອົງ​ການ​ຈັດ​ຕັ້ງ​ສາ​ກົນ​ເພື່ອ​ຕ້ານ​ພະ​ຍາດ​ໂຄວິດ-19

ໃນ​ກອງ​ປະ​ຊຸມ​ຂ່າວຂອງ​ຫ້ອງ​ການ​ຖະ​ແຫລງ​ຂ່າວ​ລັດ​ຖະ​ບານ​ຈີນ​ ທີ່ຈັດ​ຂຶ້ນ​ໃນ​ຕອນ​ເຊົ້າ​ວັນ​ທີ 26 ມີ​ນາຜ່ານມາ, ຜູ້​ຮັບ​ຜິດຊອບ​ຂອງ​ພາກ​ສ່ວນ​ທີ່​ກ່ຽວ​ຂ້ອງ​ແນະ​ນຳ​ໃຫ້​ຮູ້​ວ່າ, ຈີນ​ ໄດ້​ຈັດ​ຕັ້ງ​ປະ​ຕິ​ບັດ​ການ​ຊ່ວຍ​ເຫລືອ​ຕໍ່ 89 ປະ​ເທດ​ແລະ 4 ອົງ​ການ​ຈັດ​ຕັ້ງ​ສາ​ກົນ​ ເພື່ອ​ຕໍ່​ຕ້ານ​ກັບ​ພະ​ຍາດ​ໂດຍ​ແບ່ງ​ເປັນ 4 ງວດ.
ໂດຍໃຫ້ແກ່ທະ​ວີບ​ອາ​ຊີ 28 ປະ​ເທດ​, ເອຣົບ 16 ປະ​ເທດ, ອາຟຣິກາ 26 ປະ​ເທດ, ທະວີບອາເມລິກາ 9 ປະເທດ, ປະຊີຟິກໃຕ້ 10 ປະ​ເທດ.​

ວັດ​ຖຸ​ຊ່ວຍ​ເຫລືອ​ຕົ້ນ​ຕໍ​ລວມ​ທັງຢາ​ກວດ​ຫາ​ເຊື້ອ ຜ້າ​ປິດ​ປາກ ຊຸດ​ປ້ອງ​ກັນ ແວ່ນ​ຕາກັນ​ພະ​ຍາດ ເຄື່ອງ​ແທກ​ອຸນ​ຫະ​ພູມ​ໜ້າ​ຜາກ ຖົງ​ມື​ ແລະ​ຖົງ​ເກີບ​ທາງ​ການ​ແພດ ພ້ອມ​ດ້ວຍ​ອຸ​ປະ​ກອນ​ການ​ປິ່ນ​ປົວ​ຕ່າງໆ​ເຊັ່ນ ເຄື່ອງ​ຊ່ວຍ​ຫາຍ​ໃຈ​ ແລະ​ອື່ນໆ. ໃນການ​ຊ່ວຍ​ເຫລືອດ້ານ​ເຕັກ​ນິກ​ການ​ປິ່​ນ​ປົວ,​ ຈີນ ໄດ້​ສົ່ງ​ໜ່ວຍ​ຜູ້​ຊ່ຽວ​ຊານການ​ປິ່ນ​ປົວ​ໄປ​ປະ​ເທດ​ຕ່າງໆ​ທີ່​ຕ້ອງ​ການ, ເພື່ອດຳ​ເນີນ​ການ​ແລ​ກ​ປ່ຽນ​ບົດ​ຮຽນ, ໃຫ້​ຂໍ້​ສະ​ເໜີ​ໃນ​ການ​ປິ່ນ​ປົວ. ນອກນີ້, ອົງ​ການ​ປົກ​ຄອງ​ທ້ອງ​ຖິ່ນ​ຫລາຍ​ແຫ່ງ ພ້ອ​ມ​ທັງ​ວິ​ສາ​ຫະ​ກິດ ອົງ​ການ​ຈັດ​ຕັ້ງ​ສັງ​ຄົມ ແລະສ່ວນ​ບຸກ​ຄົນ​ຈຳ​ນວນ​ຫລາຍ​ໄດ້​ເຂົ້າ​ຮ່ວມ​ການ​ຊ່ວຍ​ເຫລືອ​ຕໍ່​ພາຍນອກ.
ຜູ້​ຊ່ຽວ​ຊານ​ກ່າວ​ວ່າ, ການ​ຊ່ວຍ​ເຫລືອ​ຕໍ່​ພາຍນອກ​ຂອງ​ຈີນ​ ໄດ້​ປະ​ຕິ​ບັດ​ຕາມ​ຫລັກ​ການ​ທີ່​ໃຫ້​ການ​ຊ່ວຍ​ເຫລືອຕາມ​ຄວາມ​ສາ​ມາດ​ຂອງ​ຕົນ ແລະ​ພະ​ຍາ​ຍາມ​ສຸ​ດ​ຂີດ, ການ​ຊ່ວຍ​ເຫລືອ​ຕໍ່​ພາ​ຍນອກ​ເພື່ອ​ຕ້ານ​ພະ​ຍາດ​ໃນ​ຄັ້ງ​ນີ້​ເຊັ່ນ​ດຽວ​ກັນ. ບໍ່​ວ່າ​ຈະ​ເປັນ​ການ​ຊ່ວຍ​ເຫລືອ​ດ້ານ​ວັດ​ຖຸ ຫລືວ່າ​ເປັນ​ການ​ສົ່ງ​ໜ່ວຍ​ຜູ້​ຊ່ຽວ​ຊານ​ການ​ປິ່ນ​ປົວ​ໄປ​ນອກ, ລ້ວນ​ແຕ່​ແມ່ນ​ຈະ​ຮັບ​ປະ​ກັນ​ຄວາມ​ຕ້ອງ​ການ​ໃນ​ການ​ປ້ອງ​ກັນ​ ແລະ​ຄວບ​ຄຸມພະ​ຍາດ​ພາຍ​ໃນ​ປະ​ເທດ​ຈີນ​ ກ່ອນ.

ທີ່ມາ.​ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ສຸກເສີນ ! ນໍ້າມັນດິບຮົ່ວໄຫຼຫຼາຍກວ່າ 20 ພັນໂຕນ

ແຫຼ່ງຂ່າວ ບີບີຊີລາຍງານ ວັນທີ 4 ມິຖຸນານີ້ວ່າ: ປະທານາທິບໍດີຣັດເຊຍທ່ານ Vladimir Putin ໄດ້ປະກາ…