Home ຂ່າວພາຍໃນ ມີ 235 ຄົນ ສຳຜັດໃກ້ຊິດ ກັບຜູ້ຕິດເຊື້ອໂຄວິດ-19 ທັງ 8 ກໍລະນີ

ມີ 235 ຄົນ ສຳຜັດໃກ້ຊິດ ກັບຜູ້ຕິດເຊື້ອໂຄວິດ-19 ທັງ 8 ກໍລະນີ

2 second read
0
0
20,574
Loading...

ໃນຕອນບ່າຍມື້ນີ້ 28 ມີນາຜ່ານມານີ້ ທີ່ກະຊວງສາທາລະນະສຸກ, ນະຄອນຫຼວງວຽງຈັນ, ທ່ານພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ໂຄວິດ-19 (COVID-19) ຖະແຫລງຂ່າວຕໍ່ສື່ວນຊົນເຖິງສະຖານະການຫລ້າສຸດຂອງການແຜ່ລະບາດຂອງເຊື້ອພະຍາດ ໂຄວິດ-19 ຮອດເວລາ 17 ໂມງ ຂອງວັນທີ 27 ມີນາໄດ້ກວດວິເຄາະຫາເຊື້ອ 58 ກໍລະນີ, ໂດຍໃນນີ້ ພົບ ມີຜູ້ຕິດເຊື້ອ 2 ຄົນຄື: 1. ເພດຍິງ, ອາຍຸ 50 ປີ, ສັນຊາດລາວ, ບ້ານວິຊຸນ, ນະຄອນຫຼວງພະບາງ, ແຂວງຫຼວງພະບາງ, ເຊິ່ງເປັນເມຍຂອງຜູ້ຕິດເຊື້ອ ທີ່ເປັນຄົນຂັບລົດໃຫ້ແກ່ກຸ່ມທົວນັກທ່ອງທ່ຽວທີ່ໄດ້ລາຍງານໄປແລ້ວກ່ອນໜ້ານີ້. 2. ເພດຊາຍ, ອາຍຸ 18 ປີ, ບ້ານ ດອນນົກຂຸ້ມ, ເມືອງ ສີສັດຕະນາກ, ນະຄອນຫຼວງວຽງຈັນເປັນພະນັກງານໍລິສັດ DHL, ບຸກຄົນນີ້ໄດ້ສຳຜັດ ແລະ ໃກ້ຊິດກັບຜູ້ຕິດເຊື້ອ ທີ່ເປັນນັກທຸລະກິດທີ່ໄດ້ລາຍງານໄປກ່ອນແລ້ວເຊັ່ນກັນ.
ດັ່ງນັ້ນ ມາຮອດປະຈຸບັນ ຢູ່ສປປ ລາວເຮົາ ມີຜູ້ຕິດເຊື້ອສະສົມແລ້ວ 8 ຄົນ.
ນັກລະບາດວິທະຍາພາກສະໜາມ ໄດ້ສືບຕໍ່ລົງຄົ້ນຫາຜູ້ທີ່ໄດ້ສຳຜັດ ແລະ ໃກ້ຊິດນຳກໍລະນີທີ່ຕິດເຊື້ອທັງ 8 ຄົນນີ້ ມີທັງໝົດ 235 ຄົນ.
ທ່ານຮອງລັດຖະມົນຕີກະຊວງສາທາລະນະສຸກ ຍັງໄດ້ໃຫ້ຮູ້ເຖິງອາການຂອງຄົນເຈັບທີ່ນອນປິ່ນປົວຕິດຕາມອາການ ທີ່ໂຮງໝໍ ທັງໝົດ 8 ຄົນ: ຄື 5 ຄົນ ນອນປິ່ນປົວຢູ່ໂຮງໝໍມິດຕະພາບ ແລະ 3 ຄົນ ຢູ່ໂຮງໝໍຫຼວງພະບາງ ທັງໝົດແມ່ນມີອາການຊົງຕົວຂັ້ນເບົາບາງ ໂດຍບໍ່ມີອາການໄຂ້ຮຸນແຮງ ແລະ ໄດ້ຮັບການປິ່ນປົວຢ່າງເອົາໃຈໃສ່ທີ່ສຸດຈາກຄະນະແພດໝໍຕາມຫຼັກວິຊາການສາກົນທຸກປະການ.

ຂອບໃຈຂໍ້ມູນຈາກ: ວິທະຍຸກະຈາຍສຽງແຫ່ງຊາດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊົມເຊີຍ! ຍີ່ປຸ່ນຊ່ວຍລາວ13 ລ້ານໂດລາສະຫະລັດ

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າ…