Home ຂ່າວພາຍໃນ ທີມແພດ ແລະ ຊ່ຽວຊານ ຈາກ ສປ ຈີນ ເດີນທາງມາຮອດ ລາວ ແລ້ວ ເພື່ອຊ່ວຍຕ້ານໄວຣັດ ໂຄວິດ-19

ທີມແພດ ແລະ ຊ່ຽວຊານ ຈາກ ສປ ຈີນ ເດີນທາງມາຮອດ ລາວ ແລ້ວ ເພື່ອຊ່ວຍຕ້ານໄວຣັດ ໂຄວິດ-19

2 second read
0
0
1,319
Loading...

ສຳນັກຂ່າວສານປະເທດລາວລາຍງານວ່າ: ຄະນະແພດ ແລະ ຊ່ຽວຊານຈາກ ສປ ຈີນ ຈໍານວນ 1​2 ທ່ານ ພ້ອມດ້ວຍອຸປະກອນການແພດຈຳນວນໜຶ່ງ ເດີນທາງເຖິງສະໜາມບິນສາກົນວັດໄຕ ໃນມື້ນີ້ເວລາ 11:12 ໂມງ ເພື່ອມາຊ່ວຍ ສປປ ລາວ ໃນການຕ້ານ ແລະ ສະກັດກັ້ນ ກັບໄວຣັດ ໂຄວິດ-19 ຢູ່ພາຍໃນປະເທດ, ເຊິ່ງມາຮອດປັດຈຸບັນ ລາວ ມີຜູ້ຕິດເຊື້ອແລ້ວທັງໝົດ 8 ຄົນ, ແຕ່ບໍ່ມີລາຍງານການເສຍຊີວິດ.

ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ຫລື ໂຄວິດ-19, ທ່ານ ຮສ. ດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະ ແລະ ເຈົ້າໜ້າທີ່ຈາກສະຖານເອກອັກຄະລັດຖະທູດ ແຫ່ງ ສປ ຈີນ ປະຈຳນະຄອນຫລວງວຽງຈັນ ໄດ້ໃຫ້ກຽດຕ້ອນຮັບຄະນະດັ່ງກ່າວທີ່ສະໜາມບິນ ຢ່າງເປັນທາງການ ແລະ ສົມກຽດ ດ້ວຍບັນຍາກາດທີ່ເຕັມໄປດ້ວຍໄມຕີຈິດມິດຕະພາບອັນອົນອຸ່ນ.
ແຜນການເຮັດວຽກຢູ່ ສປປ ລາວ ຂອງຄະນະແພດ ແລະ ຊ່ຽວຊານ ແມ່ນຈະດຳເນີນເປັນເວລາທັງໝົດ 14 ວັນ ໂດຍຈະແບ່ງປັນປະສົບການກັບຝ່າຍລາວ ໃນການປ້ອງກັນ ແລະ ຄວບຄຸມພະຍາດ ໂຄວິດ-19, ກວດຄັດກອງຫາຜູ້ຕິດເຊື້ອ, ກວດວິເຄາະເຊື້ອພະຍາດຢູ່ຫ້ອງທົດລອງ ແລະ ປິ່ນປົວຄົນເຈັບ, ລວມທັງແລກປ່ຽນບົດຮຽນກັບກະຊວງສາທາລະນະສຸກ ແລະ ໂຮງໝໍສູນກາງຂອງ ສປ ລາວ.

ກ່ອນໜ້ານີ້ໄເ້ສົ່ງອຸປະກອນມາ

..​ທີ່ມາ ຂປລ.​

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊົມເຊີຍ! ຍີ່ປຸ່ນຊ່ວຍລາວ13 ລ້ານໂດລາສະຫະລັດ

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າ…