ໜ້າຫຼັກ ຂ່າວພາຍໃນ ຄະນະສະເພາະກິດເຜີຍ ມີ 4 ພັນກວ່າສາຍໂທເຂົ້າ 165 & 166 ໃນນັ້ນຫຼາຍກວ່າ 84% ແມ່ນໂທມາລົບກວນ

ຄະນະສະເພາະກິດເຜີຍ ມີ 4 ພັນກວ່າສາຍໂທເຂົ້າ 165 & 166 ໃນນັ້ນຫຼາຍກວ່າ 84% ແມ່ນໂທມາລົບກວນ

2 ຄົນ ກຳລັງອ່ານຢູ່
0
0
89
Loading...

ພາຍຫຼັງທີ່ມີການລະບາດຂອງພະຍາດໂຄວິດ-19 ລັດຖະບານໄດ້ຈັດຕັ້ງສາຍດ່ວນ 166 ຂຶ້ນມາ ເພື່ອໃຫ້ປະຊາຊົນໂທເຂົ້າໄປສອບຖາມກ່ຽວກັບພະຍາດດັ່ງກ່າວ. ພາຍຫຼັງໄດ້ມີການເພີ່ມເຂົ້າມາອີກ 1 ເບີ ຄື 165 ແລະ ພ້ອມດຽວກັນກໍຍັງໄດ້ຈັດຕັ້ງສາຍດ່ວນແຕ່ລະແຂວງນຳອີກ ເຫັນໄດ້ເຖິງຄວາມເອົາໃຈໃສ່ຂອງພາກລັດໃນການຊ່ວຍເຫຼືອໃຫ້ຂໍ້ມູນກ່ຽວກັບພະຍາດດັ່ງກ່າວແກ່ປະຊາຊົນ.

ໃນການຖະແຫຼງຂ່າວເມື່ອວັນທີ 18 ເມສາ 2020 ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງໂຄວິດ-19, ທ່ານ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໃນນາມຂອງຄະນະສະເພາະກິດດັ່ງກ່າວ ໄດ້ລາຍງານວ່າ ມາຮອດວັນທີ 17 ເມສາ 2020 ມີຜູ້ໂທເຂົ້າສາຍດ່ວນ 166 ແລະ 165 ເຊິ່ງມີທັງໝົດ 31 ປ່ອງ ຈຳນວນ 4,085 ສາຍ.

ໃນນັ້ນ ມີພຽງ 632 ສາຍເທົ່ານັ້ນ ທີ່ສອບຖາມກ່ຽວກັບພະຍາດໂຄວິດ-19 ເຊິ່ງກວມເອົາພຽງ 15.4%. ສ່ວນທີ່ເຫຼືອຫຼາຍກວ່າ 3 ພັນສາຍ ຫຼື ກວ່າ 84% ແມ່ນໂທເຂົ້າມາລົບກວນເຊັ່ນ: ໂທມາເວົ້າຢອກເລື່ອງອື່ນໆ, ໂທມາແລ້ວບໍ່ເວ້າ ເປັນຕົ້ນ.

ທັງນີ້ ທ່ານ ດຣ. ພູທອນ ໄດ້ຮຽກຮ້ອງເຖິງຜູ້ທີ່ນຳໃຊ້ ກໍຄືໂທເຂົ້າສາຍດ່ວນດັ່ງກ່າວ ຈົ່ງພິຈາລະນາໃຫ້ດີ ເພື່ອບໍ່ເປັນການລົບກວນຜູ້ທີ່ຕ້ອງການໂທເຂົ້າໄປສອບຖາມກ່ຽວກັບການປ້ອງກັນພະຍາດດັ່ງກ່າວແທ້ໆ.

ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 70 ປີ

ໃນຕອນເຊົ້າວັນທີ 13 ສິງຫາ 2020  ສູນກາງແນວລາວສ້າງຊາດໄດ້ຈັດພິທີໂຮມຊຸມນຸມໃຫຍ່ ສະເຫຼີມສະຫຼອງວັນ…