ໜ້າຫຼັກ ນານາສາລະ ແພດແຜນໄທທົດລອງເບື້ອງຕົ້ນ ພົບ ຣາຊາບີ ມີລິດຕ້ານເຊື້ອໂຄວິດ-19 ໄດ້ ແຕ່ບໍ່ຄວນກິນເພື່ອກັນເຊື້ອ

ແພດແຜນໄທທົດລອງເບື້ອງຕົ້ນ ພົບ ຣາຊາບີ ມີລິດຕ້ານເຊື້ອໂຄວິດ-19 ໄດ້ ແຕ່ບໍ່ຄວນກິນເພື່ອກັນເຊື້ອ

2 ຄົນ ກຳລັງອ່ານຢູ່
0
0
172
Loading...

ກົມການແພດແຜນໄທ ແລະ ການແພດທາງເລືອກ ເຜີຍຜົນທົດລອງໃຊ້ສະໝຸນໄພ “ຣາຊາບີ” (ຫຼື ສາມພັນປີ ຫຼື ຟ້າທະລາຍໂຈນ ໃນພາສາໄທ) ເປີດເຜີຍຜົນການທົດລອງ ໃຊ້ສະໝຸນໄພດັ່ງກ່າວໃນການຢຸດຢັ້ງເຊື້ອໄວຣັດໂຄໂຣນາ. ເບື້ອງຕົ້ນ ໃນຫຼອດທົດລອງພົບວ່າສາມາດຕ້ານບໍ່ໃຫ້ເຊື້ອໄວຣັດເພີ່ມຈຳນວນໄດ້. ແນວໃດກໍຕາມທາງການໄທກ່າວວ່າ ບບໍ່ຄວນກິນຣາຊາບີເພື່ອຫວັງຜົນໃນການປ້ອງກັນ ໂດຍທີ່ຍັງບໍ່ທັນມີອາການ.

ສຳນັກຂ່າວ Voice Online ຂອງໄທລາຍງານວ່າ ກົມການແພດແຜນໄທ ແລະ ແພດທາງເລືອກຖະແຫຼງຂ່າວການທົດລອງໃຊ້ສະໝຸນໄພຣາຊາບີ ຫຼື ຟ້າທະລາຍໂຈນໃນພາສາໄທ ເພື່ອຕ້ານເຊື້ອໄວຣັດໂຄໂຣນາສາຍພັນໃໝ່ 2019 ວ່າ ສະໝຸນໄພດັ່ງກ່າວມີສັບພະຄຸນ 4 ຂໍ້ຄື: 1. ກະຕຸ້ນພູມຕ້ານທານ, 2. ຕ້ານການອັກເສບ, 3. ຕ້ານໄວຣັດ ແລະ 4. ລົດພິດໄຂ້.

ກົມດັ່ງກ່າວລະບຸວ່າ ຕອນນີ້ພວກເຂົາໄດ້ສຶກສາວິໄຈຣາຊາບີໃນຫຼອດທົດລອງແລ້ວ ແລະ ໄດ້ມີການທົດລອງໃຊ້ຢາສານສະກັດຈາກຣາຊາບີ ຕໍ່ຄົນເຈັບໂຄວິດ-19 ທີ່ມີລະດັບຄວາມຮຸນແຮງໜ້ອຍ ໂດຍແບ່ງເປັນ 2 ກຸ່ມ ກຸ່ມລະ 6 ຄົນ. ກຸ່ມທຳອິດໄດ້ຮັບຢາ 180 ມິນລີກຣາມຕໍ່ມື້ ດົນ 5 ມື້ ເຊິ່ງຄິດເປັນ 3 ເທົ່າຂອງຂະໜາດປົກກະຕິ. ສ່ວນກຸ່ມທີ ຟ ໄດ້ຮັບຢາ 300 ມິນລີກຣາມຕໍ່ມື້ ເປັນເວລາ 5 ມື້ ເຊິ່ງຄິດເປັນ 5 ເທົ່າຂອງຂະໜາດປົກກະຕິ. ທັງນີ້ ກໍເພື່ອທົດລອງວ່າ ປະລິມານຂອງສານສະກັດຣາຊາບີທີ່ເໝາະສົມຄວນເປັນເທົ່າໃດ ແລະ ເບິ່ງຜົນວ່າຈະສາມາດປິ່ນປົວໃຫ້ຫາຍດີໄດ້ ຫຼື ບໍ່ ພ້ອມທັງເບິ່ງວ່າໄລຍະເວລາໃນການເຈັບປ່ວຍເປັນແນວໃດ.

ການທົດລອງນຳໃຊ້ຣາຊາບີມີການວາງແຜນທົດລອງ 3 ແຜນຄື: 1. ໃສ່ຣາໍາບີໃນເຊວຈາກນັ້ນໃສ່ໄວຣັດເຂົ້າໄປ ເພື່ອເບິ່ງວ່າເຊວທີ່ມີີຣາຊາບີ ສາມາດສ້າງສານຕ້ານໄວຣັດໄດ້ ຫຼື ບໍ່; 2. ນຳຣາຊາບີປະສົມກັບໄວຣັດໂດຍກົງ ກ່ອນປະສົມເຂົ້າໄປໃນເຊວ ແລະ 3. ເອົາໄວຣັດເຂົ້າເຊວເລີຍ ຫຼັງຈາກນັ້ນຈຶ່ງໃສ່ອາຫານລ້ຽງເຊວປະສົມຣາຊາບີ.

ການທົດລອງທັງ 3 ແຜນພົບວ່າ: 1. ບໍ່ສາມາດຕ້ານໄວຣັດໄດ້, 2. ພົບວ່າປະລິມານໄວຣັດຫຼຸດລົງຢ່າງເຫັນໄດ້ຊັດເຈນ ເຊິ່ງຈາກການສຶກສາສານແອດໂດຣກຣາໂຟໄລ ໃນຣາຊາບີ ສາມາດຕ້ານ ຫຼື ຂ້າເຊື້ອໄວຣັດໄດ້ໂດຍກົງໃນຫຼອດທົດລອງ. ສ່ວນແຜນທີ 3. ພົບວ່າສາມາດຕ້ານບໍ່ໃຫ້ໄວຣັດເພີ່ມຈຳນວນໄດ້ ດັ່ງນັ້ນຈຶ່ງຕອບໂຈດວ່າ ຣາຊາບີຂ້າໄວຣັດ ແລະ ຕ້ານໄວຣັດໄດ້ໂດຍກົງ ແຕ່ຍັງເປັນພຽງກໍລະນີສຶກສາເບື້ອງຕົ້ນໃນຫຼອດທົດລອງເທົ່ານັ້ນ.

ຈາກຜົນການທົດລອງເບື້ອງຕົ້ນດັ່ງກ່າວ, ແພດໄທໄດ້ແນະນຳວ່າ ບໍ່ຄວນກິນຣາຊາບີເພື່ອຫວັງຜົນໃນການປ້ອງກັນໂດຍທີ່ຍັງບໍ່ມີອາການ ແຕ່ຫາກມີອາການຄ້າຍຄືເປັນໄຂ້, ປວດເມື່ອຕາມຕົນໂຕ, ເຈັບຄໍ ຄວນກິນຣາຊາບີທັນທີ ແລະ ຫາກອາການບໍ່ດີຂຶ້ນພາຍໃນ 2 ມື້ ຄວນໄປພົບແພດ. ດັ່ງນັ້ນ ຣາຊາບີຄວນເປັນຢາທີ່ມີໄວ້ຕິດເຮືອນ ແຕ່ການກິນຣາຊາບີສູງສຸດບໍ່ຄວນເກີນ 5 ມື້ ໂດຍເກັບຮັກສາຕາມທີ່ຜະລິດຕະພັນລະບຸໄວ້ ແຕ່ຖ້າເຮັດເອງເປັນຢາລູກກອນ ກໍເກັບໄວ້ໄດ້ປະມານ 1 ປີ.

ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ລະວັງ !!! ສິນຄ້າໝົດອາຍຸ ຖືກນໍາເຂົ້າມາຂາຍ ເປັນຈໍານວນຫຼາຍ ! ຈົ່ງກວດວັນຫມົດອາຍຸໃຫ້ລະອຽດ ກ່ອນຊື້ !!!

ໃນທ້າຍອາທິດທີ່ຜ່ານມາ, ພະແນກສາທາລະນະສຸກແຂວງເຊກອງ ໄດ້ລົງເຄື່ອນໄຫວກວດກາສິນຄ້າອາຫານສົດ ແລະ ອາຫ…