Home ຂ່າວຕ່າງປະເທດ ດ່ວນ! ເກີດເຫດເຂື່ອນແຕກຢູ່ ກວາງຊີ ພາກໃຕ້ຂອງຈີນ

ດ່ວນ! ເກີດເຫດເຂື່ອນແຕກຢູ່ ກວາງຊີ ພາກໃຕ້ຂອງຈີນ

2 second read
0
4
42,757
Loading...

ຕາມ​ຂ່າວ​ຈາກ​ຈີນ ໃຫ້ຮູ້ວ່າ: ​ເກີດ​ຝົນ​ຕົກໜັກຢ່າງ​ຕໍ່​ເນື່ອງ ຕັ້ງ​ແຕ່​ຕົ້ນ​ເດືອນມິຖຸນາ​ຜ່ານ​ມາ ​ໃນ​ພື້ນ​ທີ່​ທາງ​ພາກ​ໃຕ້​ຂອງ​ຈີນ ​ເຂດ​ປົກຄອງ​ຕົນ​ເອງ ກວາ​ງຊີ​ຈ້ວງ(Guangxi Zhuang) ມົນທົນ​ຫູ​ໜານ ​ເຂດ​ເທສະບານ ຈົງ​ຊີ່​ງ ​ແລະ ​ພື້ນ​ທີ່​ອື່ນໆ ຈົນ​ເກີດ​ເຫດ ​ເຂື່ອນ​ແຕກ ປະລິມານ​ນ້ຳ​ຈຳນວນມະຫາສານ ​ໄຫຼເຂົ້າຖ້ວມ​ເຮືອນ​ປະຊາຊົນ ​ແລະ ​ພື້ນ​ທີ່​ກະສິກຳ ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກທາງ​ການ​ຈີນ ​ໄດ້​ປະກາດຍົກ​ລະດັບ​ສະຖານະ​ການ​ສຸກ​ເສີນລະດັບ 3 ​ແລະ ປະຊາຊົນ ​ຫຼາຍ​ແສນ​ຄົນ ​ຕ້ອງ​ຍົກຍ້າຍໜີ​ ນ້ຳ​ຖ້ວມ​ໄປຢູ່​ເຂດ​ປອດ​ໄພ.

ນອກ​ນີ້ ຍັງ​​ມີ​​ໂຮງ​ໄຟຟ້າພະລັງງານ​ນ້ຳ ແຫ່ງ​ໜຶ່ງ ​ໃນ​ເມືອງ​ເຊົາ​ກວນ(Cao Guan) ມົນທົນກວາງຕຸ້ງ ທີ່​ຕັ້ງຢູ່ ​ທາງ​ພາກ​ໃຕ້​ຂອງ​ຈີນ ເກີດທໍ່​ນ້ຳ​ແຕກ​ໄຫຼ​ອອກ​ມາ​ຢ່າງ​ແຮງ ​ໃນ​ເບື້ອງຕົ້ນຄາດ​ວ່າ ​ເກີດ​ຈາກ​ພາຍຸ​ຝົນ ​ແລະ ດິນ​ເຈື່ອນ ​ໃນ​ບໍລິ​ເວນ​ດັ່ງກ່າວ.

ນັບ​ຕັ້ງ​ແຕ່​ວັນ​ທີ 1ມິຖຸນາ​ເປັນຕົ້ນມາ ມີ​ປະຊາຊົນ​ໄດ້​ຮັບ​ຜົນ​ກະທົບແລ້ວ 1,45 ລ້ານ​ກວ່າ​ຄົນ ​ໃນ​ກວ່າ​ງຊີ ​​ເຮັດ​ໃຫ້​ມີ​ຜູ້​ເສຍ​ຊີວິດ 6 ຄົນ ​ແລະ ສູນຫາຍ​ອີກ 3 ຄົນ ​ເນື່ອງ​ຈາກຝົນຕົກ​ໜັກຕິດ​ຕໍ່​ກັນ​ຫລາຍ​ວັນ.​

ຂະນະ​ນີ້ ​ເຈົ້າໜ້າ​ທີ່​ກ່ຽວ​ຂ້ອງ​ຂອງ​ຈີນໄດ້​ສົ່ງ​ເຄື່ອງ ​ຊ່ວຍ​ເຫຼືອ ທີ່​ຈຳ​ເປັນຕໍ່​ການ​ດຳລົງ​ຊີວິດ ປະຈຳ​ວັນ ​ລວມມີ ​ເຕັ້ນ 3.000 ຫຼັງ ​ແລະ ຕຽງ​ພັບອີກ 3.000 ຕຽງ ຖືກ​ສົ່ງ​ມອບ​ໃຫ້ເຂດ​ປົກຄອງດັ່ງກ່າວເມື່ອ​ບໍ່​ດົນ​ມາ​ນີ້ ເພື່ອ​ຫຼຸດຜ່ອນ​ໄພພິບັດ​ໃນ​ທ້ອງ​ຖິ່ນຢ່າງ​ຮີບ​ດ່ວນ.

ຄວາມເສຍຫາຍຄັ້ງນີ້ ຢ່າງໜ້ອຍ​ເຮືອນ​ປະຊາຊົນ 1.000 ກວ່າ​ຫຼັງ ​ໄດ້​ຮັບ​ຄວາມ​ເສຍ​ຫາຍ ຄິດ​ເປັນ​ມູນ​ຄ່າ 565 ລ້ານ​ກວ່າ​ ໂດ​ລາສະຫະລັດ.

ທີ່ມາ:ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ປະຊາຊົນອິນເດຍ 1 ລ້ານກວ່າຄົນໄດ້ຮັບຜົນກະທົບຈາກນ້ຳຖ້ວມ

ຕາມ​ຂ່າວ​ຈາກ​ ທາງ​ການ​ອິນ​ເດຍ, ວັນ​ທີ 29ມິຖຸນາ, ປະຊາຊົນ ​ອິນ​ເດຍ 1 ລ້ານ​ກວ່າ​ຄົນ ບໍ່​ມີ​ທີ…