Home ຂ່າວພາຍໃນ ໂຄງການກໍ່ສ້າງທາງລົດໄຟ ລາວ-ຈີນ ຄືບໜ້າຫຼາຍກວ່າ 89%, ວາງລາງແລ້ວ 49,7 ກິໂລແມັດ !!!!

ໂຄງການກໍ່ສ້າງທາງລົດໄຟ ລາວ-ຈີນ ຄືບໜ້າຫຼາຍກວ່າ 89%, ວາງລາງແລ້ວ 49,7 ກິໂລແມັດ !!!!

8 second read
0
0
82
Loading...

ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ຮອງຫົວໜ້າຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ ໄດ້ລາຍງານຜົນການຈັດຕັ້ງປະຕິບັດບົດບັນທຶກກອງປະຊຸມ ຄັ້ງທີ 7 ຂອງຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ໃນກອງປະຊຸມຄົບຄະນະ ຄັ້ງທີ 8 ຂອງຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ທີ່ຈັດຂຶ້ນວັນທີ 22 ມິຖຸນາ 2020 ຜ່ານມາຢູ່ແຂວງຫຼວງພະບາງ ໂດຍໄດ້ຍົກໃຫ້ເຫັນຜົນສໍາເລັດຫຼາຍດ້ານເປັນຕົ້ນ ສໍາເລັດການປັບປຸງໂຄງຮ່າງການຈັດຕັ້ງຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ ຄືນໃໝ່, ສໍາເລັດການແບ່ງຄວາມຮັບຜິດຊອບໃຫ້ແຕ່ລະພາກສ່ວນ ໄກ່ເກ່ຍສິ່ງກີດຂວາງທີ່ຍັງຄ້າງຄາ 11 ຈຸດ, ແກ້ໄຂບັນຫາຫຍຸ້ງຍາກຂອງບັນດາບໍລິສັດຮັບເໝົາລູກ ແລະ ບໍລິສັດແມ່ ສໍາເລັດການປຶກສາຫາລື ແລະ ຍົກຍ້າຍສະຖານີວຽງຈັນໃຕ້ ພ້ອມທັງມອບພື້ນທີ່ໃຫ້ການກໍ່ສ້າງສະຖານີຕ່າງໆ ບັນລຸຄາດໝາຍ, ການສະໜອງແຮງງານລາວເຂົ້າໃນໂຄງການ ແລະ ການນໍາໃຊ້ວັດສະດຸ ພາຫະນະຂອງລາວ ເຂົ້າໃນໂຄງການຕິດຕາມ ກວດກາການປະຕິບັດສັນຍາຂອງໂຄງການ ແລະ ວຽກງານອື່ນໆ.

ທ່ານ ຈັນຕຸລາ ພະນະລາສີ ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟ ລາວ-ຈີນ ກ່າວວ່າ: ມາຮອດວັນທີ 31 ພຶດສະພາ 2020 ການປະຕິບັດໂຄງການມີຄວາມຄືບໜ້າ 89,43% ຂອງວຽກງານກໍ່ສ້າງພື້ນຖານໂຄງລ່າງທາງລົດໄຟ. ໃນນີ້ ຊີເຈາະອຸໂມງໄດ້ 75 ອຸໂມງ ຍາວ 223.600 ແມັດ ເຈາະທະລຸແລ້ວ 65 ອຸໂມງ, ກໍ່ສ້າງຂົວ 164 ແຫ່ງ ສ້າງເສົາຂົວສໍາເລັດ 1.959, ເສົາ ເທົ່າກັບ 98,1% ຂອງການອອກແບບທັງໝົດ, ສໍາເລັດການວາງຂາງຂົວ 746 ຊ່ວງເສົາ ກວມເອົາ 36,60%, ການວາງລາງແມ່ນເລີ່ມແຕ່ບ້ານຫ້ວຍນໍ້າເຢັນ ເມືອງນາຊາຍທອງ ນະຄອນຫຼວງວຽງຈັນ-ແຂວງຫຼວງພະບາງ ຄືບໜ້າ 49,7 ກິໂລແມັດ ຂອງຄວາມຍາວທັງໝົດ 409 ກິໂລແມັດ ສໍາລັບການຈັດຕັ້ງປະຕິບັດໂຄງການກໍ່ສ້າງທາງລົດໄຟ ລາວ-ຈີນ ໄລຍະ 2 ແຕ່ສະຖານີໂດຍສານນະຄອນຫຼວງວຽງຈັນ-ສະຖານີສິນຄ້າວຽງຈັນໃຕ້ ບ້ານທ່ານາແລ້ງ, ສໍາເລັດການປັກຫຼັກຂອບເຂດສະຖານີໂດຍສານເນື້ອທີ່ 150 ເຮັກຕາ ສໍາເລັດການປັກຫຼັກຂອບເຂດສະຫງວນທາງລົດໄຟ ຍາວ 17 ກິໂລແມັດ, ສໍາເລັດການປັກຫຼັກຂອບເຂດສະຖານີສິນຄ້າວຽງຈັນໃຕ້ 2 ຈຸດ ໃນຈໍານວນ 3 ຈຸດ, ສໍາລັບການມອບພື້ນທີ່ເພື່ອການກໍ່ສ້າງຂອງໂຄງການ ປະຕິບັດໄດ້ 100% (409 ກິໂລແມັດ).

ທີ່ມາ.​ Lao​ Youth​ Radio​ FM90.0mhz

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ດ່ວນ​! ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7

ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7 ການສົ່ງຫົວບົດສອບເສັງຈົບຊັ້ນມ…