Home ຂ່າວພາຍໃນ 4​ ປະເທດຮ່ວມລາດຕະເວນແມ່ນໍ້າຂອງ

4​ ປະເທດຮ່ວມລາດຕະເວນແມ່ນໍ້າຂອງ

0 second read
0
0
31
Loading...
ຕາມຂ່າວ ຊີອາໄອຂອງຈີນ ລາຍງານວ່າ: ເນື່ອງໃນໂອກາດວັນທີ 25 ມິຖຸນາ ເປັນວັນຕໍ່ຕ້ານຢາເສບຕິດສາກົນຄັ້ງທີ 33 , ຈີນ, ໄທ, ລາວ ແລະມຽນມາໄດ້ຈັດການ ເຄື່ອນໄຫວປະຕິບັດການລາດຕະເວນ ຮ່ວມກັນໃນເຂດລຸ່ມແມ່ນ້ຳຂອງເປັນຄັ້ງທີ 94 ລະຫວ່າງ 4 ປະເທດຢ່າງເປັນທາງການໂດຍຈະໃຊ້ເວລາ 4 ວັນ.
ກ່ອນອອກປະຕິບັດການ, ໜ່ວຍງານດ້ານກົດໝາຍຂອງທັງ 4 ປະເທດ ໄດ້ຈັດກອງປະຊຸມສຳມະນາ ກ່ຽວກັບ  ການເຄື່ອນໄຫວລາດຕະເວນຕໍ່ຕ້ານຢາເສບຕິດໃນລຸ່ມແມ່ນ້ຳຂອງໂດຍໄດ້ທົບທວນຄືນ ຜົນສຳເລັດທາງດ້ານການຮ່ວມມືນັບແຕ່ ປີ 2011, ໂດຍມີການວິເຄາະສະຖານະການອາຊາຍະກຳດ້ານຢາເສບຕິດໃນລຸ່ມແມ່ນ້ຳຂອງໃນປັດຈຸບັນ.
ຂະນະດຽວກັນໄດ້ດຳເນີນການສຶກສາ ແລະ ພິຈາລະນາຢ່າງເລິກເຊິ່ງກ່ຽວກັບການປາບປາມ ພຶດຕິກຳຂ້າມປະເທດດ້ານຢາເສບຕິດ ແລະ ການຮ່ວມມືດ້ານການປາບປາມຢາເສບຕິດດ້ວຍກົດໝາຍ ໂດຍກອງປະຊຸມຄັ້ງນີ້ໄດ້ພິຈາລະນາຜ່ານຄວາມຄິດເຫັນຮ່ວມກັນວ່າດ້ວຍການເພີ່ມທະວີການປະສານງານໃນການເຄື່ອນໄຫວລາດຕະເວນປາບປາມຢາເສບຕິດໃນເຂດລຸ່ມແມ່ນ້ຳຂອງ.
ນອກນີ້ ກອງປະຊຸມຍັງໄດ້ຕົກລົງຮັບຮູ້ຮ່ວມກັນໃນການເລັ່ງຕໍ່ຕ້ານຢາເສບຕິດ ແລະ ການເພີ່ມກຳລັງປາບປາມການລັກລອບຄ້າຢາເສບຕິດໃນພື້ນທີ່ນີ້ ພາຍໃຕ້ສະຖານະການປ້ອງກັນການແຜ່ລະບາດຂອງພະຍາດ ໂຄວິດ-19 ອີກ ດ້ວຍ./.

ເນື້ອໃນ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ດ່ວນ​! ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7

ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7 ການສົ່ງຫົວບົດສອບເສັງຈົບຊັ້ນມ…