Home ຂ່າວເດັ່ນ 9 ຄຳຖາມຈາກ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ

9 ຄຳຖາມຈາກ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ

4 second read
0
7
19,419
Loading...

ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ກ່າວຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ໃນວັນທີ 25 ມິຖຸນາ 2020

1. ເຮົາຈະປ່ອຍໃຫ້ສັງຄົມເຮົາເປັນສັງຄົມຫຼີ້ນກິນຟູມເຟືອຍຢູ່ແນວນີ້ບໍ່? ເປັນສັງຄົມບໍລິໂພກແນວນີ້ບໍ່?

2. ສັງຄົມທີ່ໂອ້ອວດສະແດງຄວາມຮັ່ງມີລໍ້າລວຍແບບປອມແປງຢູ່ແນວນີ້ບໍ່? ຈະເອົາແນວນີ້ບໍ່ ຫຼື ຊິແກ້ມັນແນວໃດ?

3. ຫຼືວ່າ ເປັນສັງຄົມແລ່ນນຳວັດຖຸ, ເປັນສັງຄົມທີ່ເຕັມໄປດ້ວຍຄວາມອຸປະຖຳຄໍ້າຈຸນ, ເປັນສັງຄົມທີ່ຍັງຖືກເບື່ອເມົາດ້ວຍສິ່ງຫຍໍ້ທໍ້ຕ່າງໆ ເຊັ່ນ: ຢາເສບຕິດ, ໄພສັງຄົມຢູ່ແນວນີ້ບໍ່?

4. ຫຼືວ່າ ຈະໃຫ້ມີການປ່ຽນແປງທາງດ້ານວິທີຊີວິດ New Normal ເຂົ້າເຖິງຊີວິດສັງຄົມຂອງປະເທດເຮົາ, ຊິສາມາດເປັນໄປໄດ້ບໍ່ ສ້າງສັງຄົມໂອບເອື້ອອາລີຊ່ວຍເຫຼືອເຊິ່ງກັນ ແລະ ກັນ, ອັນນີ້ມີຢູ່ແລ້ວ, ໂຄວິດນີ້ສະແດງໃຫ້ເຫັນຢູ່ແລ້ວ ເຮົາຈະສົ່ງເສີມມັນແນວໃດ?

5. ຈະສ້າງສັງຄົມທີ່ແຂ່ງຂັນກັນ ແຕ່ວ່າ ແຂ່ງຂັນກັນແລ້ວພ້ອມກັນກ້າວໜ້າ, ແຂ່ງຂັນກັນໃຫ້ມີປະໂຫຍດຕໍ່ສັງຄົມໃຫ້ຫຼາຍເທົ່າທີ່ຈະຫຼາຍໄດ້, ແຂ່ງຂັນກັນສ້າງຄຸນນະພາບຊີວິດໃໝ່ດີກວ່າເກົ່າໃຫ້ແຕ່ລະຄົນ, ແຕ່ລະຄອບຄົວປະຊາຊົນແຕ່ລະບ້ານ, ແຕ່ລະເມືອງ ຫຼືວ່າ ເຮົາຊິແຂ່ງຂັນກັນແບບເຈົ້າຢູ່-ຂ້ອຍບໍ່ຢູ່, ເຈົ້າຍັງ-ຂ້ອຍໄປ ແບບນີ້ແມ່ນບໍ່ໄດ້! ສັງຄົມເຮົາຢາກມີລັກສະນະແນວນີ້, ເລີ່ມເກີດມີໜໍ່ແໜງແລ້ວ.

6. ຫຼືວ່າ ສັງຄົມແຫ່ງການຮຽນຮູ້-ຊອກຮູ້, ສັງຄົມແຫ່ງການຊອກຮຽນ ເປັນຕົ້ນແມ່ນສອນເດັກນ້ອຍຂອງພວກເຮົາໃຫ້ຊອກຮູ້ຊອກຮຽນ ຫາທາງກ້າວໜ້າ, ບໍ່ແມ່ນຕື່ນມາແລ້ວເບິ່ງແຕ່ໜ້າຈໍ, ສັງຄົມແຫ່ງການຮຽນຮູ້ດ້ວຍການອ່ານແດ່ແມ້! ເຫັນບໍ່ ປະຫວັດຂອງຄົນລໍ້າລວຍ, ຄົນເກັ່ງ, ນັກວິທະຍາສາດ, ຜູ້ນຳຢູ່ໃນໂລກນີ້ ແມ່ນເລີ່ມມາຈາກການອ່ານໜັງສືຫຼາຍ ເລືອກອ່ານໜັງສືທີ່ເປັນປະໂຫຍດ, ແຕ່ວ່າສັງຄົມລາວເຮົາຍັງບໍ່ໄດ້! ສັງລວມເບິ່ງວ່າ ຫໍສະໝຸດແຫ່ງຊາດລາວມີປື້ມສໍ່າໃດ? ມີຄົນເຂົ້າຫຼາຍປານໃດ? …ຕົວເລກດ້ານນີ້ບໍ່ມີ!

7. ຫຼືວ່າ ເຮົາຈະເຮັດໃຫ້ສັງຄົມເຮົາເປັນສັງຄົມປະຢັດມັດທະຍັດ, ຮູ້ຫາເງິນ, ຮູ້ໃຊ້ເງິນ, ຮູ້ຄຸນຄ່າຂອງເຫື່ອແຮງທີ່ພວກເຮົາໄປຫາເງິນມາໄດ້ນັ້ນ, ຮູ້ລົງທຶນທີ່ມີຜົນປະໂຫຍດ… ໄດ້ບໍ່?

8. ຫຼືວ່າ ສັງຄົມທີ່ຮູ້ຈັກຮັກສາປະເພນີວັດທະນະທຳອັນດີງາມຂອງຊາດ ແຕ່ວ່າບໍ່ໃຫ້ສັງຄົມຕົກເຂົ້າຢູ່ໃນຄ່ານິຍົມທີ່ຜິດໆ, ບາງເທື່ອຮັກສາປະເພນີວັດທະນະທຳອັນດີງາມຂອງຊາດ ແລ້ວກັບຄືນໄປເຊື່ອຖືແບບງົມງວາຍ…

9. ຫຼືວ່າ ສັງຄົມທີ່ຝຶກຝົນຄົນໃຫ້ມີລະບຽບວິໄນ, ມີສະຕິຊາດ, ສະຕິຕໍ່ການຈັດຕັ້ງ, ສະຕິຕໍ່ຕົນເອງ, ອັນນີ້ພວກເຮົາຍັງຢາກຂາດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ແຈ້ງເຕືອນໄພລະວັງຝົນຕົກໜັກ ສະບັບທີ 2 ຈາກກົມອຸຕຸນິຍົມ ແລະ ອຸທົກກະສາດ

ເນື່ອງຈາກຮ່ອງຄວາມກົດດັນອາກາດຕໍ່າ ໄດ້ພາດຜ່ານຢູ່ພາກເໜືອຫາພາກກາງ ຂອງ ສປປ ລາວ ພ້ອມດຽວກັນລົມມໍລ…