Home ຂ່າວເດັ່ນ ຢາຕ້ານໄວຣັສໂຄວິດ-19 ຈາກຍີ່ປຸ່ນ ຖືກສົ່ງຮອດ ສປປ ລາວແລ້ວ 

ຢາຕ້ານໄວຣັສໂຄວິດ-19 ຈາກຍີ່ປຸ່ນ ຖືກສົ່ງຮອດ ສປປ ລາວແລ້ວ 

6 second read
0
0
89
Loading...

ວັນທີ 26 ມິຖຸນາ 2020, ທີ່ ນະຄອນຫຼວງວຽງຈັນລັດຖະບານຍີ່ປຸ່ນໄດ້ມອບຢາຕ້ານໄວຣັສອາວິເກັນ (Avigan) ໃຫ້ແກ່ ສປປ ລາວ.

ຢາດັ່ງກ່າວມີຈຳນວນພຽງພໍເພື່ອຮັກສາຜູ້ປ່ວຍຈຳນວນ 100 ຄົນ. ໄດ້ຖືກມອບໃຫ້ແກ່ກະຊວງສາທາລະນະສຸກ.

ການຊ່ວຍເຫຼືອໃນຄັ້ງນີ້, ເປັນການສະໜອງຕໍ່ການຮ້ອງຂໍຈາກລັດຖະບານ ສປປ ລາວ ໂດຍເປົ້າໝາຍທີ່ຈະເສີມຂະຫຍາຍການສຶກສາທາງດ້ານການແພດກ່ຽວກັບໂຕຢາອາວິເກັນເພື່ອໃຊ້ໃນການຕອບໂຕ້ການແຜ່ລະບາດຂອງພະຍາດໂຄວິດ-19.

ການມອບຢາດັ່ງກ່າວຄາດວ່າຈະປະກອບສ່ວນເຂົ້າໃນການສະກັດກັ້ນຄວາມເປັນໄປໄດ້ທີ່ຈະມີການແຜ່ລະບາດຮອບທີ່ 2 ໂດຍຜ່ານການກະກຽມທີ່ມີຄວາມພ້ອມຮັບມືຕໍ່ສະຖານະການ.

ລັດຖະບານຍີ່ປຸ່ນກໍໄດ້ຊົມເຊີຍລັດຖະບານລາວຕໍ່ກັບຄວາມສາມາດໃນການຈັດຕັ້ງມາດຕະການຄວບຄຸມພະຍາດໂຄວິດ-19 ທີ່ດີ. ການສະກັດກັ້ນທີ່ມີປະສິດທິພາບສົ່ງຜົນໃຫ້ບໍ່ມີຈຳນວນຜູ້ເສຍຊີວິດ ແລະ ຜູ້ຕິດເຊື້ອໃໝ່ເລີຍ ໃນໄລຍະ 2 ເດືອນທີ່ຜ່ານມາ. ລັດຖະບານຍີ່ປຸ່ນນັ້ນມີເປົ້າໝາຍທີ່ຈະມອບການຊ່ວຍເຫຼືອໃຫ້ຫຼາຍທີ່ສຸດເທົ່າທີ່ຈະເປັນໄປໄດ້ໃຫ້ແກ່ລັດຖະບານລາວ.

ໃນປີນີ້ເອງກໍເປັນປີຄົບຮອບ 65 ປີຂອງສາຍສຳພັນທາງການທູດ ຍີ່ປຸ່ນ-ລາວ ແລະ ຄົບຮອບ 5 ປີການເປັນຄູ່ຮ່ວມຍຸດທະສາດ. ປະເທດຍີ່ປຸ່ນໃນຖານະການເປັນຄູ່ຮ່ວມຍຸດທະສາດຂອງປະເທດລາວຈະສືບຕໍ່ຕັ້ງໜ້າສູ້ຊົນມອບການຊ່ວຍເຫຼືອ ເຊິ່ງບໍ່ມີພຽງແຕ່ກ່ຽວກັບການຕອບໂຕ້ພະຍາດໂຄວິດ-19 ເທົ່ານັ້ນ, ແຕ່ຈະມີການຊ່ວຍເຫຼືອໃນຂົງເຂດອື່ນເພື່ອປະຊາຊົນລາວຕື່ມອີກດ້ວຍ.

ຂໍ້ມູນ: Japan Embassy in Laos

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ແຈ້ງເຕືອນໄພລະວັງຝົນຕົກໜັກ ສະບັບທີ 2 ຈາກກົມອຸຕຸນິຍົມ ແລະ ອຸທົກກະສາດ

ເນື່ອງຈາກຮ່ອງຄວາມກົດດັນອາກາດຕໍ່າ ໄດ້ພາດຜ່ານຢູ່ພາກເໜືອຫາພາກກາງ ຂອງ ສປປ ລາວ ພ້ອມດຽວກັນລົມມໍລ…