ໜ້າຫຼັກ ຂ່າວພາຍໃນ ເປີດນຳໃຊ້ຫໍມູນເຊື້ອແນວລາວສ້າງຊາດ

ເປີດນຳໃຊ້ຫໍມູນເຊື້ອແນວລາວສ້າງຊາດ

1 ຄົນ ກຳລັງອ່ານຢູ່
0
0
102
Loading...

ວັນທີ 13 ກໍລະກົດນີ້ ສູນກາງແນວລາວສ້າງຊາດ ໄດ້ເປີດນຳໃຊ້ຫໍມູນເຊື້ອ ແນວລາວສ້າງຊາດຢ່າງເປັນທາງການ ພ້ອມເປີດນຳໃຊ້ແອັບພິເຄເຊິນ ຫຼື ແອັບ ໃນໂທລະສັບມືຖື ຂອງແນວລາວສ້າງຊາດ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 70 ປີ ແລະ ວັນສຳຄັນຕ່າງໆຂອງຊາດ. ເຂົ້າຮ່ວມໂດຍ ທ່ານ ໄຊສົມພອນ ພົມວິຫານ ປະທານສູນ ກາງແນວລາວສ້າງຊາດ, ມີພັນລະຍາການນຳ ພ້ອມດ້ວຍພະນັກງານຫລັກແຫລ່ງ, ພະນັກງານບຳນານ ເຂົ້າຮ່ວມ.

ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ໄດ້ກ່າວວ່າ: ຫໍ ມູນເຊື້ອແນວລາວສ້າງຊາດ ເປັນຕຶກເກົ່າແກ່ທີ່ມີຮູບຊົງສວຍງາມ ສ້າງຂຶ້ນໃນປີ 1902-1904 ເຊິ່ງ ໃນອະດີດເຄີຍເປັນທີ່ພັກອາໄສຂອງ ຄະນະນຳໃນເມື່ອກ່ອນ. ປັດຈຸບັນໄດ້ຮັບການປັບປຸງ, ສ້ອມແປງ ແຕ່ຮັກ ສາຮູບຊົງເດີ່ມ ພາຍໃນຫໍມູນເຊື້ອດັ່ງກ່າວ, ໄດ້ນຳເອົາວັດຖຸພັນຕ່າງໆ, ຮູບພາບ ແລະ ວິດີໂອ ການ ເຄື່ອນໄຫວຂອງການນຳ ໃນເມື່ອກ່ອນມາວາງສະແດງ.

ນອກຈາກນີ້, ຍັງມີຫ້ອງອ່ານ, ຫ້ອງສາຍຮູບເງົາ ແລະ ອື່ນໆ ເພື່ອເປັນບ່ອນທັດສະນະສຶກສາອົບຮົມໃຫ້ເຍົາວະຊົນ, ນັກຮຽນ-ນັກສຶກສາ ຕະຫລອດຮອດ ປະຊາຊົນລາວບັນດາເຜົ່າ ແລະ ນັກທ່ອງທ່ຽວ ໄດ້ຮູ້ຈັກປະຫວັດມູນເຊື້ອ ການເຕີບໃຫຍ່ຂະຫຍາຍຕົວ ແລະ ຜົນງານຂອງແນວລາວສ້າງຊາດ ໃນແຕ່ລະໄລຍະ ພາຍໃຕ້ການນຳພາຂອງພັກ.
ສຳລັບແອັບພິເຄເຊິນ ເປັນສື່ທັນສະໄໝອີກສື່ໜຶ່ງ ເພື່ອອຳນວຍຄວາມສະດວກໃຫ້ແກ່ ມວນຊົນພາຍໃນ ແລະ ຕ່າງປະເທດ ສາມາດເຂົ້າເຖິງຂໍ້ມູນ ຂ່າວ ສານເປັນຕົ້ນ ປະຫວັດ, ມູນເຊື້ອ ແລະ ຜົນງານຂອງແນວລາວສ້າງຊາດ ໃນແຕ່ລະໄລຍະ ຜ່ານທາງໂທລະສັບມືຖືໄດ້ ໂດຍທີ່ບໍ່ຈຳເປັນຕ້ອງເຂົ້າມາຫໍມູນເຊື້ອດັ່ງກ່າວ.
ທີ່ມາ.​ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ລັດຈະເລັ່ງໃສ່ປັບປຸງຈັນຍາບັນຂອງແພດໝໍຢູ່ໂຮງໝໍລັດ

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ລາຍງານແຜນຂອງລັດຖະບານໃນການປະຕິຮູບ ແລະ ປ…