ໜ້າຫຼັກ Short News ຂ່າວສັ້ນ ລາວໄດ້ຮັບຜ້າອັດປາກ-ດັງ​ຈາກ​ ສສ.ຫວຽດນາມ​ 2​ ແສນອັນ

ລາວໄດ້ຮັບຜ້າອັດປາກ-ດັງ​ຈາກ​ ສສ.ຫວຽດນາມ​ 2​ ແສນອັນ

4 ຄົນ ກຳລັງອ່ານຢູ່
0
0
39
Loading...

ວັນທີ 15 ກໍລະກົດ, ສຈ. ປອ ຫງວຽນແທງລອງ, ຜູ້ຮັກສາການລັດຖະມົນຕີກະຊວງສາທາລະນະສຸກຫວຽດນາມ ໄດ້ມອບຜ້າອັດປາກ-ອັດດັງ ໃຫ້ແກ່ກະຊວງສາທາລະນະສຸກລາວ ຈຳນວນ 200.000 ອັນ ເພື່ອໜູນຊ່ວຍປະເທດເພື່ອນມິດໃນວຽກງານປ້ອງກັນ, ຕ້ານພະຍາດໂຄວິດ-19.

ກ່າວຄໍາເຫັນທີ່ພິທີ, ສຈ. ປອ ຫງວຽນແທງລອງ ເນັ້ນໜັກວ່າ ສອງປະເທດຫວຽດນາມ-ລາວ ມີສາຍພົວພັນແບບພິເສດໃນຫຼາຍປີຜ່ານມາ. ເມື່ອເກີດພະຍາດໂຄວິດ-19, ລັດຖະບານສອງປະເທດໄດ້ມີການສົມທົບກັນຢ່າງແໜ້ນແຟ້ນ. ຫວຽດນາມ ຕີລາຄາສູງຕໍ່ຄວາມມານະພະຍາຍາມຂອງລັດຖະບານ ແລະປະຊາຊົນລາວໃນການປ້ອງກັນ, ຕ້ານພະຍາດໂຄວິດ-19. ຫວຽດນາມ ແລະລາວ ກໍ່ພວມແລກປ່ຽນ, ປຶກສາຫາລືເພື່ອເຊື່ອມຕໍ່ບັນດາການເຄື່ອນໄຫວເປັນປົກກະຕິຄືນໃໝ່.

ທີ່ພິທີ, ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດລາວ ປະຈໍາ ຫວຽດນາມ ສະແດງຄວາມເປັນກຽດເມື່ອໄດ້ຕາງໜ້າລັດຖະບານ ແລະລັດລາວ, ກະຊວງສາທາລະນະສຸກລາວ ສະແດງຄວາມຂອບອົກຂອບໃຈ ແລະຮັບຮູ້ອາລົມຈິດຄວາມຮັກແພງຂອງລັດຖະບານ, ປະຊາຊົນຫວຽດນາມ ກໍ່ຄືກະຊວງສາທາລະນະສຸກຫວຽດນາມ ທີ່ໄດ້ສະຫງວນໃຫ້ແກ່ລັດຖະບານ ແລະປະຊາຊົນລາວ. ທ່ານໃຫ້ຮູ້ວ່າ ເຖິງວ່າລາວບໍ່ມີກໍລະນີຕິດເຊື້ອພະຍາດໃໝ່ເປັນເວລາກວ່າ 3 ເດືອນແລ້ວກໍ່ຕາມ, ແຕ່ລັດຖະບານ ແລະປະຊາຊົນລາວ ຍັງຄົງກໍານົດຕ້ອງສືບຕໍ່ປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19 ຢ່າງເຂັ້ມງວດ, ບໍ່ໄດ້ປະໝາດ.

ກປ ອອນລາຍ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ດ່ວນ!!!ເກີດເຫດລະເບີດໃຫຍ່ຢູ່ນະຄອນ ເບຣຸດ​ ປະເທດເລບານອນ

ວັນທີ​ 5​ ສິງຫາ​ ນີ້ເກີດການລະເບີດຢ່າງແຮງ ປານນິວເຄຼຍ ກຸ່ມຄັວນຂະໜາດຍັກ ພຸ່ງຂຶ້ນທ້ອງຟ້າເປັນດອ…