ໜ້າຫຼັກ ຂ່າວພາຍໃນ ຂະບວນແຫ່ ຮູບຫຼໍ່ພຣະເຈົ້າ ໄຊເຊດຖາທິຣາດ ເຖິງແຂວງສະຫວັນນະເຂດ

ຂະບວນແຫ່ ຮູບຫຼໍ່ພຣະເຈົ້າ ໄຊເຊດຖາທິຣາດ ເຖິງແຂວງສະຫວັນນະເຂດ

2 ຄົນ ກຳລັງອ່ານຢູ່
0
0
81
Loading...

ຂະບວນແຫ່ຮູບຫຼໍ່ທອງເຫລືອງ ພຣະເຈົ້າໄຊຍະເຊດຖາທິຣາດ ພ້ອມດ້ວຍຊ້າງ ແລະ ພຣະພຸດທະຮູບ ໄດ້ເຄື່ອນຍ້າຍອອກຈາກ ເມືອງທ່າແຂກ ແຂວງຄຳມ່ວນ ໃນຕອນເຊົ້າຂອງວັນທີ 29 ກໍລະກົດ 2020 ແລະ ເດີນທາງເຖິງ ເມືອງໄກສອນ ພົມວິຫານ ແຂວງສະຫວັນນະເຂດ ໃນຕອນແລງຂອງວັນດຽວກັນ ນຳພາໂດຍທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຊຶ່ງຖືກຕ້ອນຮັບຢ່າງສົມກຽດຈາກທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ພ້ອມຄະນະນຳແຂວງ ແລະ ມວນຊົນ ຊາວແຂວງສະຫວັນນະເຂດ ເຂົ້າຮ່ວມເປັນຈຳນວນຫຼວງຫຼາຍ.

ຂະບວນຮູບຫຼໍ່ທອງເຫຼືອງ ພຣະເຈົ້າໄຊຍະເຊດຖາທິຣາດ ໄດ້ພັກຄ້າງຄືນທີ່ສະໂມສອນຫ້ອງວ່າການແຂວງສະຫວັນນະເຂດຊຶ່ງເປີດໂອກາດໃຫ້ການນຳພັກ-ລັດ ຊາວພຸດທະສາສະນິກະຊົນຊາວແຂວງສະຫວັນນະເຂດເຂົ້າກາບໄຫວ້, ວາງທູບທຽນດອກໄມ້ ແລະ ໂມທະນາທານຕາມສັດທາ. ສ່ວນຕອນຄ່ຳໄດ້ມີພິທີທາງສາສະໜາ ສູດປະຣິຕະມຸງຄຸນ ເທສະໜາເສີມບຸນປາລະມີ ຈາກພຣະສົງ ຕາມເວລາອັນຄວນ.
ສ່ວນໃນຕອນເຊົ້າ ຂອງວັນ ທີ 30 ກໍລະກົດ 2020, ຈະມີພິທາງສາສະຫນາແລ້ວ ການນຳພັກ-ລັດ ອອກຕົນຍາດໂຍມ ຈະຮ່ວມໃສ່ບາດຖວາຍສັງຄະທານ ແກ່ພະ-ສົງ 39 ອົງ ເພື່ອອຸທິດແດ່ ພຣະເຈົ້າໄຊຍະເຊດຖາທິຣາດມະຫາຣາດສຳເລັດແລ້ວ ສືບຕໍ່ເຄື່ອນຂະບວນໄປຍັງ ແຂວງຈຳປາສັກ.

ທີ່ມາ.​ຂປລ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 70 ປີ

ໃນຕອນເຊົ້າວັນທີ 13 ສິງຫາ 2020  ສູນກາງແນວລາວສ້າງຊາດໄດ້ຈັດພິທີໂຮມຊຸມນຸມໃຫຍ່ ສະເຫຼີມສະຫຼອງວັນ…