ໜ້າຫຼັກ ຂ່າວເດັ່ນ ສືບຕໍ່ປິດດ່ານຕໍ່ໄປ ງົດວີຊາ, ປິຮ້ານບັນເທີງ​ ແລະໂຈະຍົນເຊົ່າເໝົາລຳ

ສືບຕໍ່ປິດດ່ານຕໍ່ໄປ ງົດວີຊາ, ປິຮ້ານບັນເທີງ​ ແລະໂຈະຍົນເຊົ່າເໝົາລຳ

5 ຄົນ ກຳລັງອ່ານຢູ່
0
0
113
Loading...

ໃນວັນທີ 30 ກໍລະກົດ 2020 ຄະນະສະເພາະກິດໄດ້ຈັດພິທີຖະແຫຼງ ກ່ຽວກັບການສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ ໂຄວິດ-19 ໃນໄລຍະແຕ່ ວັນທີ 01- 31 ສິງຫາ 2020 ຂຶ້ນ ທີ່ກະຊວງສາທາລະນະສຸກຕື່ມ ໂດຍທ່ານ ຮສ. ດຣ. ບຸນກອງ ສີຫາວົງດັ່ງນີ້:

ເຫັນດີໃຫ້ສືບຕໍ່ປະຕິບັດຢ່າງເຂັ້ມງວດ ບາງມາດຕະການທີ່ໄດ້ກຳນົດໃນຄຳສັ່ງ 06/ນຍ, ລົງວັນທີ 29 ມີນາ 2020 ເປັນຕົ້ນສືບຕໍ່ປິດບັນດາກິດຈະການຮ້ານບັນເທີງ, ຮ້ານຄາຣາໂອເກະ ແລະ ຮ້ານເກມ;  ສືບຕໍ່ປິດດ່ານປະເພນີ ແລະ ດ່ານທ້ອງຖິ່ນ ສໍາລັບການເຂົ້າ-ອອກ ຂອງບຸກຄົນທົ່ວໄປ ແລະ ການຂົນສົ່ງສິນຄ້າ ຍົກເວັ້ນບາງດ່ານປະເພນີ ຫຼື ດ່ານທ້ອງຖິ່ນ ທີ່ໄດ້ຮັບອະນຸຍາດຈາກລັດຖະບານ ໃຫ້ລົດຂົນສົ່ງສິນຄ້າ ເຂົ້າ-ອອກ ໄດ້.
ສ່ວນດ່ານສາກົນ ສືບຕໍ່ປິດສຳລັບການເຂົ້າ-ອອກ ຂອງບຸກຄົນທົ່ວໄປ, ຍົກເວັ້ນ ພົນລະເມືອງລາວ ແລະ ຊາວຕ່າງປະເທດ ທີ່ມີຄວາມຈຳເປັນຮີບດ່ວນ ໃນການເດີນທາງເຂົ້າ-ອອກ ສປປ ລາວ ທີ່ໄດ້ຮັບອະນຸຍາດຈາກຄະນະສະເພາະກິດ. ສຳລັບການຂົນສົ່ງສິນຄ້າ ຜ່ານດ່ານສາກົນ ແມ່ນສາມາດເຂົ້າ-ອອກໄດ້ຕາມປົກກະຕິ ພ້ອມດຽວກັນນີ້ກໍ່ສືບຕໍ່ໂຈະການອອກວີຊາທ່ອງທ່ຽວ ແລະ ຢ້ຽມຢາມ ສໍາລັບ ບຸກຄົນ ທີ່ເດີນທາງມາຈາກ ຫຼື ຜ່ານປະເທດ ທີ່ຍັງມີການລະບາດ ຂອງພະຍາດ ໂຄວິດ-19.
ສຳລັບນັກການທູດ, ພະນັກງານອົງການຈັດຕັ້ງສາກົນ, ຊ່ຽວຊານ, ນັກລົງທຶນ, ນັກທຸລະກິດ, ວິຊາການ ແລະ ແຮງງານຕ່າງປະເທດ ທີ່ມີຄວາມຈໍາເປັນ ແລະ ຮີບດ່ວນ ສາມາດເຂົ້າມາປະຕິບັດວຽກງານ ຢູ່ສະຖານທູດ,ບັນດາກິດຈະການ ແລະ ໂຄງການຕ່າງໆ ໄດ້, ແຕ່ຕ້ອງຜ່ານການພິຈາລະນາເຫັນດີ ຈາກຄະນະສະເພາະກິດ.

ໃຫ້ຢຸດຊົ່ວຄາວ ການອະນຸຍາດໃຫ້ຍົນເຊົ່າເໝົາລຳກ່ອນ ແລະ ໃຫ້ຄະນະສະເພາະກິດ ສົມທົບກັບ ລັດວິສາຫະກິດການບິນລາວ ອອກມາດຕະການໃໝ່ ທີ່ຮັດກຸມ ແລະ ສະເໜີມາຍັງລັດຖະບານເພື່ອຂໍອະນຸມັດກ່ອນ ຈຶ່ງດຳເນີນການໄດ້. ໃຫ້ລັດວິສາຫະກິດການບິນລາວ ເຈລະຈາຄືນ ກັບສາຍການບິນຕ່າງປະເທດ ທີ່ໄດ້ດຳເນີນການຜ່ານມາ ຕື່ມອີກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຫວຽດນາມກວດພົບຜູ້ຕິດເຊື້ອພະຍາດໂຄວິດ-19 ໃໝ່ຈໍານວນ 3 ຄົນ

ຄະນະກໍາມະການແຫ່ງຊາດ ເຝົ້າລະວັງ ແລະ ຕ້ານການແຜ່ລະບາດພະຍາດໂຄວິດ-19 ຂອງຫວຽດນາມໄດ້ລາຍງານ ໃນວັນພ…