ໜ້າຫຼັກ ຂ່າວທ້ອງຖິ່ນ ສຸດຍອດແມ່ແຈ້ງຈັບລູກຕົນເອງ ຍ້ອນໄປລັກຊັບຄົນອື່ນ

ສຸດຍອດແມ່ແຈ້ງຈັບລູກຕົນເອງ ຍ້ອນໄປລັກຊັບຄົນອື່ນ

0 ຄົນ ກຳລັງອ່ານຢູ່
0
0
13
Loading...

ເຈົ້າໜ້າທີ່ ວິຊາສະເພາະ ກອງບັນຊາການ ປກສ ເມືອງຄໍາເກີດ ແຂວງບໍລິຄໍາໄຊ ໃຫ້ຮູ້ວ່າ ໃນຄັ້ງວັນທີ 17 ກໍລະກົດ 2020 ທີ່ຜ່ານມາ ໄດ້ກັກຕົວຜູ້ຖືກຫາ ຊື່ ທ້າວ ເຊັ່ງຊົ່ງ ອາຍຸ 15 ປີ, ປະຊາຊົນ ບ້ານໂພນເມືອງນ້ອຍ ເມືອງຄໍາເກີດ ແຂວງບໍລິຄໍາໄຊ, ໃນຂໍ້ກ່າວຫາ ລັກຊັບພົນລະເມືອງ.
ເຊີ່ງຜູ້ຖືກຫາໄດ້ຮັບສາລະພາບຕໍ່ເຈົ້າໜ້າທີ່ວ່າ: ໃນເວລາປະມານ 13 ໂມງ ຂອງວັນທີ 16 ກໍລະກົດ 2020 ຜູ້ກ່ຽວແມ່ນໄດ້ຕິດຕາມການເຄື່ອນໄຫວ ຂອງຄົນໃນເຮືອນ ທ້າວ ດົວປໍຊົ່ງ ທີ່ຢູ້ໃກ້ກັບເຮືອນຂອງຕົນເອງ ເມື່ອເຫັນວ່າບໍ່ມີຄົນຢູ່ເຮືອນ ຈີ່ງໄດ້ກະກຽມເອົາອຸປະກອນ: ຊ້ວານ 01 ມາກ, ມີດ 02 ດວງ ແລະ ພ້າ 01 ດວງ, ງັດເຂົ້າໄປໃນເຮືອນ ຂອງ ທ້າວ ດົວປໍຊົ່ງ ແລ້ວຊອກຄົ້ນເອົາເຄື່ອງຂອງທີ່ມີຄ່າ, ໄດ້ພົບເຫັນຕູ້ເຊບຢູ່ດ້ານຫຼັງຂອງຕູ້ເສື້ອຜ້າ ຈີ່ງໄດ້ໄຊ້ອຸປະກອນທີ່ກະກຽມມາງັດຕູ້ເຊບ, ໃນນັ້ນມີ ໂດລາ ຈໍານວນ 700 ໂດລາ ແລະ ເງິນກີບ 100,000 ກີບ ແລ້ວ, ເມື່ອໄດ້ເງິນຈໍານວນດັ່ງກ່າວ ກໍ່ເອົາໄປໃຊ້ຈ່າຍຫຼີ້ນ ຈໍານວນໜື່ງ. ເມື່ອຜູ້ຖືກຫາກັບເມືອຮອດເຮືອນ ຜູ້ເປັນແມ່ຂອງຜູ້ກ່ຽວເອງຈີ່ງສົງໃສ ແລະ ຖາມ”ວ່າໄປລັກເງິນຄົນອື່ນແມ່ນບໍ” ພ້ອມທັງກວດເບີ່ງຕົນໂຕຂອງທ້າວ ເຊັ່ວຊົ່ງ ພົບເຫັນ ເງິນ 600 ໂດລາ ແລະ ເງິນກີບ 800.000 ກີບ. ຈີ່ງໄດ້ຮັກສາເງິນຈໍານວນດັ່ງກ່າວໄວ້ ແລ້ວແຈ້ງຕໍ່ເຈົ້າໜ້າທີ່, ພໍຮອດ ເວລາ 03 ໂມງເຊົ້າ ວັນທີ 17 ກໍລະກົດ 2020 ເຈົ້າໜ້າທີ່ ປກສ ເມືອງຄໍາເກີດ ຈີ່ງເຂົ້າໄປກັກຕົວ ຜູ້ຖືກຫາ ມາດໍາເນີນຄະດີຕາມລະບຽບກົດໝາຍ.
ສ່ວນເງິນຂອງກາງທີ່ ທ້າວ ເຊັ່ງຊົ່ງ ໄດ້ລັກໄປນັ້ນ ເຈົ້າໜ້າທີ່ ປກສ ເມືອງຄໍາເກີດ ໄດ້ເກັບກູ້ຄືນມາ ແລະ ໄດ້ມອບໃຫ້ ເຈົ້າຂອງຊັບເດີມ ຄື ທ້າວ ດົວປໍຊົ່ງ ຢູ່ທີ່ ຫ້ອງການບ້ານ ໂພນເມືອງນ້ອຍ ເມືອງຄໍາເກີດ ແຂວງບໍລິຄໍາໄຊ ໃນຕອນບ່າຍ ຂອງວັນທີ 27 ກໍລະກົດ 2020 ໂດຍມີອໍານາດການປົກຄອງບ້ານ ເຂົ້າຮ່ວມເປັນສັກຂີພະຍານ. ສ່ວນຄະດີດັ່ງກາວພວມດໍາເນີນການສືບສວນ-ສອບສວນເພື່ອດໍາເນີນຄະດີຕໍ່ຜູ້ຖືກຫາຕາມຂັ້ນຕອນຂອງກົດໝາຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ປ້ອງກັນ ໂຄວິດ-19 ແຂວງວຽງຈັນສັ່ງເດັດຂາດປິດກິດຈະການຮ້ານບັນເທິງ ຮ້ານໃດທີ່ລະເມີດ ສັ່ງຖອນໃບອະນຸຍາດກິດຈະການ

ແຈ້ງການຈາກ ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ …