ໜ້າຫຼັກ ຂ່າວພາຍໃນ ສະຫລອງ ວັນສ້າງຕັ້ງສາຍພົວພັນການທູດ ລາວ ແລະ ສ.ເກົາຫລີ ຄົບຮອບ 25 ປີ

ສະຫລອງ ວັນສ້າງຕັ້ງສາຍພົວພັນການທູດ ລາວ ແລະ ສ.ເກົາຫລີ ຄົບຮອບ 25 ປີ

2 ຄົນ ກຳລັງອ່ານຢູ່
0
0
25
Loading...

ໃນວັນທີ 11 ສິງຫານີ້ ໄດ້ຈັດພິທີມອບ-ຮັບລາງວັນ ການແຂ່ງຂັນອອກແບບ ແລະ ເປີດນຳໃຊ້ ສັນຍາລັກ ສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ ແລະ ສ.ເກົາຫລີ ຄົບຮອບ 25 ປີ (25/10/1995-25/10/2020).
ທ່ານ ຊິນ ຊອງ ຊຸນ ເອກອັກຄະລັດຖະທູດ ສ. ເກົາຫລີ ປະຈຳ ສປປ ລາວ ໄດ້ກ່າວວ່າ: ການຈັດການແຂ່ງຂັນອອກແບບໃນຄັ້ງນີ້ ເປັນຄັ້ງທຳອິດ, ໂດຍມີຜູ້ສະໝັກຈາກລາວ ແລະ ສ.ເກົາຫລີ ຈຳນວນ 109 ຄົນ, ລວມມີ 200 ກວ່າແບບທີ່ສົ່ງເຂົ້າປະກວດ, ເຊິ່ງຜູ້ຊະນະເລີດແມ່ນ ທ້າວ ຄຳເກີດ ຟານຄຳ, ຮອງຊະນະເລີດ ທ້າວ ໄຊຍະພອນ ບົວຈັນທະລາ ແລະ ທີສາມແມ່ນທ້າວ ຢູ ກວາງ ສັນຊາດ ເກົາຫລີ.

ທ່ານເອກອັກຄະລັດຖະທູດ ໄດ້ໃຫ້ຮູ້ຕື່ມວ່າ: ຕະຫລອດໄລຍະ 25 ປີຜ່ານມາ, ສາຍພົວພັນຮ່ວມມື ລະຫວ່າງສອງປະເທດ ລາວ ແລະ ສ.ເກົາຫລີ ແມ່ນໄດ້ຮັບການເສີມຂະຫຍາຍທາງປະລິມານ ແລະ ຄຸນນະພາບໃນຫລາຍດ້ານ ໂດຍສະເພາະແມ່ນດ້ານການທ່ອງທ່ຽວ, ການລົງທຶນ, ການສຶກສາ, ສາທາລະນະສຸກ, ວຽກງານປ້ອງກັນຊາດ ແລະ ດ້ານວັດທະນະທໍາ-ສັງຄົມ.
ໂອກາດດຽວກັນນີ້, ທ່ານ ທອງສະຫວັນ ພົມວິຫານ ຮອງລັດຖະມົນຕີ ກະຊວງການຕ່າງປະ ເທດ ໄດ້ກ່າວສະແດງຄວາມຊົມເຊີຍ ຕໍ່ທ່ານທູດ ສ.ເກົາຫລີ ທີ່ໄດ້ຈັດການປະກວດອອກແບບສັນຍາລັກ ສາຍພົວພັນ ຮ່ວມມື ລະຫວ່າງ ລາວ ແລະ ສ.ເກົາຫລີ ຄົບຮອບ 25 ປີ ນີ້ຂຶ້ນ ແລະ ສະແດງຄວາມຊົມເຊີຍ ຕໍ່ຜູ້ທີ່ໄດ້ຮັບລາງວັນຊະນະເລີດໃນຄັ້ງນີ້.
ກິດຈະກຳຄັ້ງນີ້, ໄດ້ສະແດງໃຫ້ເຫັນເຖິງການມີສ່ວນຮ່ວມຂອງປະຊາຊົນສອງຊາດ ໃນການ ສະແດງຄວາມສາມາດ, ຫົວຄິດປະດິດສ້າງ ເພື່ອອອກແບບສັນຍາລັກແຫ່ງການພົວພັນ ລະຫວ່າງ ສປປ ລາວ-ສ.ເກົາຫລີ ທີ່ສ່ອງແສງໃຫ້ເຫັນເຖິງ ສາຍພົວພັນມິດຕະພາບ ກໍຄື ການຮ່ວມມືອັນດີງາມ ຂອງສອງປະເທດ ຕະຫລອດໄລຍະ 2 ທົດສະວັດເຄິ່ງຜ່ານມາ.
ທີ່ມາຂ່າວ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຂ່າວດ່ວນ​ ຂ່າວເສົ້າ!!​ ລົດຂົນໝູປີ້ນທີ່ທາງພູເກົ້າຫຼັກຄົນແລະໝູເສຍຊີວິດ

ອຸບັດເຫດ: ລາຍງານຈາກປະຊາຊົນໃຫ້ຮູ້ວ່າ ໃນເຊົ້າວັນທີ່ 29 ກັນຍາ 2020 ເກີດອຸບັດຕິເຫດຮ້າຍແຮງ ລົດຈ…