ໜ້າຫຼັກ ການສືກສາ ຂະແໜງສຶກສາ ໄດ້ຮັບທຶນຊ່ວຍເຫຼືອ 7 ລ້ານໂດລາ ເພື່ອຫຼຸດຜ່ອນຜົນກະທົບຈາກພະຍາດໂຄວິດ-19

ຂະແໜງສຶກສາ ໄດ້ຮັບທຶນຊ່ວຍເຫຼືອ 7 ລ້ານໂດລາ ເພື່ອຫຼຸດຜ່ອນຜົນກະທົບຈາກພະຍາດໂຄວິດ-19

3 ຄົນ ກຳລັງອ່ານຢູ່
0
0
127
Loading...

ກອງ​ທຶນ​ຮ່ວມ​ມື​ສາກົນ ເພື່ອ​ການ​ສຶກສາ (GPE) ມອບ​ເງິນ​ສະໜັບສະໜູນ ຈໍາ​ນວນ 7 ລ້ານ​ໂດ​ລາ​ ໂດຍ​ຜ່ານ​ອົງການ​ອຸຍນີເຊັບ ໃຫ້​ກະຊວງ​ສຶກສາ​ທິ​ການ ແລະ ກິລາ ເພື່ອ​ສະໜັບສະ​ໜູນ​ວຽກ​ງານ​ສຶກສາ ໃນ​ການ​ຕອບ​ໂຕ້ ແລະ ຫຼຸດຜ່ອນ​ຜົນ​ກະທົບຈາກ​ການ​ລະບາດ​ຂອງ ພະຍາດ​ໂຄ​ວິດ-19 ແນໃສ່​ເຮັດ​ໃຫ້​ນັກຮຽນໄດ້​ກັບ​ມາ​ຮຽນ​ຄືນ ຢ່າງ​ປອດ​ໄພ ໃນ​ເດືອນ​ກັນຍາ​ນີ້.

ທ່ານນາງ ແສງ​ເດືອນ ຫຼ້າ​ຈັນທະ​ບູນ ​ລັດຖະມົນຕີ ກະຊວງ​ສຶກສາ​ທິ​ການ ແລະ ກິລາ ໄດ້​ກ່າວ​ວ່າ: ການ​ຊ່ວຍ ເຫຼືອ​​ໃນ​ຄັ້ງ​ນີ້, ຈະ​ຊ່ວຍ​ໃຫ້ ລັດ ຖະບານລາວຕອບ​ໂຕ້​ຕໍ່ການ ລະບາດຂອງ​ພະຍາດ​ໂຄວິດ-19 ໂດຍ​ສະເພາະໃນ​ເວລາ​ທີ່​ນັກຮຽນ​ກຽມ​ຕົວເຂົ້າ​ຮຽນ​ໃນ​ສົກຮຽນໃໝ່ ຊຶ່ງການ​ຊ່ວຍເຫຼືອ​ຄັ້ງ​ນີ້ ຈະ​ສະໜັບສະໜູນຫຼາຍ​ກິດຈະກຳ​ທີ່​ແຕກ​ຕ່າງ​ກັນເຊັ່ນ: ຈັດ​ສະ​ໜອງ​ນ້ຳ​ສະອາດ, ສະບູ ແລະ ບ່ອນ​ລ້າງ​ມື​ໃນ​ໂຮງຮຽນ​ໂດຍ​ສະເພາະ​ໃນ​ເຂດ ທີ່​ມີ​ຄວາມ​ສ່ຽງ​ສູງ, ສືບຕໍ່​ເຜີຍແຜ່​ຂໍ້​ມູນ​ຂ່າວສານກ່ຽວ​ກັບ​ມາດ​ຕະການ ການ​ປ້ອງ​ກັນ​ລ່ວງ​ໜ້າ, ພິມ​ປຶ້ມ​ແບບຮຽນ​ຄືນໃໝ່ ແລະ ສະໜອງ​ອຸປະກອນ​ການ​ຮຽນ​ໃຫ້​ນັກຮຽນ​ພ້ອມ​ທັງ​ອຸປະກອນ​ການ​ສິດສອນ, ເພີ່ມ​ທະວີ​ຊ່ອງ​ທາງ​ດ້ານ​ສຶກສາ ທີ່​ເປັນ​ທາງ​ເລືອກ​ອື່ນ ເຊັ່ນ: ຮຽນ​ຜ່ານ​ທາງ​ອອນ​ລາຍ ແລະ ການ​ຜະລິດ​ລາຍການດ້ານ​ການ​ສຶກສາ ໂດຍຜ່ານ​ໂທລະພາບ ແລະ ວິ ທະຍຸ, ສ້າງ​ຂີດ​ຄວາມ​ສາມາດ​ຂອງ​ຄູ​-​ອາຈານ ແລະ ຜູ້​ປົກຄອງ​ນັກຮຽນ ໃຫ້​ມີ​ທັກ​ສະ​ທີ່​ຈໍາ​ເປັນ ເພື່ອ​ສະໜັບສະໜູນ ການ​ຮຽນ​ຂອງ​ເດັກ ທັງ​ໃນ​ ແລະ ນອກ​ໂຮງ​ຮຽນ.
ທ່ານ ເປ່ຍ ບຣິ​ໂຕ ຜູ້ຕາງ ໜ້າ ຈາກ​ອົງການ​ອຸຍນີເຊັບ ໄດ້​ກ່າວ​ວ່າ: ການລະບາດພະຍາດ ໂຄ​ວິດ- 19 ໄດ້​ສົ່ງ​ຜົນ​ກະທົບ​ຕໍ່​ຊີວິດ ຂອງ​ເດັກນ້ອຍ​ໃນ​ຫຼາຍໆ​ດ້ານ​ລວມ​ທັງ​ການ​ສຶກສາ ຊຶ່ງ​ພວກ​ເຮົາ​ຕ້ອງ​ຮັບປະກັນ​ວ່າ​ພວກ​ເຂົາ​ຈະ​ຕ້ອງ​ມີ​ໂອກາດ​ສືບ​ຕໍ່​ຮໍ່າ​ຮຽນ ແລະ ຈັດ​ລຳດັບ​ຄວາມ​ສຳຄັນ ຂອງ​ໂຮງຮຽນ ໃນ​ແຜນ​ເປີດ​ໂຮງຮຽນ​ຄືນ​ຊຶ່ງ​ເປັນ​ສ່ວນ​ໜຶ່ງ​ຂອງ​ຍຸດທະສາດ ເພື່ອ​ສ້າງ​ລະບົບ​ການ​ສຶກສາ, ເດັກນ້ອຍ​ທຸກ​ຄົນ​ຕ້ອງ​ໄດ້​ເຂົ້າ​ເຖິງ​ການ​ສຶກສາຈະ​ບໍ່​ປ່ອຍໃຫ້​ຜູ້​ໃດ​ຢູ່​ຂ້າງ​ຫຼັງ.
ແຫຼ່ງຂໍ້ມູນຈາກ: ໜັງສືພິມ ປະຊາຊົນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສາທຸ​ ສາທຸ!​ ແນວຄິດດີ ຫັນປ່ຽນຈາກອງຜ້າປ່າມາເປັນກອງປັນຍາສາມັກຄີ

ອີງຕາມໂພສຂອງພຣະອາຈານ Sithone Thaikan ໄດ້ໂພສການເຄື່ອນໄຫວກ່ຽວກັບກອງປັນຍາສາມັກຄີວ່າ: ກອງປັນຍາ…