ໜ້າຫຼັກ ຂ່າວຕ່າງປະເທດ ທ່ານສີຈິ້ນຜິງກ່າວວ່າ: ຕ້ອງສ້າງຄວາມສາມາດໃຫ້ເຂັ້ມແຂງໃນການປ້ອງກັນໄພທຳມະຊາດ

ທ່ານສີຈິ້ນຜິງກ່າວວ່າ: ຕ້ອງສ້າງຄວາມສາມາດໃຫ້ເຂັ້ມແຂງໃນການປ້ອງກັນໄພທຳມະຊາດ

0 ຄົນ ກຳລັງອ່ານຢູ່
0
2
67
Loading...

ຕອນບ່າຍວັນທີ 18 ສິງຫານີ້, ທ່ານສີຈິ້ນຜິງ ປະທານປະເທດຈີນທີ່ພວມສຳຫຼວດກວດເບິ່ງວຽກງານຢູ່ແຂວງອ່ານຮຸ່ຍ ໄດ້ໄປກວດເບິ່ງເຂດໂພນສູງຊີ່ທຽນໂພບ້ານລີ້ມິນຕາແສງຊາວຈີທີ່ຢູ່ໃນເຂດອ່າງເກັບກັກນໍ້າເມີງວາ ຂອງນະຄອນຟູຢາງແຂວງອ່ານຮຸ່ຍ, ທ່ານຍ່າງຕາກແດດກ້າ ລົງພື້ນທີ່ການຜະລິດກະສິກຳ, ໄປຢ້ຽມຢາມປະຊາຊົນຜູ້ປະສົບໄພທັງຫຼາຍ.
ພວກຊາວບ້ານບອກກັບທ່ານສີຈິ້ນຜິງວ່າ: “ໃນໄລຍະເກັບກັກນໍ້າໃນຍາມນໍ້າຂຶ້ນ, ຄົນທັງຫຼາຍກໍອາໄສຢູ່ນີ້, ໄຟຟ້າມີບໍ່ຂາດ,ນໍ້າມີສະໜອງໃຫ້ຄືເກົ່າ, ເຄື່ອງໃຊ້ປະຈຳວັນກໍໄດ້ມີຄົນເອົາມາສົ່ງໃຫ້. ປະຈຸບັນ, ເຂດນໍ້າຖ້ວມໄດ້ບົກລົງແລ້ວ, ດຽວນີ້ພວມຂຸ້ນຂ້ຽວປູກພືດຄືນໃໝ່, ນໍ້າບົກລົງໄປຮອດບ່ອນໃດ, ການປູກພືດຄືນໃໝ່ໄປເຖິງບ່ອນນັ້ນ. ຂໍໃຫ້ທ່ານເຊື່ອໃຈເດີ!”
ທ່ານສີຈິ້ນຜິງເວົ້າດ້ວຍຄວາມດີໃຈວ່າ: “ຂ້າພະເຈົ້າໄດ້ເອົາໃຈໃສ່ປະຊາຊົນຢູ່ເຂດປະສົບໄພມາໂດຍຕະຫຼອດ, ເພື່ອເຫັນວ່າ: ການຜະລິດ ແລະ ການດຳລົງຊີວິດຂອງພີ່ນ້ອງປະຊາຊົນມີການຮັບປະກັນ ແລະ ມີຄວາມຫວັງໃໝ່, ຂ້າພະເຈົ້າກໍຮູ້ສຶກໂລ່ງໃຈແລ້ວ.”


ເມື່ອເຫັນວ່າຖະໜົນຢູ່ທ້ອງຖິ່ນແຫ່ງນັ້ນມີຄວາມສະອາດ, ການດຳລົງຊີວິດຂອງຊາວບ້ານໄດ້ຟື້ນຟູຄືນຢ່າງເປັນລະບຽບຮຽບຮ້ອຍ, ທ່ານສີຈິ້ນຜິງກ່າວວ່າ: “ປະຊາຊາດພວກເຮົາສາມາດຕ້ານກັບໄພທຳມະຊາດມາເປັນເວລາຫຼາຍພັນປີແລ້ວ, ອີກົ່ງຍ້າຍພູຜາ, ຕ້າອີດັດແປງບັນຫານໍ້າຖ້ວມ, ແຕ່ພວກເຮົາຍັງຕ້ອງສູ້ຊົນຕໍ່ໄປອີກ. ການສູ້ຊົນນີ້ບໍ່ແມ່ນເປັນປໍລະປັກກັນກັບທຳມະຊາດ, ແຕ່ຫາກແມ່ນຄົນກັບທຳມະຊາດຢູ່ຮ່ວມກັນຢ່າງກົມກຽວຫຼາຍກວ່າເກົ່າ, ຕ້ອງສອດຄ່ອງກັບກົດເກນທຳມະຊາດ, ຈຶ່ງຈະສາມາດຮັບຮູ້ ແລະ ເຂົ້າໃຈກົດເກນທຳມະຊາດໄດ້ດີຂຶ້ນ. ພ້ອມກັນນັ້ນ, ພວກເຮົາຍັງຕ້ອງສ້າງຄວາມສາມາດໃຫ້ເຂັ້ມແຂງກວ່າເກົ່າໃນການປ້ອງກັນໄພທຳມະຊາດ.”

ທີ່ມາ: CRI-fm93

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

​ໂຄວິດລະບາດໃນຟາມມິງ (Mink)​ ໃນປະເທດເດັນມາກ ແລະ ຈະຂ້າມິງ 2,5 ລ້ານໂຕ‼️

າມຂ່າວຕ່າງປະເທດລາານໃນວັນທີ 13 ຕຸລາ 2020 ​ນີ້​ວ່າ: ສັດຕະວະແພດ ແລະ ຊາວກະສິກອນ ຜູ້ລ້ຽງໂຕມິງຢູ…