ໜ້າຫຼັກ ຂ່າວພາຍໃນ ລາວຈະສ້າງເງື່ອນໄຂສະດວກ ໃຫ້ຄົນເຊື້ອຊາດລາວ ຢູ່ຕ່າງປະເທດໄດ້ກັບມາມີສ່ວນຮ່ວມສ້າງສາພັດທະນາປະເທດຊາດ

ລາວຈະສ້າງເງື່ອນໄຂສະດວກ ໃຫ້ຄົນເຊື້ອຊາດລາວ ຢູ່ຕ່າງປະເທດໄດ້ກັບມາມີສ່ວນຮ່ວມສ້າງສາພັດທະນາປະເທດຊາດ

0 ຄົນ ກຳລັງອ່ານຢູ່
2
3
3,547
Loading...

ທ່ານ ຫຽມ ພົມມະຈັນ ກໍາມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ທີ່ໄດ້ລາຍງານຕໍ່ກອງປະຊຸມສາມັນຄົບຄະນະ ກໍາມະການສູນກາງແນວລາວສ້າງຊາດຄັ້ງທີ 5 ສະໄໝທີ X ທີ່ສໍາເລັດລົງເມື່ອບໍ່ດົນມານີ້ ມີຄໍາເຫັນບາງຕອນສຳຄັນວ່າ: ພັກປະຊາຊົນປະຕິວັດລາວ ຍາມໃດກໍໃຫ້ຄວາມສໍາຄັນ ແລະ ຖືວ່າພີ່ນ້ອງຊາວລາວ ທີ່ອາໃສຢູ່ຕ່າງປະເທດ ແມ່ນພາກສ່ວນໜຶ່ງທີ່ສໍາຄັນ, ຊຶ່ງບໍ່ຕັດແຍກອອກຈາກວົງຄະນະຍາດແຫ່ງຊາດລາວໄດ້, ເປັນແຫລ່ງກໍາລັງແຮງອັນໜຶ່ງ ໃນການສ້າງສາພັດທະນາປະເທດຊາດ, ເປັນປັດໄຈສໍາຄັນ ໃນການເປີດກວ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ກັບບັນດາປະເທດທີ່ເຂົາເຈົ້າອາໄສຢູ່ ແລະ ອົງການຈັດຕັ້ງສາກົນ.

ທ່ານ ຫຽມ ພົມມະຈັນ ກ່າວຕື່ມວ່າ: ຜ່ານການຢ້ຽມຢາມ ແລະ ພົບປະກັບພີ່ນ້ອງເຊື້ອຊາດລາວ ຢູ່ຫລາຍປະເທດ, ຄະນະທີ່ປຶກສາໄດ້ຮັບຮູ້ຄວາມມຸ້ງມາດປາຖະໜາ ຂອງພີ່ນ້ອງເຊື້ອຊາດລາວລຸ້ນຕ່າງໆ ແລະ ໄດ້ສະເໜີຕໍ່ລັດຖະບານ ເພື່ອພິຈາລະນາອອກຕິນິກໍາຈໍານວນໜຶ່ງ ແນໃສ່ອໍານວຍຄວາມສະດວກໃຫ້ແກ່ພີ່ນ້ອງເຊື້ອຊາດລາວໃນການມາຢ້ຽມຢາມ, ແຕ່ງດອງ, ກັບຄືນມາຢູ່ຢ່າງຖາວອນ ແລະ ດໍາເນີນທຸລະກິດ. ພ້ອມນີ້, ຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ຍັງເຫັນວ່າ ຄົນເຊື້ອຊາດລາວລຸ້ນໜຸ່ມ ທີ່ເກີດ ແລະ ເຕີບໃຫຍ່ຢູ່ຕ່າງປະເທດ ແມ່ນມີຈໍານວນເພີ່ມຂຶ້ນ, ພວກເຂົາໄດ້ຮັບການສຶກສາ ແລະ ປະກອບອາຊີບທີ່ແຕກຕ່າງກັນ, ຫລາຍຄົນມີວິຊາສະເພາະ ແລະ ປະສົບການສູງ. ຕໍ່ບັນຫານີ້, ແນວລາວສ້າງຊາດປະຈໍາແຕ່ລະປະເທດ ຕ້ອງມີສະໂມສອນ ຫລື ສູນສິດສອນຮຽນພາສາລາວ ແລະ ວັດທະນະທໍາລາວ ໃຫ້ແກ່ເຂົາເຈົ້າ. ນອກຈາກນີ້, ວັດລາວ ຢູ່ຕ່າງປະເທດແມ່ນເປັນສູນລວມທີ່ສໍາຄັນ ໃນການປະຕິບັດ ທໍາ ແລະ ຮີດຄອງພຸດທະສາສະໜາ, ຊຶ່ງໃນຕໍ່ໜ້າ ພີ່ນ້ອງລາວຢູ່ແຕ່ລະປະເທດ ຈະໄດ້ສາມັກຄີກັນສືບຕໍ່ອຸ້ມຊູ ແລະ ປົກປັກຮັກສາໃຫ້ໝັ້ນຄົງຍາວນານ ແລະ ເຊື້ອໝັ້ນວ່າພີ່ນ້ອງເຊື້ອຊາດລາວ ຢູ່ຕ່າງປະເທດຈະໃຫ້ການປະກອບສ່ວນຕາມຄວາມອາດສາມາດຂອງແຕ່ລະຄົນ ເພື່ອສ້າງສາພັດທະນາວົງຄະນະຍາດໃຫ້ຈະ ເລີນຮຸ່ງເຮືອງຢ່າງບໍ່ຢຸດຢັ້ງ ໄປສູ່ຄວາມວັດທະນາຖາວອນ, ຊຶ່ງແມ່ນເປົ້າໝາຍສູງສຸດຂອງຊາດລາວ.

2 ຄຳຄິດເຫັນ

  1. Kenneth Sisaketh Mcelhoe

    26/08/2020 at 9:50 am

    ແມ່ນເປັນການດີແທ້ໆຖ້າພັກລັດຄິດແບບນີ້ແຕ່ກາຈະມີຄົນເຫັນຕ່າງຈົມຕີກາມີເປັນຂອງທຳມະດາ

    Reply

  2. ໂພສີ ສັກດາ

    29/08/2020 at 6:03 pm

    ສບາຍດີ ທຸກທ່ານ. ນະໂຍບາຍ ຂອງ ທ່ານຫ້ຽມ ພົມມະຈັນ ທີ່ ຣັຖບານ ສປປລ ໃຫ້ນຳອອກມາເຜີຍແຜ່ຫາພີ່ນ້ອງປະຊາຊົນລາວທີ່ປະເທດ ທີສາມ ນັ້ນ ບໍ່ໄດ້ເປັນຂ່າວໄຫມ່ (ນ້ຳເຫລົ້າເກົ່າ ລີນໃສ່ກວດໄຫມ່) ເປັນທີ່ຊາບກັນທົ່ວໄປວ່າ ທິສດີ ຂອງ ທາງການ ສປປລ ນັ້ນ ເປັນພຽງທິສະດີ ແຕ່ ພາກປະຕິບັດຕົວຈີງນັ້ນ ຈະບໍ່ປະກົດການ ແຕ່ຢ່າງໃດ. ທາງການສປປລ ກໍຊາບດີວ່າ ທາງອອກຂອງຄວາມຍຸ້ງຍາກໃນການບໍຣິຫານປະເທດເພື່ອໃຫ້ຫລຸດພົ້ນອອກຈາກເຫດຫານຕ່າງໆນັ້ນ ຄວນເຮັດຢ່າງໃດ ?
    1- ຕ້ອງເສັຍສລະລົດຕົວລົງ ປົດປອຍຊາດ ປົດປ່ອຍຕົວເອງ ອອກຈາກການຂອບງຳຂອງອຳນາດຜະເດັດການກອມມູຍນີສ.
    2- ປະຕິບັດຕາມ ສັນຍາ ອະນຸຍາ 1954-1962 ແລະ ສັນຍາ ປາຮີສ໌ 1973 ເພື່ອໃຫ້ ລາວໄດ້ຫັນຫນ້າເຂົ້າສ້າງສາປະເທດຊາດໃຫ້ກ້າວຫນ້າ
    3- ກ່ອນອື່ນ ຈະຕ້ອງໃຫ້ການຮ່ວມມື ປະຊາຊົນ ແລະ ສາກົນ ທີ່ເປັນຫວ່ງຕໍ່ອານາຄົດຂອງຊາດລາວ.
    ດ້ວຍຄວາມຮັກແພງ
    ພົບກັນໄຫມ່.

    Reply

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຂ່າວດ່ວນ​ ຂ່າວເສົ້າ!!​ ລົດຂົນໝູປີ້ນທີ່ທາງພູເກົ້າຫຼັກຄົນແລະໝູເສຍຊີວິດ

ອຸບັດເຫດ: ລາຍງານຈາກປະຊາຊົນໃຫ້ຮູ້ວ່າ ໃນເຊົ້າວັນທີ່ 29 ກັນຍາ 2020 ເກີດອຸບັດຕິເຫດຮ້າຍແຮງ ລົດຈ…