ໜ້າຫຼັກ ຂ່າວທ້ອງຖິ່ນ ເມືອງຫົງສາ ທຳລາຍສິນຄ້າໝົດອາຍຸ-ເສື່ອມຄຸນ​ ມູນຄ່າ​ ​12​ ລ້ານກວ່າກີບ

ເມືອງຫົງສາ ທຳລາຍສິນຄ້າໝົດອາຍຸ-ເສື່ອມຄຸນ​ ມູນຄ່າ​ ​12​ ລ້ານກວ່າກີບ

2 ຄົນ ກຳລັງອ່ານຢູ່
0
0
29
Loading...

ໃນວັນທີ 25 ເດືອນກັນຍານີ້, ຫ້ອງການ ອຸດສາຫະກຳ ແລະ ການຄ້າ ເມືອງຫົງສາ #ແຂວງໄຊຍະບູລີ ຮ່ວມກັບພາກສ່ວນທີ່ກ່ຽວຂ້ອງ ໄດ້ຈັດພິທີທຳລາຍສິນຄ້າທີ່ໝົດອາຍຸ-ເສື່ອມຄຸນນະພາບ, ສິນຄ້າຜິດລະບຽບ ແລະ ສິນຄ້າເກືອດຫ້າມຢູ່ພາຍໃນເມືອງ​ ທີ່ເດີ່ນຫ້ອງການດັ່ງກ່າວ. ພາຍຫລັງຄະນະສະເພາະກິດ ໄດ້ລົງກວດກາສິນຄ້າຢູ່ບັນດາຮ້ານຄ້າ, ຮ້ານຂາຍເຄື່ອງຍ່ອຍ, ຕະຫຼາດ ແລະ ຮ້ານຂາຍເຄື່ອງສົ່ງພາຍໃນທົ່ວເມືອງ.

ສິນຄ້າທີ່ນຳມາທຳລາຍໃນຄັ້ງນີ້, ປະກອບມີສິນຄ້າເກືອດຫ້າມ, ຜິດລະບຽບ 11 ລາຍການຄື: ລູກຫວ່ານ, ຂີ້ເຈຍ, ໝື້, ມາດ, ດອກເກັບ, ຄີມ ແລະ ຢາສູບເຖື່ອນ ລວມເປັນມູນຄ່າ 1.778.500 ກີບ ແລະ ປະເພດສິນຄ້າໝົດອາຍຸ-ເຊື່ອມຄຸນມີນົມ, ເຂົ້າໜົມ, ໝີ່ເຄິ່ງສຳເລັດຮູບ, ກາແຟເຄິ່ງສຳເລັດຮູບ-ສຳເລັດຮູບ, ນ້ຳອັດລົດຕ່າງໆ, ເຄື່ອງປຸງແຕ່ງອາຫານ, ຢາປວດຫາຍ ແລະ ເຄື່ອງສຳອາງ ຈຳນວນໜຶ່ງ ລວມທັງໝົດ 65 ລາຍການ ມູນຄ່າ 6.635.000 ກີບ.

ໄດ້ລົງກວດກາຈຳນວນ 191 ຮ້ານ. ສ່ວນບັນດາຮ້ານຄ້າ ຫລື ຜູ້ປະກອບການ ທີ່ຈຳໜ່າຍສິນຄ້າດັ່ງກ່າວນັ້ນ, ທາງຄະນະສະເພາະກິດຂອງເມືອງ ໄດ້ໃຫ້ການສຶກສາອົບຮົມແກ່ເຂົາເຈົ້າ ໃຫ້ເອົາໃຈໃສ່ກວດກາເບິ່ງຄືນສິນຄ້າທີ່ວາງຂາຍຢູ່ໃນຮ້ານຕົນເອງເປັນປະຈຳ ແລະ ວິທີການກວດເບິ່ງນັ້ນ​ຄື: ວັນໝົດອາຍຸຂອງສິນຄ້າຕ່າງໆ.

ພ້ອມທັງໄດ້ປັບໃໝ ແລະ ເຮັດບົດບັນທຶກກ່າວເຕື່ອນຕໍ່ຜູ້ທີ່ກະທຳຜິດໂດຍບໍ່ເຂັດຫຼາບ ຈຳນວນ 43 ລາຍ ( ມູນຄ່າປັບໃໝ ທັງໝົດ 3.960.000 ກີບ). ທັງນີ້, ກໍເພື່ອເຮັດໃຫ້ຜູ້ບໍລິໂພກ ແລະ ອຸປະໂພກໄດ້ຮັບສິນຄ້າ ແລະ ອາຫານທີ່ປອດໄພ, ມີຄຸນນະພາບ ແລະ ບໍ່ໝົດອາຍຸການນຳໃຊ້.
ຂ່າວທ້ອງຖິ່ນ:ຫົງສາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ເຕືອນ!!! ເຊກອງກວດພົບແປ້ງນົວປອມ ວາງຂາຍໃນຕະຫຼາດເທສະບານ

ສຳນັກຂ່າວທ້ອງຖິ່ນ ໄດ້ລາຍງານວ່າ: ວັນທີ 21 ຕຸລາ 2020 ທີ່ຜ່ານມານີ້, ຄະນະກໍາມະການຄຸ້ມຄອງຊັບສິນ…