ໜ້າຫຼັກ ຂ່າວທ້ອງຖິ່ນ ພະຍາດອະຫິວາໝູອາຟຣິກາ ລະບາດຢູ່ 3 ເມືອງ ແຂວງໄຊຍະບູລີ

ພະຍາດອະຫິວາໝູອາຟຣິກາ ລະບາດຢູ່ 3 ເມືອງ ແຂວງໄຊຍະບູລີ

0 ຄົນ ກຳລັງອ່ານຢູ່
0
0
125
Loading...

ຕາມການລາຍງານຈາກ ພະແນກ ກະສິກໍາ ແລະ ປ່າໄມ້ ແຂວງໄຊຍະບູລີ ໄດ້ໃຫ້ຮູ້ວ່າ: ໃນລະຫວ່າງກາງ ຫາ ທ້າຍເດືອນກັນຍາ 2020 ຜ່ານມານີ້, ຢູ່ 3 ເມືອງເໜືອ ແຂວງໄຊຍະບູລີ ຄື: ເມືອງເງິນ, ຊຽງຮ່ອນ ແລະ ເມືອງຄອບ ໄດ້ມີການລະບາດຂອງພະຍາດ ອະຫິວາໝູອາຟຣິກາ ໃນນັ້ນ: ມີໝູຕາຍຫລາຍກວ່າໝູ່ແມ່ນຢູ່ ເມືອງຊຽງຮ່ອນ ແລະ ຢືນຢັນວ່າພົບເຊື້ອພະຍາດດັ່ງກ່າວຢູ່ 2 ບ້ານ ພ້ອມໄດ້ກໍານົດເອົນ 2 ບ້ານນັ້ນເປັນເຂດແດງ, ຮອດປັດຈຸບັນ ເມືອງຊຽງຮ່ອນ ມີໝູຕາຍຈໍານວນ 474 ໂຕ, ໃນຈໍານວນ 13 ບ້ານ, ໝູຍັງມີຊີວິດ 1.059 ໂຕ ແມ່ນພວມທໍາລາຍຖິ້ມ. ສ່ວນຢູ່ ເມືອງຄອບ ມີໝູຕາຍບໍ່ຮູ້ສາເຫດ 3 ບ້ານ ແລະ ເມືອງເງິນ 1 ບ້ານ, ປັດຈຸບັນ ໄດ້ນໍາເອົາຊິ້ນສ່ວນຂອງໝູຕາຍສົ່ງໄປວິໄຈຫາເຊື້ອພະຍາດຢູ່ ນະຄອນຫລວງວຽງຈັນ ແລະ ໄດ້ເຝົ້າລະວັງຂອບເຂດບ້ານດັ່ງກ່າວ.

ຕໍ່ກັບເຫດການດັ່ງກ່າວນັ້ນ, ວິຊາການທີມງານລ້ຽງສັດຈາກແຂວງ ແລະ ອໍານາດການປົກຄອງເມືອງ ໄດ້ລົງເຜີຍແຜ່ຜົນຮ້າຍຂອງພະຍາດດັ່ງກ່າວ, ພ້ອມທັງສຶກສາອົບຮົມການເມືອງແນວຄິດໃຫ້ປະຊາຊົນໃຫ້ເຂົ້າໃຈ, ເມື່ອປະຊາຊົນເຂົ້າໃຈແຈ້ງແລ້ວກໍ່ໄດ້ໃຫ້ການຮ່ວມມື ແລະ ພ້ອມກັນທໍາລາຍໝູໃນຂອບເຂດບ້ານທີ່ເກີດພະຍາດ ແລະ ບ້ານໃກ້ຄຽງ, ດ້ວຍການຂ້າໝູ ແລະ ຂຸດຂຸມຝັງໝູທັງໝົດ.
ດ້ວຍຄວາມເປັນຫ່ວງເປັນໄຍຂອງການນໍາແຂວງໄຊຍະບູລີ, ໃນລະຫວ່າງວັນທີ 23-25 ກັນຍາ 2020 ຜ່ານມາ, ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍທີມງານ ກໍໄດ້ລົງກວດກາເບິ່ງສະຖານທີ່ເກີດພະຍາດອະຫິວາໝູອາຟຣິກາ, ພ້ອມທັງໃຫ້ກໍາລັງໃຈປະຊາຊົນທີ່ໄດ້ຮັບຜົນກະທົບ ແລະ ພະນັກງານວິຊາການທີ່ລົງປະຕິບັດໜ້າທີ່ຕົວຈິງຢູ່ພື້ນທີ່ເກີດພະຍາດ, ພ້ອມທັງໄດ້ຮຽກຮ້ອງໃຫ້ພໍ່ແມ່ປະຊາຊົນ ຈົ່ງໃຫ້ຄວາມຮ່ວມມືໃນການທໍາລາຍໝູຖິ້ມ, ບໍ່ໃຫ້ເອົາໝູໄປຊຸກເຊື່ອງ, ບໍ່ໃຫ້ມີແນດຄິດປໍລະປັກ ຫລື ຄຽດຊັງ ພະນັກງານທີ່ປະຕິບັດໜ້າທີ່ດັ່ງກ່າວ, ທັງນີ້ ກໍເພື່ອກໍາຈັດພະຍາດນີ້ໃຫ້ໝົດໄປ, ບໍ່ໃຫ້ມີການແຜ່ລາມໄປສູ່ເຂດອື່ນ ແລະ ຫ້າມປະຊາຊົນລ້ຽງໝູໃນໄລຍະທີ່ມີພະຍາດລະບາດເທື່ອ, ຮຽກຮ້ອງມາຍັງພະນັກງານທີ່ກ່ຽວຂ້ອງຂອງແຂວງ ແລະ ເມືອງ ຈົ່ງສືບຕໍ່ປູກຈິດສໍານຶກໃຫ້ປະຊາຊົນມີຄວາມໂລ່ງໃຈຕໍ່ເຫດການທີ່ເກີດຂຶ້ນ, ສືບຕໍ່ນໍາພາປະຊາຊົນແຕ່ລະບ້ານເຮັດອານາໄມ ແລະ ຂ້າເຊື້ອ ຕາມຄອກສັດ, ດ້ວຍການພົ່ນຢາຂ້າເຊື້ອ, ໂຮຍປູນຂາວ ໃຫ້ຖົ່ວເຖິງບໍລິເວນບ້ານ, ບ່ອນທີ່ໝູອາໄສຢູ່, ສືບຕໍ່ເຝົ້າລະວັງ ແລະ ອອກແຈ້ງການບັນດາບ້ານທີ່ພະຍາດລະບາດເປັນເຂດສີແດງ, ເຝົ້າລະວັງເຂດເຫລືອງມົນທົນ 3 ກິໂລແມັດ ແລະ ບ້ານທົ່ວໄປຢ່າງໃກ້ຊິດ.

ທີ່ມາ: ພະແນກກະສິກຳ​ ແລະປ່າໄມ້​ ໄຊຍະບູລີ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ເຕືອນ!!! ເຊກອງກວດພົບແປ້ງນົວປອມ ວາງຂາຍໃນຕະຫຼາດເທສະບານ

ສຳນັກຂ່າວທ້ອງຖິ່ນ ໄດ້ລາຍງານວ່າ: ວັນທີ 21 ຕຸລາ 2020 ທີ່ຜ່ານມານີ້, ຄະນະກໍາມະການຄຸ້ມຄອງຊັບສິນ…