ໜ້າຫຼັກ ຂ່າວທ້ອງຖິ່ນ ສະຫວັນນະເຂດກຽມຈັດງານເທສະການ savan fun fest ເປັນຄັ້ງທີ II

ສະຫວັນນະເຂດກຽມຈັດງານເທສະການ savan fun fest ເປັນຄັ້ງທີ II

4 ຄົນ ກຳລັງອ່ານຢູ່
0
0
55
Loading...

ໃນວັນທີ 5 ຕຸລານີ້, ພະແນກ ຖວທ ແຂວງ, ນະຄອນໄກສອນ ພົມວິຫານ ສົມທົບກັບກຸ່ມທຸລະກິດທ່ອງທ່ຽວແຂວງສະຫວັນນະເຂດ ໄດ້ຈັດກອງປະຊຸມເພື່ອກະກຽມຄວາມພ້ອມງານເທສະການ ສະຫວັນ ສຸກສັນ ຫັນສາ (savan fun fest) ຄັ້ງທີ II ຄາດວ່າຈະຈັດຂຶ້ນໃນຕົ້ນເດືອນທັນວາທີ່ຈະມາເຖິງນີ້ ພາຍຫລັງມີຜົນສຳເລັດ ແລະ ເປັນໜ້າພໍໃຈຂອງຊາວແຂວງສະຫວັນນະເຂດໃນງານຄັ້ງທີ I ເມື່ອທ້າຍເດືອນພະຈິກ 2019 ຜ່ານມາ.ເຊິ່ງງານຄັ້ງນີ້ມີເປົ້າໝາຍ​ ສົ່ງເສີມການພັດທະນາ ແລະ ປັບປຸງຕົວເມືອງເກົ່າ ນະຄອນໄກສອນ ພົມວິຫານ ໃຫ້ກາຍເປັນສະຖານທີ່ທ່ອງທ່ຽວທີ່ຈັບອົກຈັບໃຈຂອງຜູ້ມາທ່ຽວຊົມ, ສົ່ງເສີມລາວທ່ຽວລາວໃນໄລຍະການລະບາດຂອງໂຄວິດ-19 ໃຫ້ໄດ້ຮັບຜົນ. ປະກອບສ່ວນສ້າງວຽກເຮັດງານທຳໃຫ້ສັງຄົມ, ສາມາດດຶງດູດການລົງທຶນພາຍໃນ ແລະ ຕ່າງປະເທດເຂົ້າໃນການພັດທະນາການທ່ອງທ່ຽວ ແລະ ຂະແໜງການທີ່ຕິດພັນກັບການທ່ອງທ່ຽວ ເຊິ່ງຄາດຄະເນຈະມີຜູ້ເຂົ້າຮ່ວມຫລາຍກວ່າ 5.000 ຄົນ ໃນນີ້ມີນັກທ່ອງທ່ຽວພາຍໃນແຂວງປະມານ 3.500 ກວ່າຄົນ ແລະ ນັກທ່ອງທ່ຽວຕ່າງແຂວງ 1.500 ກວ່າຄົນ ເຊິ່ງງານດັ່ງກ່າວນີ້ຈະຈັດເປັນເວລາ 3 ວັນ ໃນຂອບເຂດຕົວເມືອງ ແລະ ເຮືອນເກົ່າສະໄໝຝຣັ່ງ ໃນນີ້ຈະມີງານວາງສະແດງຜະລິດຕະພັນ-ຈຳໜ່າຍຂອງທີ່ລະນຶກພາຍໃນ ແລະ ຕ່າງປະເທດ ແລະ ອາຫານພື້ນບ້ານທີ່ເປັນເອກະລັກຂອງສະຫວັນນະເຂດ ແລະ ຈະມີການແຂ່ງຂັນມິນີມາລາທອນ, ຊົມການສາຍຮູບເງົາ, ສະແດງສິລະປະວັນນະຄະດີທ້ອງຖິ່ນ, ສະແດງໂຊລົດໃນຍຸກເກົ່າ, ຂະບວນພາເລດແຟນຊີໄດໂນເສົາ, ກາຍະສິນ, ແຂ່ງເຮືອແຈັດສະກີ, ສະແດງການເຊີດສິງໂຕ ແລະ ການເລົ່າປະຫວັດໃນຫົວຂໍ້ “ຕາມຮອຍມູນເຊື້ອຂອງຄົນເມືອງສະຫວັນ” ໂດຍຈະໃຊ້ງົບປະມານຫລາຍກວ່າ 300 ລ້ານກີບ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ແຂວງຈຳປາສັກ ໂຈະການຂົນສົ່ງຈາກປະເທດໄທ​(ຊົ່ວຄາວ)

ວັນທີ​ 23​ ມັງກອນ​ 2021ແຈ້ງການເພິ່ມເຕີມແຂວງຈຳປາສັກ ໂຈະການຂົນສົ່ງຈາກປະເທດໄທໃນການເພື່ອເຂົ້າມ…