ໜ້າຫຼັກ ເຮືອນແລະສວນ ເຕືອນ​!! ພາກເໜືອເລີ່ມໜາວ ສ່ວນພາກກາງຫາພາກໃຕ້ຝົນຍັງສືບຕໍ່ຕົກ

ເຕືອນ​!! ພາກເໜືອເລີ່ມໜາວ ສ່ວນພາກກາງຫາພາກໃຕ້ຝົນຍັງສືບຕໍ່ຕົກ

0 ຄົນ ກຳລັງອ່ານຢູ່
0
0
170
Loading...

ກົມອຸຕຸນິຍົມ​ ແລະ​ ອຸທົກກະສາດພະຍາກອນອາກາດປະຈຳວັນທີ 18/10/2020​ ໃຫ້ຮູ້ວ່າ:ຄວາມກົດດັນອາກາດສູງຈາກປະເທດຈີນຍັງຈະສືບຕໍ່ລົງມາປົກຄຸມຢູ່ເຂດພາກເໜືອຂອງປະເທດລາວດ້ວຍກໍາລັງອ່ອນ.​

ສ່ວນພາກກາງ ແລະ ພາກໃຕ້ຮ່ອງຄວາມກົດດັນອາກາດຕໍ່ໄດ້ພາດຜ່ານ, ສົມທົບກັບກະແສລົມຕາເວັນອອກ-ຕາເວັນອອກສຽງເໜືອມີກຳລັງປານກາງຫາແຮງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດເຢັນໃນຕອນເຊົ້າຢູ່ທົ່ວໄປ ແລະ ຍັງຈະມີຝົນຕົກໃນລະດັບຄ່ອຍຢູ່ໃນແຕ່ລະພາກ ແລະ ຕົກໃນລະດັບປານກາງ ຫາ ຕົກໜັກ ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.​

ແຈ້ງເຕືອນລະດັບແມ່ນ້ຳສາຂາ ແກ້ງກອກ (ເຊຈຳພອນ),ແມ່ນໄດ້ສູງກ່ວາເຂດລະວັງໄພ, ແກ້ງໂດນ (ເຊບັ້ງຫຽງ) , ເຊໂປນ (ເຊບັ້ງຫຽງ) ແລະ ລະຫານ້ຳ (ເຊບັ້ງຫຽງ) ແຂວງ ສະຫວັນນະເຂດ ແມ່ນຍັງສູງກ່ວາເຂດອັນຕະລາຍ.​

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນທີ່ອາໄສຢູ່ເຂດແຂວງດັ່ງກ່ວາ. ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ມີ ນໍ້າຖ້ວມຊູ, ດິນເຈື່ອນ ແລະ ນ້ຳຖ້ວມອັ່ງ.

ພ້ອມໃຫ້ຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ເຕືອນເພື່ອເຝົ້າລະວັງ!! ໄລຍະວັນທີ 2-5 ກັນຍານີ້ ຈະມີຝົນຕົກປານກາງ ຫາ ຕົກໜັກ

ສະພາບອາກາດອາທິດນີ້ ກົມອຸຕຸນິຍົມ ແລະ ອຸທົກກະສາດ ມີຄຳເຕືອນເພື່ອເຝົ້າລະວັງສະພາບອາກາດຮ້າຍແຮງໃນ…