ໜ້າຫຼັກ ຂ່າວພາຍໃນ ການກໍ່ສ້າງອາດບໍ່ສຳເລັດຕາມແຜນຍ້ອນບັນຫາໄກ່ເກ່ຍສິ່ງກີດຂວາງຍັງບໍ່ເຄລຍ

ການກໍ່ສ້າງອາດບໍ່ສຳເລັດຕາມແຜນຍ້ອນບັນຫາໄກ່ເກ່ຍສິ່ງກີດຂວາງຍັງບໍ່ເຄລຍ

2 ຄົນ ກຳລັງອ່ານຢູ່
0
0
444
Loading...

ຂ່າວໜັງສືພິມວຽງຈັນທາຍລາຍງານວັນທີ 26​ ພະຈິກໃຫ້ຮູ້ວ່າ: ການກໍ່ສ້າງໂຄງການທາງລົດໄຟລາວ-ຈີນ ເເຕ່ຊາຍແດນລາວ-ຈີນ, ບໍ່ເຕັນ ຫາ ສະຖານີນະຄອນຫຼວງວຽງຈັນມີຄວາມ ຄືບໜ້າຢ່າງຕໍ່ເນື່ອງ ແລະ ຕາມແຜນແມ່ນຈະເປີດນໍາໃຊ້ໃນເດືອນ ທັນວາ 2021, ແຕ່ເນື່ອງຈາກບັນຫາການໄກ່ເກ່ຍຍົກຍ້າຍສິ່ງກີດຂວາງ ແລະ ເວນຄືນທີ່ດິນ ແຕ່ສະຖານີວຽງຈັນ ຫາ ສະຖານີ້ວຽງຈັນ ໃຕ້ ສົ່ງຜົນກະທົບໃຫ້ແກ່ການກໍ່ສ້າງ, ຖ້າຫາກສາມາດແກ້ໄຂບັນຫາການຍົກຍ້າຍເວນຄືນທີ່ດິນ ແລະ ສາມາດສະໜອງເນື້ອທີ່ດິນກໍ່ສ້າງໄດ້ຢ່າງທັນເວລາ, ຈະເຮັດໃຫ້ເສັ້ນທາງລົດໄຟຕະຫຼອດສາຍທາງ ສາມາດກໍ່ສ້າງສໍາເລັດ ແລະ ເປີດນໍາໃຊ້ໄດ້ຢ່າງທັນການ ແຕ່ຖ້າຫາກວ່າຍັງບໍ່ສາມາດແກ້ໄຂບັນຫາດັ່ງກ່າວໄດ້ ຫຼື ຊັກຊ້າອາດຈະເຮັດໃຫ້ການກໍ່ສ້າງທາງລົດໄຟບໍ່ສໍາເລັດ ແລະ ຈະບໍ່ສາມາດເປີດໃຊ້ຕາມ ແຜນທີ່ວາງໄວ້.
ບໍລິສັດທາງລົດໄຟລາວ-ຈີນ ຈໍາກັດ ແຈ້ງໃຫ້ຮູ້ຕື່ມອີກວ່າ: ຮອດປັດຈຸບັນພື້ນຖານໂຄງລ່າງຂອງເສັ້ນທາງລົດໄຟ ແມ່ນຈະສໍາເລັດໂດຍພື້ນຖານ ໃນທ້າຍປີ 2020 ຊຶ່ງປະກອບມີ ການສໍາເລັດການເຈະ ອຸໂມງ 75 ແຫ່ງຂອງທົ່ວທັງແລວທາງ, ສໍາເລັດການກໍ່ສ້າງຂົວ ທັງໝົດ 164 ແຫ່ງ, ຄັນທາງ 180 ຕອນ ໄດ້ສໍາເລັດໂດຍພື້ນຖານ, ບັນດາຫນ້າວຽກກໍ່ສ້າງ ເຊັ່ນ: ວຽກລາງລົດໄຟ, ວຽກລະບົບ ແລະ ວຽກອາຄານສະຖານີ້ ແມ່ນກ້າວເຂົ້າສູ່ໄລຍະທີ່ສໍາຄັນ ແລະ ຫຍຸ້ງຍາກທີ່ສຸດ, ໄດ້ສໍາເລັດການວາງລາງ 188,8 ກິໂລແມັດ ໃນຕະຫຼອດເສັ້ນທາງ, ກວມເອົາ 44,6% ຂອງໄລຍະທາງທັງຫມົດ, ທ້າຍປີນີ້ ຈະວາງລາງຮອດຫຼວງພະບາງ, ທ້າຍເດືອນ 6 ປີ 2021 ຈະສໍາເລັດການວາງລາງທັງຫມົດຕະຫຼອດເສັ້ນທາງ, ການກໍ່ສ້າງວຽກລະບົບ ແມ່ນເລີ່ມດໍາເນີນການຢ່າງຮອບດ້ານ, ການກໍ່ສ້າງອາຄານສະຖານີ້ ແມ່ນສາມາດມຸງຫຼັງຄາໄດ້ທັງຫມົດ ພາຍໃນທ້າຍປີ 2020 ແລະ ຮອດເດືອນ 4 ປີ 2021 ຈະກ້າວເຂົ້າສູ່ໄລຍະການຕົບແຕ່ງພາຍໃນ ທັງຫມົດ, ການກໍ່ສ້າງໃນໄລຍະແຕ່ສະຖານີວຽງຈັນ ຫາ ທ່ານາແລ້ງ ແມ່ນໄດ້ເລີ່ມລົງມືກໍ່ສ້າງຢ່າງຮອບດ້ານ ໃນວັນທີ 20/07/2020, ຕາມແຜນ ແມ່ນສໍາເລັດພ້ອມກັນ ກັບ ການເປີດເສັ້ນທາງ ແຕ່ ບໍ່ເຕັນ ຫາ ວຽງຈັນ, ນອກນັ້ນ, ວຽກງານການກະກຽມໃນການເປີດໃຫ້ ບໍລິການ ເຊັ່ນ: ການຝຶກອົບຮົມບຸກຄະລາກອນ, ການເປີດແລ່ນລົດໄຟ, ການຄຸ້ມຄອງວຽກໃຫ້ບໍລິການ ແລະ ບູລະນະຮັກສາສ້ອມແປງ ແມ່ນໄດ້ເລີ່ມດໍາເນີນການຢ່າງຮອບດ້ານ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຊົມເຊີຍ! ທ່ານຮອງນາຍົກ ສົມດີ ດວງດີ ແລະທ່ານ ດຣ.ບຸນກອງ ສີຫາວົງ​ໄດ້ຮັບການສັກວັກຊີນໂຄວິດ-19​ແລ້ວ

ວັນທີ​27​ ມັງກອນນີ້​ ທີ່ໂຮງໝໍ 150​ຕຽງໄດ້ມີພິທີສັກວັກຊີນ ໂຄວິດ-19​ ໃຫ້ກັບພະນັກງານແພດໝໍຜູ້ຢູ…