ໜ້າຫຼັກ ຂ່າວຕ່າງປະເທດ ຈີນຕັດສິນໂທດປະຫານຊີວິດ ພະນັກງານສໍ້ລາດບັງຫຼວງ

ຈີນຕັດສິນໂທດປະຫານຊີວິດ ພະນັກງານສໍ້ລາດບັງຫຼວງ

10 ຄົນ ກຳລັງອ່ານຢູ່
0
0
632
Loading...

ສຳນັກຂ່າວ ຊິນຫົວ ເມື່ອວັນທີ 5 ມັງກອນນີ້ ໂດຍອ້າງແຫຼ່ງຂ່າວຈາກສານນະຄອນ ທຽນຈິນ ຂອງຈີນໃຫ້ຮູ້ວ່າ ໃນເວລາທີ່ມີຕຳແໜ່ງຮັບຜິດຊອບ ຊັບສິນຂອງລັດຢູ່ນັ້ນ Lai Xiao Min ໄດ້ສວຍໃຊ້ໜ້າທີ່ຕຳແໜ່ງຂອງຕົນ ໃຫ້ການຊວຍເຫຼືອດ້ານການເງິນໃຫ້ແກ່ບຸກຄົນ, ການຈັດຕັ້ງ, ເຮັດສັນຍາຮ່ວມມືໂຄງການ, ເຄື່ອນໄຫວທຸລະກິດ, ເລື່ອນຊັ້ນ, ຕຳແໜ່ງ…ໃຫ້ບຸກຄົນ ແລະ ການຈັດຕັ້ງເພື່ອແລກກັບຂອງຂວັນລາງວັນເປັນເງິນສົດໃນມູນຄ່າ 276 ລ້ານ ໂດລາ.

ນອກຈາກສານຕັດສິນລົງໂທດປະຫານຊີວິດແລ້ວ, Lai Xiao Min ຍັງຖືກຢຶດຊັບສິນທັງໝົດນຳອີກ.

ເລື່ອງຂອງເລື່ອງ ແມ່ນເລີ່ມແຕ່ປີ 2018 ໃນຂະນະທີ່ Lai Xiao Min ຖືກປົດຕຳແໜ່ງ ແລະ ຖືກໄລ່ອອກຈາກພັກ. ປີກາຍຜ່ານມານີ້, ໃນຂະນະທີ່ອອກລາຍການໂທລະທັດນັ້ນ, Lai Xiao Min ຍອມຮັບວ່າຕົນເອງເປັນຜູ້ທີ່ມັກໃຫ້ເງິນສົດເປັນຂອງຂວັນ ແລະ ໄດ້ເລົ່າເລື່ອງລາວຢ່າງລະອຽດກ່ຽວກັບ ການໃຊ້ລົດຂົນສົ່ງເງິນໄປໄວ້ທີ່ເຮືອນຂອງຕົນຢູ່ໃນປັກກິງ.

ເຈົ້າໜ້າທີ່ຕຳຫຼວດໃຫ້ຮູ້ວ່າ ເມື່ອໄປກວດຄົ້ນເຮືອນຂອງ Lai Xiao Min ພົບເຫັນເງິນສົດຈຳນວນ 200 ລ້ານ ຢວນ(ສະກຸນເງິນຂອງຈີນ) ຫຼື ປະມານ 30 ລ້ານ ໂດລາ.

ນອກຈາກເງິນສົດແລ້ວ, ເຂົາຍັງໄດ້ຮັບຂອງຂວັນ ເປັນຊັບສິນ ທີ່ເປັນອະສັງຫາລິມະຊັບ, ໂມງຊັ້ນຍອດ, ລົດເກງ, ຄຳ ແລະ ຮູບພາບທີ່ເປັນສິລະປະ ວັນນະກຳຕື່ມອີກຢ່າງຫຼວງຫຼາຍ.

ຈີນ, ຖືວ່າເປັນຊາດໜຶ່ງທີ່ເຄັ່ງຄັດທີ່ສຸດຕໍ່ກັບການສໍ້ລາດບັງຫຼວງຂອງຖັນແຖວພະນັກງານລັດ ແລະ ຫົວໜ່ວຍບໍລິສັດຂອງລັດ. ຜ່ານມາຈີນໄດ້ປັບໃໝຫຼາຍກວ່າ 1,5 ລ້ານຄົນເຈົ້າໜ້າທີ່ຂອງລັດ.
ທີ່ມາ:ໜັງສືພິມລາວພັດທະນາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໜກໜ່ວງ! ອັດຕາການວ່າງງານ ໃນທົ່ວໂລກ ຫຼາຍກວ່າ 250 ລ້ານຄົນ

ຕາມຂ່າວສານ ຫວຽດນາມ, ວັນທີ 25 ເດືອນມັງກອນ, ອົງການແຮງງານສາກົນ(ILO) ໃຫ້ຮູ້ວ່າ: ການແຜ່ລະບາດ ຂອ…