ໜ້າຫຼັກ ນານາສາລະ ໜຶ່ງພັນທະທີ່ບໍລິສັດເອກະຊົນໃນລາວຕ້ອງໃສ່ໃຈ!​ ມອບເງິນຊຸກຍູ້ຮັບໃຊ້ກອງປະຊຸມ

ໜຶ່ງພັນທະທີ່ບໍລິສັດເອກະຊົນໃນລາວຕ້ອງໃສ່ໃຈ!​ ມອບເງິນຊຸກຍູ້ຮັບໃຊ້ກອງປະຊຸມ

1 ຄົນ ກຳລັງອ່ານຢູ່
0
0
470
Loading...

ຂພຈ ຄຶດວ່າເລື່ອງລະດົມທຶນເປີດກອງປະຊຸມນັ້ນນີ້ ໝົດໄປແລ້ວໃນເມືອງລາວ? ແລະນາຍົກກໍມີຄໍາສັ່ງໄປແລ້ວໃນປີຜ່ານມາ ບໍ່ໃຫ້ພາກັນລະດົມທຶນມາເປີດງານນັ້ນນີ້ໃນກົງຈັກການປົກຄອງລັດ? (ຖ້າຈື່ບໍ່ຜິດ)😉

ໝາຍວ່າ ບໍ່ເປີດໂອກາດໃຫ້ບໍລິສັດໃດໆຍື່ນມືດ້ານການເງິນມາຊ່ວຍເຫຼືອເປີດງານໃດໜຶ່ງຂອງອົງການລັດ? (ແມ່ນບໍ?), ໂດຍສະເພາະລະດົມທຶນມາເປີດກອງປະຊຸມ…ເຫັນວ່າບໍ່ສົມຄວນບໍ?😉😳

ລັດຄວນຫຼີກລ່ຽງ​ ຫຼື​ ຫຼຸດຜ່ອນສາຍສໍາພັນ​ ແລະການພົວພັນພິເສດນັ້ນນີ້ກັບບໍລິສັດເອກະຊົນ! ເບິ່ງຮູບນອກ ເອກອ້າງ​ ແລະຊົງກຽດຜົນງານຂອງບໍລິສັດເຫຼົ່ານີ້ໃນສັງຄົມ, ແຕ່ຮູບໃນ ຮັບໃຊ້ຍຸດທະສາດໃດໜຶ່ງທີ່ເອົາລັດເອົາປຽບບໍລິສັດອື່ນໆທີ່ບໍ່ມີໂອກາດຍື່ນມືມາຊ່ວຍເປີດກອງປະຊຸມອົງການໃດໜື່ງຂອງ ລຖບ ໄດ້ຈັກເທື່ອ?😢ແລະສົ່ງຜົນກະທົບຕໍ່ທຸກໆວຽກງານແລະໂຄງການ ລຖບ ທີ່ບັນດາບໍລິສັດຈະເຂົ້າມາປະມູນ​ ຫຼືຮັບເໝົາ. ເຖີງວ່າລະບົບ “ຊີ້ນໄປ ປາມາ” ຢູ່ໃສກໍ່ຍັງມີຄ່າ ອົງການລັດກໍບ່ໍຕ້ອງຕໍ່ເວລາ​ ແລະຕໍ່ລາຄາກັບມັນ. ບໍ່ຈັ່ງຊັ້ນ, ຫຼາຍໆບໍລິສັດຈະມີຄວາມກົດດັນໃນການທໍາທຸລະກິດຂອງເຂົາເຈົ້າ ທີ່ຕ້ອງສະໜັບສະໜູນ, ເຊີດຊູ…ງານຕ່າງໆຂອງ ລຖບ, ທັງໆ ບັນດາບໍລິສັດເອກະຊົນກໍ່ມີພັນທະເສຍຊົດສ່ວຍແກ່ຊາດຕາມລະບຽບການແລະກົດໝາຍ ຢູ່ແລ້ວ.

ແຕ່ບໍລິສັດໃດໄດ້ຍື່ນປັດໄຈໃສສົດໃຫ້ຜູ້ຕ່າງໜ້າ ລຖບໄດ້, ໄດ້ນັ່ງແຖວໜ້າ. ນີ້ກໍ່ບັນຫາໜຶ່ງທີ່ອົງການຕໍ່ຕ້ານສໍ້ລາດບັງຫຼວງ International Transparency ຈັບມອງ.

ອີກຢ່າງ, ລຖບ ກໍຕ້ອງມີງົບພິເສດຢູ່ແລ້ວໃນການເປີດກອງປະຊຸມທຸກຄັ້ງ, ໂດຍສະເພາະກອງປະຊຸມໃຫຍ່​ ແລະສໍາຄັນຂອງຊາດ. (ພາສີ ປຊຊ, ເງິນສະຕິ…) ຖ້າບໍ່ມີ, ກໍບໍ່ເປັນໄປໄດ້ຕິ ທີ່ຈະອາໄສເງິນຄໍາຫຼາຍໃບຈາກສາທາລະນະໃນການຍົກສູງບົດບາດການນໍາພາຂອງພັກໂດຍຜ່ານກອງປະຊຸມຂັ້ນຍິ່ງໃຫຍ່ນີ້? ເຊີ່ງເງິນກ້ອນນີ້ ອາດຈະມີຜົນດີໄປທາງອື່ນຫຼາຍຢ່າງໃຫ້ແກ່ຊາດ​ ຫຼືໃຫ້ແກ່ການພັດທະນາເຂດຊົນນະບົດບ້ານເຮົາ (ທາງ, ໂຮງຮຽນ, ໂຮງໝໍ)?

ຂໍ້ສະເໜີຂອງຜູ້ຂຽນ, ເພື່ອຮັກສາງົບຂອງຊາດ​ ແລະບໍ່ຟູມເຟືອຍກັບງົບຂອງ ລຖບ ຫຼືບໍ່ຮ້ອງຂໍໃຫ້ສັງຄົມຊ່ວຍເຫຼືອກອງປະຊຸມຂອງລັດທຸກໆຄັ້ງ ຄວນມີຫ້ອງປະຊຸມລວມໃຫ້ແຕ່ຂະແໜງ, ອົງການ…ຕາມຈໍານວນ​ ແລະປະລິມານແຂກເຂົ້າຮ່ວມ​ ຫຼື​ ຖືເອົາຫ້ອງປະຊຸມສະພາ​ ຫຼືຫໍວັດທະນາທໍາເປັນສະຖານທີ່ເປີດກອງປະຊຸມອົງການໃດໜຶ່ງຂອງ ລຖບ (ຄືໄລຍະຜ່ານມາ). ສາມສີ່ມື້ຜ່ານມາ ເຫັນອອກຂ່າວວ່າ ທ່ານຮອງນາຍົກຍັງໄປສໍາລວດກວດກາແລະວາງແຜນສ້າງຫ້ອງປະຊຸມໃຫ້ພັກຄັ້ງນີ້ຢູ່?😉😁😳. (ໝາຍວ່າ ຈະເປີດກອງປະຊຸມເທື່ອໃດ ຈຶ່ງຊອກຫາສະຖານທີ່ເປີດ​ ຫຼືກໍ່ສ້າງຫ້າງຫໍ່ສະຖານນີ້ຂຶ້ນ?😳) ແທນທີ່ຈະປະຢັດງົບແລະເປີດໃນຫໍປະຊຸມທີ່ມີແລ້ວ? ຂພຈ ບໍ່ທັນເຂົ້າໃຈ?😮

ນີ້ບໍ່ໃຫ້ຖືວ່າເປັນການວິຈານ! ເປັນການສ້າງສະຕິແລະຊອກຫາວິທີປະຢັດງົບເພີ່ມຊ່ວຍສັງຄົມ​ ແລະບໍລິສັດເອກະຊົນໃນລາວ. ຖ້າບໍລິສັດເອກະຊົນມີຄວາມສາມາດຊົດຊວ່ຍກອງປະຊຸມພັກຕັ້ງຕື້ໆກີບ ຂພຈ ເຊື່ອວ່າ ບໍລິສັດເຫຼົ່ານີ້ຍັງມີເງີນທຶນຮອນເຫຼືອໄວ້ ຊື້ເຄື່ອງໃຫ້ຊາວໄຮ່ນານຸ່ງຫົ່ມ, ສ້າງທາງໃຫ້ເຂົາຍ່າງ, ສ້າງໂຮງໃຫ້ເຂົາຮຽນ, ສ້າງຫ້ອງໃຫ້ເຂົາກວດ…ແລະສ້າງລະບົບນໍ້າປະປາໃຫ້ປະຊາຊົນເຂດຊົນລະບົດຊົມໃຊ້. ສິ່ງທີ່ກ່າວມາຂ້າງເທິງ, ໄລຍະຜ່ານມາ ເຫັນແຕ່ຊາວຕາ່ງປະເທດສະສົມທຶນຕົນເອງມາສ້າງໃຫ້ປະຊາຊົນເຮົາ…ນັກທຸລະກິດລາວ (ກົງກັນຂ້າມ) ພັດສະສົມທຶນມາຊວ່ຍເບື້ອງ ລຖບ?😉😢 ໂລກແຫ່ງຄວາມປີ້ນ!?😁
ທີ່ມາ:  ສຸລັດ ທຸມມະວົງ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

Happy Balloon ທີ່ກຳລັງເປັນທີ່ນິຍົມໃນກຸ່ມໄວລຸ້ນ ອັນຕະລາຍກວ່າທີ່ຄິດ

ທ່ານ ຮສ ດຣ ສຸທັດ ຣຸ້ງເຣື່ອງຫິຣັນຍາ ຈາກ ມະຫາວິທະຍາໄລ ສີນັກຄະລິນວິໂລດ ປະເທດໄທ ກ່າວວ່າ ປຸມເປົ…