ໜ້າຫຼັກ ຂ່າວພາຍໃນ ນາຍົກແຫ່ງ ສປປ ລາວ ເນັ້ນອຸດສາຫະກໍາເປັນປັດໄຈຊຸກຍູ້ ການຂະຫຍາຍຕົວດ້ານເສດຖະກິດ

ນາຍົກແຫ່ງ ສປປ ລາວ ເນັ້ນອຸດສາຫະກໍາເປັນປັດໄຈຊຸກຍູ້ ການຂະຫຍາຍຕົວດ້ານເສດຖະກິດ

2 ຄົນ ກຳລັງອ່ານຢູ່
0
0
301
Loading...

ໃນໄລຍະ 5 ປີຜ່ານມາ, ເສດຖະກິດແຫ່ງຊາດລາວ ສືບຕໍ່ຂະຫຍາຍຕົວຢ່າງຕໍ່ເນື່ອງ ເຊິ່ງສະເລ່ຍ ຄາດວ່າ ຈະຢູ່ໃນລະດັບ 5,8% ຕໍ່ປີ ແລະ ໃນປີ 2020 ຄາດວ່າຈະຂະຫຍາຍຕົວປະມານ 3,3%, ແຕ່ ເຫັນວ່າ ອັດຕາການຂະຫຍາຍຕົວມີທ່າອ່ຽງຫລຸດລົງຢ່າງຕໍ່ເນື່ອງ ແລະ ຫລຸດແຜນການວາງໄວ້, ໃນນີ້ ຂະແຫນງກະສິກໍາ ຂະຫຍາຍຕົວສະເລ່ຍ 2,1%, ອຸດສາຫະກໍາ ຂະຫຍາຍຕົວສະເລ່ຍ 9,1%, ການບໍລິ ການຂະຫຍາຍຕົວສະເລ່ຍ 4,8% ແລະ ພາສີອາກອນ ຂະຫຍາຍສະເລ່ຍ 5,2%.
ສະຫາຍ ທອງລຸນ ສີສຸລິດ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ກ່າວໃນ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນ ປະຕິວັດລາວ ທີ່ໄຂຂຶ້ນໃນວັນທີ 13 ມັງ ກອນ 2021 ນີ້ວ່າ: ປັດໄຈທີ່ຊຸກຍູ້ການຂະຫຍາຍຕົວເສດຖະກິດສ່ວນໃຫຍ່ ມາຈາກຂະແຫນງການອຸດ ສາຫະກໍາ ໂດຍສະເພາະໃນຂະແຫນງພະລັງງານໄຟຟ້າ ແລະ ການກໍ່ສ້າງ, ສໍາລັບຂະແຫນງບໍລິການ ການ ຂາຍຍົກ-ຂາຍຍ່ອຍ, ການເງິນ ແລະ ປະກັນໄພ ມີການຂະຫຍາຍຕົວດີ ແຕ່ການປະກອບສ່ວນຕໍ່ເສດຖະກິດ. ທ່ານກ່າວຕື່ມວ່າ: ສາເຫດຕົ້ນຕໍ ທີ່ອັດຕາການຂະຫຍາຍຕົວຂອງເສດຖະກິດຊ້າລົງ ແລະ ບໍ່ບັນລຸແຜນການວາງໄວ້ ຍ້ອນການຂະຫຍາຍຕົວຂອງຂະແຫນງກະສິກໍາ ມີທ່າອ່ຽງຫລຸດລົງ ແລະ ຖືກຜົນກະທົບຈາກໄພທໍາມະຊາດ, ຂະແຫນງບໍ່ແຮ່ ແລະ ການຂຸດຄົ້ນ ມີທ່າອ່ຽງຫລຸດລົງຈົນຕິດລົບ ນັບແຕ່ໄລຍະປີ 2017-2019 ແລະ ການຂະຫຍາຍຕົວຂອງອຸດສາຫະກໍາປຸງແຕ່ງຍັງຊັກຊ້າ.
ຂະນະດຽວກັນ, ການຂະຫຍາຍຕົວຂອງຂະແຫນງບໍລິການ ກໍມີທ່າອ່ຽງຫລຸດລົງ ໂດຍສະເພາະແມ່ນ ການບໍລິການທີ່ພັກອາໄສ ແລະ ຮ້ານອາຫານ ທີ່ຕິດພັນກັບການທ່ອງທ່ຽວ. ນອກຈາກນັ້ນ, ການຂະຫຍາຍ ຕົວເສດຖະກິດ ແມ່ນຫລຸດລົງຕາມກະແສລວມຂອງເສດຖະກິດພາກພື້ນ ແລະ ສາກົນ ທີ່ມີທ່າອ່ຽງຫລຸດລົງ ໂດຍສະເພາະບັນດາປະເທດຄູ່ຄ້າທີ່ສໍາຄັນ ແລະ ສາເຫດຕໍ່ມາແມ່ນຜົນກະທົບ ຈາກໄພພິບັດທໍາມະຊາດ ຖ້ວມ ແລະ ການລະບາດພະຍາດໂຄວິດ-19.
ປັດໄຈສໍາຄັນອີກອັນຫນຶ່ງ ແມ່ນການຫັນມາອາໄສການຜະລິດ ແລະ ການສົ່ງອອກສິນຄ້ານອກຂະແຫນງຊັບພະຍາກອນທໍາມະຊາດຫລາຍຂຶ້ນ ໂດຍການຫລຸດຜ່ອນການຂຸດຄົ້ນແຮ່ທາດ ແລະ ການສົ່ງອອກໄມ້, ຫັນມາສົ່ງເສີມການຜະລິດອຸດສາຫະກໍາປຸງແຕ່ງກະສິກໍາ, ຊິ້ນສ່ວນເຄື່ອງເອເລັກໂຕຣນິກ, ເຄື່ອງໄຟ ຟ້າ ແລະ ການບໍລິການທີ່ຕິດພັນກັບການທ່ອງທ່ຽວຫລາຍຂຶ້ນ. ຄຽງຄູ່ກັນນັ້ນ, ລັດຖະບານລາວ ໄດ້ເຂັ້ມງວດ ການປະຕິບັດລະບຽບກົດຫມາຍ ໂດຍສະເພາະເຂັ້ມງວດການສົ່ງອອກໄມ້ເຖື່ອນ ເຊິ່ງເຮັດໃຫ້ເສດຖະກິດຂອງລາວ ມີການຂະຫຍາຍຕົວຊ້າລົງເລັກນ້ອຍ ແຕ່ເປັນການເຕີບໂຕທີ່ມີຄຸນນະພາບຫລາຍຂຶ້ນ ແລະ ເປັນການຫັນເຂົ້າສູ່ຖານະການຜະລິດຕົວຈິງ ເພື່ອສ້າງພື້ນຖານທີ່ຫນັກແຫນ້ນໃຫ້ແກ່ການເຕີບໂຕໃນຕໍ່ຫນ້າ.

ຂ່າວ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຊົມເຊີຍ! ທ່ານຮອງນາຍົກ ສົມດີ ດວງດີ ແລະທ່ານ ດຣ.ບຸນກອງ ສີຫາວົງ​ໄດ້ຮັບການສັກວັກຊີນໂຄວິດ-19​ແລ້ວ

ວັນທີ​27​ ມັງກອນນີ້​ ທີ່ໂຮງໝໍ 150​ຕຽງໄດ້ມີພິທີສັກວັກຊີນ ໂຄວິດ-19​ ໃຫ້ກັບພະນັກງານແພດໝໍຜູ້ຢູ…