ໜ້າຫຼັກ ທ່ອງທ່ຽວ ທາງດ່ວນ ນະຄອນຫຼວງວຽງຈັນ-ວັງວຽງ ປະກອບສ່ວນສຳຄັນສົ່ງເສີມ ລາວທ່ຽວລາວ

ທາງດ່ວນ ນະຄອນຫຼວງວຽງຈັນ-ວັງວຽງ ປະກອບສ່ວນສຳຄັນສົ່ງເສີມ ລາວທ່ຽວລາວ

5 ຄົນ ກຳລັງອ່ານຢູ່
0
0
479
Loading...

ທ່ານ ດາວເຮືອງ ນັນທະວົງ ຮອງເຈົ້າ ແຂວງວຽງຈັນ ໄດ້ເປີດເຜີຍຕໍ່ສື່ມວນຊົນ ໃນໂອກາດ ເຂົ້າຮ່ວມກອງປະຊຸມລັດຖະບານ ຊຸດທີ VIII ເປີດກວ້າງທ້າຍສະໄໝ ທີ່ຈັດຂຶ້ນໃນລະຫວ່າງວັນທີ 7-8 ມັງກອນ 2021 ທີ່ນະຄອນຫລວງວຽງຈັນ ໂດຍລະບຸວ່າ: ທາງດ່ວນນະຄອນຫຼວງວຽງຈັນ-ວັງວຽງ ພາຍຫຼັງເປີດການນໍາໃຊ້ຢ່າງເປັນທາງການ ໄດ້ເປັນສ່ວນໜຶ່ງໃນການກະຕຸກຊຸກຍູ້ “ລາວທ່ຽວລາວ” ກໍຄື ເຮັດໃຫ້ນັກທ່ອງທ່ຽວພາຍໃນ ຫັນມາ ທ່ອງທ່ຽວພາຍໃນ ຫຼາຍຂຶ້ນ, ເຮັດໃຫ້ການທ່ອງທ່ຽວພາຍໃນປະເທດ ນັບມື້ດີຂຶ້ນເປັນກ້າວໆ ໂດຍສະເພາະການທ່ອງທ່ຽວ ຢູ່ເມືອງວັງວຽງ ແຂວງວຽງຈັນ ໃນເງື່ອນໄຂໃໝ່, ສະພາບການໃໝ່ ພາຍໃຕ້ການທ່ອງທ່ຽວ ທີ່ຕິດພັນກັບການປ້ອງກັນພະຍາດໂຄວິດ-19, ທັງເປັນການປະກອບສ່ວນເຮັດໃຫ້ການຟື້ນຟູເສດຖະກິດການທ່ອງທ່ຽວ ທີ່ຖືກຜົນກະທົບຈາກການລະບາດຂອງພະຍາດດັ່ງກ່າວ ໄດ້ມີບາດກ້າວດີຂຶ້ນ, ທັງເຮັດໃຫ້ປະຊາຊົນ ແລະ ຫົວໜ່ວຍທຸລະກິດການບໍລິການ-ການທ່ອງທ່ຽວ ສາມາດຟື້ນຄືນໄດ້ເປັນກ້າວໆ ຕາມແນວທາງນະໂຍບາຍຂອງພັກ ແລະ ລັດ ວາງອອກ.

ໃນໄລຍະ 1 ປີຜ່ານມາ ແຂວງວຽງຈັນ ມີນັກທ່ອງທ່ຽວຄົນລາວ ເຂົ້າມາທ່ຽວທັງໝົດ 390.981 ເທື່ອຄົນ, ເທົ່າກັບ 51% ຂອງແຜນການທີ່ກໍານົດໄວ້ ໃນຈໍານວນ 761.381 ເທື່ອຄົນ, ມາຮອດປັດຈຸບັນ, ການເປີດນຳໃຊ້ທາງດ່ວນນະຄອນຫລວງວຽງຈັນ-ວັງວຽງ ໄດ້ເຮັດໃຫ້ນັກທ່ອງທ່ຽວຄົນລາວ ໄປທ່ອງທ່ຽວຢູ່ແຂວງວຽງຈັນ ໂດຍສະເພາະໄປທ່ຽວເມືອງວັງວຽງ ຫລາຍຂຶ້ນ, ອັນໄດ້ປະກອບສ່ວນ ເຮັດໃຫ້ປະຊາຊົນ ແລະ ຫົວໜ່ວຍການບໍລິການ-ການທ່ອງທ່ຽວ ໄດ້ມີລາຍຮັບດີຂຶ້ນ ເກືອບເທົ່າກັບກ່ອນມີການລະບາດຂອງພະຍາດໂຄວິດ-19, ເຮັດໃຫ້ຊີວິດການເປັນຢູ່ຂອງປະຊາຊົນ ໃນແຂວງວຽງຈັນ ກໍຄື ປະຊາຊົນຊາວເມືອງວັງວຽງ ໄດ້ຮັບການຟື້ນຟູ ດີຂຶ້ນເທື່ອລະກ້າວ.

ທີ່ມາ:ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

120 ຮ້ານຈະເຂົ້າຮ່ວມເທດສະການອາຫານລາວ

ສະມາຄົມນັກທຸລະກິດແມ່ຍິງລາວຮ່ວມກັບສູນກາງສະຫະພັນແມ່ຍິງລາວຈັດພິທີຖະແຫຼງຂ່າວເທສະການອາຫານລາວ ປະ…