ໜ້າຫຼັກ ຂ່າວພາຍໃນ ທ່ານພົນເອກ ປຣະຢຸດ ຈັນໂອຊາ ສົ່ງສານຊົມເຊີຍທ່ານທອງລຸນ​ ສີສຸລິດ​ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ຂອງພັກ ສະໄໝທີ​ XI

ທ່ານພົນເອກ ປຣະຢຸດ ຈັນໂອຊາ ສົ່ງສານຊົມເຊີຍທ່ານທອງລຸນ​ ສີສຸລິດ​ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ຂອງພັກ ສະໄໝທີ​ XI

2 ຄົນ ກຳລັງອ່ານຢູ່
0
0
139
Loading...

ອີງຕາມຂ່າວໜັງສືພິມລາວພັດທະນາ​ວັນທີ​ 21​ ມັງກອນນີ້ວ່າ: ທ່ານ​ພົນເອກ​ປຣະຢຸດ ຈັນໂອຊາ ສົ່ງສານຊົມເຊີຍທ່ານທອງລຸນ​ ສີສຸລິດ​ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ຂອງພັກ ສະໄໝທີ​ XI​ໂດຍມີເນື້ອໃນດັ່ງນີ້:

ຮຽນ: ພະນະທ່ານ ທອງລຸນ ສີສຸລິດ
ຂ້າພະເຈົ້າ ຂໍສະແດງຄວາມຍິນດີ ທີ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ທີ່ໄດ້ຮັບຜົນສໍາເລັດເປັນຢ່າງດີ ແລະ ຂໍສະແດງຄວາມຍິນດີກັບທ່ານ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ເຊິ່ງສະແດງໃຫ້ເຫັນເຖິງຄວາມເຊື່ອໝັ້ນ ຈາກສະມາຊິກພັກ ເນື່ອງຈາກທ່ານມີຜົນງານໃນການບໍລິຫານປະເທດຕະຫຼອດໄລຍະ 5 ປີຜ່ານມາ. ຂ້າພະເຈົ້າ ເຊື່ອໝັ້ນເປັນຢ່າງຍິ່ງວ່າ ພາຍໃຕ້ການນໍາພາຂອງທ່ານ ສາທາລະນະລັດ ປະຊາທິປະໄຕ ປະຊາຊົນລາວ ຈະມີຄວາມຈະເລີນຮຸ່ງເຮືອງ ແລະ ປະຊາຊົນລາວ ຈະມີຊີວິດການເປັນຢູ່ທີ່ດີຍິ່ງໆຂື້ນ.
ຂ້າພະເຈົ້າ ຍິນດີທີ່ໄດ້ຮ່ວມເຮັດວຽກກັບທ່ານຢ່າງໃກ້ຊິດ ໃນການພັດທະນາສາຍພົວພັນໄທ-ລາວ ໃຫ້ແໜ້ນແຟ້ນຍິ່ງໆຂື້ນ ໃນຖານະເພື່ອນບ້ານທີ່ໃກ້ຊິດຕະຫຼອດໄລຍະ 5 ປີຜ່ານມາ. ຂ້າພະເຈົ້າ ຂໍຢືນຢັນວ່າ ຈະສືບຕໍ່ຊຸກຍູ້ການເປັນຄູ່ຮ່ວມຍຸດທະສາດເພື່ອການຈະເລີນເຕີບໂຕ ແລະ ການພັດທະນາແບບຢືນຍົງ ໃຫ້ເກີດຜົນເປັນຮູບປະທໍາ ໂດຍສະເພາະໃນໂອກາດຄົບຮອບ 70 ປີ ການສ້າງຕັ້ງສາຍພົວພັນການທູດ ລະຫວ່າງໄທ ກັບ ສປປ ລາວ ເພື່ອໃຫ້ສອງປະເທດກ້າວໄປໜ້າຢ່າງໝັ້ນຍືນ ຮັ່ງມີ ແລະ ຢືນຍົງ.
ສຸດທ້າຍນີ້, ຂ້າພະເຈົ້າ ແລະ ຄອບຄົວ ຂໍພາວານາຄຸນພະສີລັດຕະນະໄຕ ແລະ ສິ່ງສັກສິດທັງຫຼາຍຈົ່ງປົກປ້ອງທ່ານ ແລະ ທ່ານ ນ. ນາລີ ພ້ອມດ້ວຍຄອບຄົວ ຈົ່ງປະສົບຜົນສໍາເລັດໃນໜ້າທີ່ການງານ ມີສຸຂະພາບແຂງແຮງ ແລະ ຄວາມວັດທະນະຖາວອນຕະຫຼອດໄປ.
ພົນເອກ ປຣະຢຸດ ຈັນໂອຊາ
ນາຍົກລັດຖະມົນຕີ ແຫ່ງ ຣາຊະອານາຈັກໄທ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຍີ່ປຸ່ນ​ສະໜັບສະໜູນ​ 3​ແສນກວ່າໂດາໂລເຂົ້າໃນ ວຽກງານສົ່ງເສີມການມີສ່ວນຮ່ວມຂອງຄົນພິການໃນ ສປປ ລາວ

ອາທິດຜ່ານມາ ລັດຖະບານຍີ່ປຸ່ນ ໄດ້ໃຫ້ການຊ່ວຍເຫຼືອວຽກງານ ສົ່ງເສີມການມີສ່ວນຮ່ວມຂອງຄົນພິການໃນ ສປ…