ໜ້າຫຼັກ ຂ່າວກິລາ ກິລາໜ້າໃໝ່ ແຂ່ງຂັນກິລາຕຶກເບັດ ໃຜໄດ້ໂຕໃຫຍ່ກວ່າຊະນະເລີດ

ກິລາໜ້າໃໝ່ ແຂ່ງຂັນກິລາຕຶກເບັດ ໃຜໄດ້ໂຕໃຫຍ່ກວ່າຊະນະເລີດ

0 ຄົນ ກຳລັງອ່ານຢູ່
0
0
252
Loading...

ວັນທີ 23 ມັງກອນ 2021 ນີ້ ທີ່ໜອງນໍ້າໃຫຍ່ ຂອງເຂດເສດຖະກິດພິເສດບຶງທາດຫຼວງ ໄດ້ຈັດການແຂ່ງຂັນກິລາຕຶກເບັດ ຄັ້ງທີ I ຂຶ້ນ ເພື່ອຊົມເຊີຍວັນສ້າງຕັ້ງກອງທັບປະຊາຊົນລາວ 20 ມັງກອນ ທີ່ໝູນວຽນມາຄົບຮອບ 72 ປີ, ໂດຍການເຂົ້າຮ່ວມເປັນປະທານຂອງ ທ່ານ ໂພຄຳ ໄຊຍະສອນ, ເຈົ້າເມືອງ ເມືອງໄຊເສດຖາ ນະຄອນຫຼວງວຽງຈັນ, ທ່ານ ທະນົງໄຊ ຄຸດໄພທູນ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ນອກຈາກນີ້ກໍປະກອບມີ ທ່ານຫົວໜ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ.​

ສໍາລັບການແຂ່ງຂັນຄັ້ງນີ້ ຜູ້ທີ່ເຂົ້າມາຮ່ວມແຂ່ງຂັນ ແມ່ນບໍ່ເສຍຄ່າລົງທະບຽນ ໂດຍຄະນະຮັບຜິດຊອບຈັດງານ ໄດ້ແບ່ງລາງວັນອອກເປັນ 3 ອັນດັບການແຂ່ງຂັນ ໂດຍວັດແທກຈາກນໍ້າໜັກປາໂຕທີ່ຕຶກໄດ້ ຫາກໃຜໄດ້ໂຕນໍ້າໜັກຫຼາຍກວ່າໝູ່ ຈະເປັນຜູ້ຊະນະເລີດ ໂດຍເລີ່ມການແຂ່ງຂັນແຕ່ເວລາ 7:00 ຕອນເຊົ້າ ຫາ 12:00 ຕອນບ່າຍ ຊຶ່ງມີນັກກິລາເຂົ້າຮ່ວມ ຈາກ 48 ບ້ານ ແລະ ຂະແໜງການທີ່ກ່ຽວຂ້ອງ, ນໍາໃຊ້ຄັນເບັດຫຼາຍກວ່າ 200 ຄັນ ເຂົ້າໃນການແຂ່ງຂັນ ແລະ ຜົນປາກົດວ່າ ຜູ້ທີ່ໄດ້ຮັບລາງວັນຊະນະເລີດອັນດັບທີ 1 ແມ່ນທີມຈາກ ກອງບັນຊາການ ທະຫານເມືອງໄຊເສດຖາ ນະຄອນຫຼວງວຽງຈັນ ຕຶກໄດ້ປາເກັດແລບ ນໍ້າໜັກ 6,1 ກິໂລ ໄດ້ຮັບເງິນລາງວັນ 1 ລ້ານກີບ ພ້ອມຂັນ 1 ໜ່ວຍ; ລາງວັນທີ 2 ແມ່ນ ທີມກອງບັນຊາການ ທະຫານເມືອງໄຊເສດຖາ ຕຶກໄດ້ປາເກັດແລບ ນໍ້າໜັກ 4 ກິໂລ ໄດ້ຮັບເງິນລາງວັນ 7 ແສນກີບ ພ້ອມຂັນ 1 ໜ່ວຍ; ສ່ວນລາງວັນທີ 3 ແມ່ນຕົກເປັນຂອງທີມຕົວແທນຈາກ ບໍລິສັດຜູ້ ພັດທະນາ ຂສພ ບຶງທາດຫຼວງ ຕຶກໄດ້ປາດຸກນໍ້າໜັກ 0,5 ກິໂລ ໄດ້ຮັບເງິນ 4 ແສນກີບ ພ້ອມຂັນລາງວັນ.

ທີ່ມາ:ເຂດເສດຖະກິດພິເສດນະຄອນຫຼວງວຽງຈັນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໜ້າເຫັນໃຈ!​ ພະນັກງານບາງຄົນຈຳເປັນຕ້ອງອອກຈາກເຮືອນແຕ່ຖືກເຈົ້າໜ້າທີ່ຕຳຫຼວດສະກັດກັ້ນ

ວັນທີ​ 23​ ກັນຍາ​ 2021​ ເປັນມື້ ທີ​ 5​ ຂອງ​ການລັອກດາວ​ນະຄອນຫຼວງວຽງຈັນ​ ແຕ່ສະພາບການສັນຈອນໄປ…