ໜ້າຫຼັກ ນານາສາລະ ຊີວິດແລະຄວາມຮັກ ແພດຜິວໜັງເຕືອນແລ້ວ “ຄີມປຸງກະປຸກຝາແດງ” ໃຊ້ສ່ຽງເຖິງຊີວິດ

ແພດຜິວໜັງເຕືອນແລ້ວ “ຄີມປຸງກະປຸກຝາແດງ” ໃຊ້ສ່ຽງເຖິງຊີວິດ

5 ຄົນ ກຳລັງອ່ານຢູ່
0
0
97
Loading...

ສະຖາບັນພະຍາດຜິວໜັງຂອງຕ່າງປະເທດ ເຕືອນອັນຕະລາຍຈາກ “ຄີມປຸງກະປຸກຝາແດງ” ເປັນຄີມທີ່ບໍ່ໄດ້ມາດຕະຖານ ເຮັດໃຫ້ເກີດອາການທາງພະຍາດຜິວໜັງໄດ້ໃນໄລຍະຍາວ ພ້ອມແນະນຳປະຊາຊົນວ່າຜິວສຸຂະພາບດີບໍ່ຈຳເປັນຕ້ອງຂາວ.
ຈາກກໍລະນີທີ່ເທິງໂລກອອນລາຍຂອງຕ່າງປະເທດໄດ້ມີການແຊເຕືອນໄພອັນຕະລາຍຂອງຄີມເຖື່ອນ ຫຼື ທີ່ເອີ້ນກັນວ່າ “ຄີມຝາແດງ” ເຊິ່ງເປັນລັກສະນະຄີມກະປຸກຝາສີແດງ ເນື້ອຄີມສີເຫຼືອງຂຸ້ນ, ໂຕກະປຸກບໍ່ມີຍີ່ຫໍ້ ຫຼື ກາໂລໂກ້ຫຍັງເລີຍ ແຕ່ພັດກຳລັງເປັນທີ່ນິຍົມຈາກໄວໜຸ່ມສາວໃນແອັບຊື່ດັງຢ່າງແພ່ຫຼາຍ ໂດຍມີການອ້າງສັບພະຄຸນສົ່ງຕໍ່ກັນວ່າໃຊ້ແລ້ວຜິວຂາວໃສໃນ 3-4 ວັນ ຂໍໃຫ້ປະຊາຊົນລະມັດລະວັງອັນຕະລາຍຈາກການໃຊ້ຄີມດັ່ງກ່າວ ເພາະເປັນສາເຫດທີ່ເຮັດໃຫ້ເກີດອາການທາງພະຍາດຜິວໜັງໄດ້ໃນໄລຍະຍາວ ແລະ ເປັນອັນຕະລາຍຕໍ່ຊີວິດ.

ເຊິ່ງຄີມຝາແດງດັ່ງກ່າວເປັນຄີມທີ່ຫປະກອບໄປດ້ວຍສານອັນຕະລາຍທີ່ຫ້າມໃຊ້ໃນເຄື່ອງສຳອາງ ແລະ ເບື້ອງຕົ້ນພົບວ່າມີສ່ວນປະສົມຫຼັກໆ 4 ຢ່າງນຳກັນ ໄດ້ແກ່ Mercury (ປຣອດ), Hydroquinone, ກົດວິຕາມິນເອ ແລະ ສະເຕຣອຍ ໂດຍສ່ວນປະກອບເຫຼົ່ານີ້ ຈະສົ່ງຜົນຂ້າງຄຽງດັ່ງນີ້:
1.ສານ Mercury (ປຣອດ) ມີພິດຕໍ່ຜິວໜັງ ລະບົບປະສາດ, ຕັບ, ໄຕ, ລະບົບເລືອດ ແລະ ຖ້າຫາກໃຊ້ລະຫວ່າງຖືພາ ພິດຂອງ Mercury (ປຣອດ) ຈະດູດຊຶມເຂົ້າສູ່ເດັກໃນທ້ອງ ແລະ ມີຄວາມສ່ຽງທີ່ຈະເຮັດໃຫ້ເດັກນ້ອຍສະໝອງພິການ ແລະ ປັນຍາອ່ອນໄດ້.

2.Hydroquinone ເຮັດໃຫ້ຜິວໜັງອັກເສບ, ແດງ, ລອກ, ຄັນ, ຜິວດ່າງຂາວ ແລະ ເກີດຕຸ່ມຊີ້ນນູນຢູ່ຜິວໜັງ.
3.​ກົດວິຕາມິນເອ ເຮັດໃຫ້ຜິວແຫ້ງລອກເປັນຂຸຍ, ແສບ, ແດງ, ຄັນ, ຜິວໜັງອັກເສບ, ຜິວໄວຕໍ່ແດດມີອາການແດງ, ແສບ, ຮ້ອນເມື່ອຖືກແດດ ກະຕຸ້ນເຮັດໃຫ້ສິວຂຶ້ນເປັນພື່ນຫຼາຍ ສີຜິວບໍ່ສະໝ່ຳສະເໝີ ແລະ ອາດເກີດອາການແພ້ຢາໄດ້.
4.​ສະເຕຣອຍ ເຮັດໃຫ້ຜິວແຕກລາຍ ຜິວບາງລະຄາຍເຄືອງງ່າຍ ແລະ ສິວເຫີ່.

ສຳລັບຜົນຂ້າງຄຽງທີ່ເກີດຂຶ້ນມີທັງໄລຍະສັ້ນ ແລະ ໄລຍະຍາວ ເຊິ່ງຜົນຂ້າງຄຽງໄລຍະຍາວ ບາງຢ່າງບໍ່ສາມາດຮັກສາໃຫ້ກັບມາຄືເກົ່າໄດ້ ຂໍໃຫ້ປະຊາຊົນລະມັດລະວັງການໃຊ້ພວກສານເຄມີ ຫຼື ຄີມທີ່ເຮັດໃຫ້ຜິວຂາວຕ່າງໆ ທ່ານຕ້ອງແນ່ໃຈວ່າປອດໄພບໍ່ເຮັດໃຫ້ເກີດຜົນຂ້າງຄຽງໃນໄລຍະຍາວ ຫຼັກໆ ຢາກໃຫ້ປະຊາຊົນປ່ຽນຄວາມຄິດວ່າ “ຕ້ອງຜິວຂາວເຖິງຈະງາມ ຜິວທຸກສີງາມໄດ້ ຂໍພຽງແຕ່ຜິວສຸຂະພາບດີ ບໍ່ຈຳເປັນຕ້ອງຂາວ” ແລະ ຕ້ອງຮູ້ຂ່າວທັນສື່ ການໂຄສະນາຂໍເນັ້ນຍ້ຳວ່າຍັງບໍ່ມີສານຫຍັງທີ່ເຮັດໃຫ້ຜິວຂາວໃນ 3-7 ວັນໄດ້ຢ່າງປອດໄພໄຮ້ຜົນຂ້າງຄຽງ. 2.
ທີ່ມາ: ຂ່າວເສດຖະກິດ-ການຄ້າ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ແມ່ຍິງລາວ​ ຜູ້ຢູ່ແນວໜ້າຖັນແຖວການເມືອງ ແລະການພັດທະນາຍຸກໃໝ່

ຖ້າເວົ້າເຖິງໃນເວທີການເມືອງ, ວັດທະນະທໍາ-ສັງຄົມ, ທະລຸກິດ ແລະ ອື່ນໆ ແມ່ຍິງລາວບໍ່ເປັນສອງຮອງປະເ…