ໜ້າຫຼັກ ຂ່າວທ້ອງຖິ່ນ ສ່ວຍສາອາກອນແຂວງອັດຕະປືຕັ້ງເປົ້າ ເກັບລາຍຮັບ​2021ໃຫ້ໄດ້ 85ຕື້ກີບ

ສ່ວຍສາອາກອນແຂວງອັດຕະປືຕັ້ງເປົ້າ ເກັບລາຍຮັບ​2021ໃຫ້ໄດ້ 85ຕື້ກີບ

2 ຄົນ ກຳລັງອ່ານຢູ່
0
0
39
Loading...

ອີງຕາມການລາຍງານຂອງທ່ານ ສຸລິພອນ ຟອງສະໝຸດ ຮອງຫົວໜ້າສ່ວຍສາອາກອນປະຈຳແຂວງອັດຕະປື ຕໍ່ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານສ່ວຍສາອາກອນປີ 2020 ແລະ ທິດທາງແຜນການປີ 2021 ໃນອາທິດຜ່ານມາ ໃຫ້ຮູ້ວ່າ: ການຈັດຕັ້ງປະຕິບັດເກັບລາຍຮັບສ່ວຍສາອາກອນປະຈໍາປີ 2020 ຈຳນວນ 65,8 ຕື້ກວ່າກີບ (ແຜນການດັດແກ້).
ຜ່ານການຈັດຕັ້ງປະຕິບັດສາມາດເກັບລາຍຮັບໄດ້ 86,7 ຕື້ກວ່າກີບເທົ່າກັບ 131,72% ຂອງແຜນການ (ລື່ນແຜນການ 13,72% ຄິດເປັນເງິນລື່ນແຜນການ 20,8 ຕື້ກວ່າກີບ) ຖ້າທຽບໃສ່ໄລຍະດຽວກັນປີ 2019 ປະຕິບັດໄດ້ 93,44%. ໃນນີ້, ລາຍຮັບສູນກາງ (ວີຊ່າ) 93 ລ້ານກວ່າກີບ ແລະ ລາຍຮັບທ້ອງຖິ່ນ 86,6 ຕື້ກວ່າກີບເທົ່າກັບ 131,76% ຂອງແຜນການປີເທົ່າກັບ 3,04% ຂອງ GDP. ໃນນັ້ນ, ແຂວງຄຸ້ມຄອງປະຕິບັດໄດ້ 75,8 ຕື້ກວ່າກີບເທົ່າກັບ 137,97% ຂອງແຜນການປີ ແລະ ເມືອງຄຸ້ມຄອງປະຕິບັດໄດ້ 10,8 ຕື້ກວ່າກີບເທົ່າກັບ 97,16% ຂອງແຜນການປີ.
ສຳລັບຕົວເລກແຜນການປີ 2021 ສ່ວຍສາອາກອນປະຈໍາແຂວງອັດຕະປືຈະສູ້ຊົນຈັດເກັບລາຍຮັບໃຫ້ໄດ້ ຈຳນວນ 85 ຕື້ກີບ, ເພີ່ມຂຶ້ນ 29% ຂອງແຜນການດັດແກ້ປີ 2020 ແລະ ເທົ່າກັບ 2,73 % ຂອງ GDP. ໃນນັ້ນ, ມອບໃຫ້ແຂວງຄຸ້ມຄອງຈັດຕັ້ງປະຕິບັດ 74,3 ຕື້ກວ່າກີບ ແລະ ເມືອງຄຸ້ມຄອງຈັດຕັ້ງປະຕິບັດ 10,6 ຕື້ກວ່າກີບ.

Attapue​ Media

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ແຕ່ງຕັ້ງ ທ່ານ ປະສົງສິນ ຈະເລີນສຸກ ເປັນເຈົ້ານະຄອນ ໄກສອນ ພົມວິຫານ ຄົນໃໝ່

ພິທີປະກາດຍົກຍ້າຍ-ແຕ່ງຕັ້ງພະນັກງານການນຳຂັ້ນສູງຂອງນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັດ…