ໜ້າຫຼັກ ຂ່າວພາຍໃນ ພົບຜູ້ຕິດເຊື້ອໃໝ່ ໃນລາວ 2 ຄົນ, ເປັນເພດຊາຍ ແຮງງານກັບມາແຕ່ໄທ

ພົບຜູ້ຕິດເຊື້ອໃໝ່ ໃນລາວ 2 ຄົນ, ເປັນເພດຊາຍ ແຮງງານກັບມາແຕ່ໄທ

2 ຄົນ ກຳລັງອ່ານຢູ່
0
0
1,610
Loading...

ວັນທີ 5 ມີນາ 2021 ທ່ານ ດຣ.​ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ຕາງໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດໂຄວິດ-19 ລາຍງານໃຫ້ຮູ້ວ່າ: 1 ວັນຜ່ານມາ ລາວເຮົາໄດ້ເກັບຕົວຢ່າງມາກວດວິເຄາະ 726 ຄົນ, ໃນນັ້ນພົບຜູ້ຕິດເຊືອໃໝ່ 2 ຄົນ ຄື:

ຜູ້ຕິດເຊື້ອນ້ໍາເບີ 46 – ເພດຊາຍ, ອາຍຸ 28 ປີ, ອາຊີບ: ກໍາມະກອນ, ເຮັດວຽກຢູ່ແຂວງປະທຸມທານີ, ປະເທດໄທ – ບ້ານຢູ່ປະຈຸບັນ: ເມືອງນານ, ແຂວງຫຼວງພະບາງ

• ຜູ້ຕິດເຊື້ອນ້ໍາເບີ 47 – ເພດຊາຍ, ອາຍຸ 26 ປີ, ອາຊີບ: ກໍາມະກອນ, ເຮັດວຽກຢູ່ແຂວງປະທຸມທານີ, ປະເທດໄທ – ບ້ານຢູ່ປະຈຸບັນ: ເມືອງນານ, ແຂວງຫຼວງພະບາງ – ໃນວັນທີ 2 ມີນາ 2021 ພວກກ່ຽວທັງ 2 ຄົນ ໄດ້ເດີນທາງຈາກແຂວງປະທຸມທານີ ຫາ ແຂວງຫນອງຄາຍ ແລະ ມາຮອດ ສປປ ລາວ ໃນວັນທີ 3 ມີນາ 2021, ຫຼັງຈາກນັ້ນ ພວກກ່ຽວ ໄດ້ຖືກນໍາສົ່ງເຂົ້າໄປຈໍາກັດບໍລິເວນ ຢູ່ສະຖານທີ່ ທີ່ຖືກກໍານົດໄວ້ ພ້ອມທັງ ໄດ້ເກັບຕົວຢ່າງກວດຊອກຫາເຊື້ອໂຄວິດ-19) (ທັງ 2 ຄົນ ແມ່ນບໍ່ມີອາການສະແດງຫຍັງ).

ໃນວັນທີ 4 ມີນາ 2021 ຜົນກວດຢັ້ງຢືນ ແມ່ນພົບເຊື້ອ COVID-19, ປະຈຸບັນ ພວກກ່ຽວໄດ້ເຂົ້າແຍກປ່ຽວ, ນອນຕິດຕາມ ແລະ ປິ່ນປົວຢູ່ໂຮງໝໍທີ່ຖືກກໍານົດໄວ້ ໃນນະຄອນຫຼວງ ວຽງຈັນ. ພວກເຮົາໄດ້ຕິດຕາມຜູ້ສໍາຜັດໃກ້ຊິດທັງຫມົດ 32 ຄົນ ແລະ ໄດ້ເກັບຕົວຢ່າງມາກວດ ບໍ່ພົບເຊື້ອ ຈຶ່ງໄດ້ໃຫ້ກັກຕົວຄົບ 14 ວັນ.

ສະຫຼຸບລວມແລ້ວ ນັບແຕ່ວັນທີ 24​ ມີນາ​ 2020-5​ ມີນາ​ 2021​ມີຜູ້​ຕິດເຊື້ອ​ທັງໝົດ​ 47 ຄົນ,​ ພວມປິ່ນປົວ​ 5​ ຄົນ​ ບໍ່ມີຜູ້ເສຍຊີວິດ.​

ທີ່ມາ: ເວັບໄຊ້ຄະນະສະເພາະກິດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສາເຫດທີ່ອຸໂມງທາງດ່ວນມືດ ເນື່ອງຈາກມີຜູ້ມາລັກສາຍໄຟຊໍາຊ້ອນຫຼາຍຄັ້ງ

ໄລຍະຜ່ານມານີ້ມີຜູ້ຂັບຂີ່ທີ່ນຳໃຊ້ທາງດ່ວນ ນະຄອນຫຼວງວຽງຈັນ – ວັງວຽງ ໄດ້ສອບຖາມພະນັກງານບໍ…