ໜ້າຫຼັກ ຂ່າວພາຍໃນ ທ່ານ ອຸດົມ ພອນຄຳເພັງ​ ຂຶ້ນເປັນອະທິການບໍດີມະຫາວິທະຍາໄລແຫ່ງຊາດລາວ ຄົນໃໝ່

ທ່ານ ອຸດົມ ພອນຄຳເພັງ​ ຂຶ້ນເປັນອະທິການບໍດີມະຫາວິທະຍາໄລແຫ່ງຊາດລາວ ຄົນໃໝ່

4 ຄົນ ກຳລັງອ່ານຢູ່
0
0
1,833
Loading...

ໃນວັນທີ 4 ມີນາ 2021, ພິທີມອບ-ຮັບໜ້າທີ່ ຕໍາແໜ່ງ ອະທິການບໍດີ ຈາກ ທ່ານ ສົມສີ ຍໍພັນໄຊ ອະທິການບໍດີມະຫາວິທະຍາໄລແຫ່ງຊາດ (ຜູ້ເກົ່າ) ແລະມາເປັນ ທ່ານ ອຸດົມ ພອນຄຳເພັງ ຄະນະປະຈຳພັກ ກະຊວງສຶກສາທິການ ແລະກິລາ ເລຂາຄະນະພັກ ໂດຍການເຂົ້າຮ່ວມຂອງ ທ່ານ ພຸດ ສິມມາລາວົງ ກຳມະການສູນກາງພັກ ເລຂາຄະນະພັກ ຮອງລັດຖະມົນຕີກະຊວງ ສຶກສາທິການ ແລະ ກິລາ.​

ການມອບ-ຮັບໜ້າທີ່ໃນຄັ້ງນີ້ແມ່ນອີງ ຕາມດຳລັດຂອງ ທ່ານນາຍົກລັດຖະມົນຕີ ສະບັບເລກທີ 242/ນຍ, ລົງວັນທີ 20/5/2020 ວ່າດ້ວຍການອະນຸມັດໃຫ້ ພະນັກງານອອກພັກການ-ຮັບອູດໜູນບຳນານ, ອີງຕາມດຳລັດຂອງ ທ່ານນາຍົກລັດຖະມົນຕີ ສະບັບເລກທີ 126/ນຍ, ລົງວັນທີ 16/2/2021 ວ່າດ້ວຍການ ແຕ່ງຕັ້ງຜູ້ຮັກສາການອະທິການບໍດີ ມະຫາວິທະຍາໄລແຫ່ງຊາດ.
ໂອກາດດັ່ງກ່າວ ທ່ານ​ ​ພຸດ​ ສິມມາລາວົງ ຝາກຄວາມຫວັງນຳອະທິການບໍດີຄົນໃໝ່: ໃຫ້ສືບຕໍ່ຮັກສາມູນເຊື້ອອັນດີງາມ ໃນການຊີ້ນຳ-ນຳພາຂອງຄະນະນຳຊຸດເກົ່າ, ເປັນແບບຢ່າງ, ມີລັກສະນະຮອບດ້ານ, ເອົາໃຈໃສ່ສືບຕໍ່ຮັກສາ ຜົນປະໂຫຍດ, ປົກປ້ອງຊັບສົມບັດຂອງອົງກອນ,ໃນນັ້ນຍັງໄດ້ຮຽກຮ້ອງໃຫ້ຜູ້ບໍລິຫານກໍຄືຄູ-ອາຈານສືບ ຕໍ່ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະສຽງສ່ວນໜ້ອຍ ຂຶ້ນກັບສຽງສ່ວນຫຼາຍ ແລະ ສິ່ງສຳຄັນຈົ່ງສືບຕໍ່ເຮັດວຽກແນວຄິດ, ວຽກພັກ -ລັດ, ວຽກວິຊາການ ເນັ້ນບັນຫາເປົ້າ ໝາຍສຳຄັນຄື: ຕ້ອງແຂງແຮງ, ເລິກເຊິ່ງ ແລະຮອບດ້ານ, ພັດທະນາຄຸນນະພາບຂອງຊັບພະຍາກອນມະນຸດ ແລະສືບຕໍ່ແກ້ໄຂວຽກງານ ແລະສິ່ງທ້າທາຍຕ່າງໆ ໃນຕໍ່ໜ້າໃຫ້ດີຂຶ້ນເທື່ອລະກ້າວ.

ຂໍ້ມູນ: ໜັງສືພິມ ປະຊາຊົນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສາເຫດທີ່ອຸໂມງທາງດ່ວນມືດ ເນື່ອງຈາກມີຜູ້ມາລັກສາຍໄຟຊໍາຊ້ອນຫຼາຍຄັ້ງ

ໄລຍະຜ່ານມານີ້ມີຜູ້ຂັບຂີ່ທີ່ນຳໃຊ້ທາງດ່ວນ ນະຄອນຫຼວງວຽງຈັນ – ວັງວຽງ ໄດ້ສອບຖາມພະນັກງານບໍ…