ໜ້າຫຼັກ ຂ່າວພາຍໃນ ວັດສະພັງໝໍ້ ວັດສັກສິດສຳຄັນໃນນະຄອນຫຼວງ ເຄີຍເປັນບ່ອນອະທິຖານສັດຈະກ່ອນຮັບຕຳແໜ່ງ

ວັດສະພັງໝໍ້ ວັດສັກສິດສຳຄັນໃນນະຄອນຫຼວງ ເຄີຍເປັນບ່ອນອະທິຖານສັດຈະກ່ອນຮັບຕຳແໜ່ງ

0 ຄົນ ກຳລັງອ່ານຢູ່
0
0
335
Loading...

ວັດສະພັງໝໍ້ໄຊຍ໌ະຣາມ ເປັນວັດທີສຳຄັນວັດໜຶ່ງຂອງເມືອງວຽງຈັນໃນອະດີດ ເພາະເມື່່ອກ່ອນບັນດາເຈົ້້້ານາຍ ຫຼື ຂ້າລາຊະການຊັ້ນຜູ້ໃຫຍ່ ກ່ອນຈະໄດ້ຮັບຕຳແໜ່ງໃຫ້ປົກຄອງບ້ານເມືອງ ກໍ່ຈະໄດ້ມເອົານ້ຳເພື່ອໄປເຮັດພິທີພິພັດສັດຈະຍາບັນ (ນ້ຳສາບານ )

ບັນດາໜອງສະພັງ ຕ່າງໆ ທີ່ມີຊື່ຂຶ້ນຕົ້ນວ່າ​ສະພັງ ເຊັ່ນ : ສະພັງໝໍ້ , ສະພັງເມິກ, ສະພັງເລນ ປັດຈຸບັນນີ້ເຫຼືອແຕ່ 3 ສະພັງ ສະໄໝກ່ອນນັ້ນມີຫຼາຍໆ ເຊັ່ນ : ສະພັງມ່ວງ ( ຜູ້ເຖົ້າເພິ່ນວ່າຢູ່ແຖວໂຮງແຮມລາຊວົງ ປັດຈຸບັນແມ່ນເປັນຕຶກທີສູງທີ່ສຸດໃນປະເທດລາວເຮົາ ແຕ່ຍັງສ້າງບໍ່ທັນແລ້ວເທື່ອ ) ບັນດາສະພັງ ຫຼື ໜອງເຫຼົ່ານີ້ ກ່ຽວພັນກັບເລື່ອງຂອງພຣະຍານາກ ທັງເປັນບ່ອນເຂັດຢໍາທັງນັ້ນ ແລະ ໃນອະດີດເກົ່າກ່ອນ ບັນດາຂ້າລາຊການ ຫຼື ເຈົ້ານາຍຂັ້ນ ແລະ ຊັ້ນຕ່າງໆ ກ່ອນຈະເຂົ້າຮັບຕຳແໜ່ງຕ່າງໆເພິ່ນກໍຈະນຳເອົານ້ຳຈາກ 3 ສະພັງ ແລະ ນ້ຳຈາກ 9 ວັດ ທີ່ສຳຄັນໃນເມືອງວຽງຈັນທນ໌ ເຊັ່ນ : ວັດອົງຕື້, ອິນແປງ, ມີໄຊ, ວັດຈັນ, ຫາຍໂສກ, ຊຽງຍີນ, ສີສະເກດ, ເກົ້າຍອດ, ເພຍວັດ ເປັນຕົ້ນ ເພື່ອນຳເອົາໄປເຮັດນ້ຳ ພິພັດສັດຈະຍາບັນ ( ນ້ຳສາບານ ) ພິທີດັ່ງກ່າວ ແມ່ນຈັດຂຶ້ນທີ່ ວັດອົງຕື້ ມະຫາວິຫານ ຫຼື ວັດສີສະເກດ ເພື່ອໃຫ້ບັນດາເຈົ້ານາຍ ແລະ ລາຊະການຕ່າງໆ ທີ່ຈະຮັບຕ່ຳແໜ່ງທັງຫລາຍ ດື່ມນ້ຳນີ້ຮ່ວມກັນ ນ້ຳຕ່າງໆນີ້ກໍຈະມີດາບ ມີຫອກ ມີງ້າວ ຈຸ່ມລົງນ້ຳ ເພື່ອເປັນການສາບແຊ່ງ ຖ້າເຮັດບໍ່ດີກັບຊາດ ບ້ານເມືອງ ຕໍ່ກັບປະຊາຊົນ​ກໍຈະມີອັນເປັນໄປ,​ ຖ້າເຮັດດີ ຊື່ສັດຕໍ່ປະເທດຊາດ ບ້ານເມືອງ ກໍຂໍໃຫ້ຈະເລີນຮຸ່ງເຮືອງໄປໜ້າ …

ເກັບກໍາຂໍ້ມູນ ແລະ ນໍາສະເໜີໂດຍ : ລາວ Temple

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ອຸບັດເຫດ​ເສຍຊີວິດ​ ​30​ ຄົນ​ໄລຍະປີໃໝ່

ອີງຕາມການລາຍງານຂອງເຈົ້າໜ້າທີ່ຈະລາຈອນໃຫ້ຮູ້ວ່າ: ໃນໄລຍະ 3 ວັນ ຂອງການສະຫຼອງບຸນປີໃໝ່ລາວ ພສ 256…