ໜ້າຫຼັກ ຂ່າວພາຍໃນ 5​ ຈຸດສຳຄັນທີ່ລັດຖະບານເລັ່ງແກ້ໄຂບັນຫາເສດຖະກິດ

5​ ຈຸດສຳຄັນທີ່ລັດຖະບານເລັ່ງແກ້ໄຂບັນຫາເສດຖະກິດ

3 ຄົນ ກຳລັງອ່ານຢູ່
0
0
910
Loading...

ຕອນບ່າຍວັນທີ 23 ມີນາ 2021 ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປລາວ ໄດ້ໃຫ້ຄຳກະຈ່າງແຈ້ງ ແລະ ຕ້ອງໄດ້ແກ້ໄຂໃນຈຳນວນ 05 ຈຸດໃນຕໍ່ໜ້າຕໍ່ຄຳເຫັນຂອງ ສະມາຊິກສະພາແຫ່ງຊາດຕໍ່ກັບຮ່າງແຜນພັດທະນາເສດຖະກິດ-ສັງຄົມແຫ່ງຊາດ 05 ປີ ຄັ້ງທີ IX ແລະ ແຜນງົບປະມານແຫ່ງລັດ 05 ປີ (2021-2025).” ຈັດຕັ້ງປະຕິບັດແຜນງົບປະມານ ໃນ 5 ຈຸດສຳຄັນຄື:

ໜຶ່ງ. ແຜນການດັ່ງກ່າວຍັງບໍ່ທັນບຸກທະລຸ ໃນຕົວເລກອັດຕາການຂະຫຍາຍຕົວຂອງເສດຖະກິດ ຫລື ຈີດີພີ ເປັນຫລັກ, ພວກເຮົາຍັງບໍ່ຂ້າມບຸກທະລຸໄປສູ່ຄຸນນະພາບ, ສະນັ້ນການທີ່ຈະບຸກທະລຸ ໄປສູ່ຄຸນນະພາບນັ້ນ ມັນຕ້ອງສະແດງອອກການສ້າງວຽກເຮັດງານທຳ ແລະ ຄວາມສະເໝີພາບໃນການກະຈາຍຄວາມຮັ່ງມີ ໃຫ້ແກ່ປະຊາຊົນບັນດາເຜົ່າຢ່າງທົ່ວເຖິງ;

ສອງ. ເສດຖະກິດຂອງປະເທດເຮົາໃນປັດຈຸບັນ ສ່ວນຫລາຍເປັນເສດຖະກິດນອກລະບົບ, ເສດຖະກິດນອກລະບົບມີຂະໜາດໃຫຍ່ກວ່າເສດຖະກິດໃນລະບົບ ໝາຍຄວາມວ່າເສດຖະກິດນອກລະບົບ ແມ່ນເສດຖະກິດຜະລິດເປັນສິນຄ້າບໍ່ຍືນຍົງ ແລະ ບໍ່ມີຕະຫລາດຮອງຮັບ;

ສາມ. ກົດໝາຍ, ລະບຽບການດ້ານການຄ້າ, ການເງິນ, ພາສີອາກອນ ບາງອັນຍັງບໍ່ທັນສອດຄ່ອງກັບພາກປະຕິບັດຕົວຈິງ ກໍຄືນິຕິກຳບໍ່ສອດຄ່ອງກັບພຶດຕິກຳ;

ສີ່. ບາງຂະແໜງການຂອງພາກລັດບໍ່ກຳໄດ້ ແລະ ບໍ່ເຂົ້າໃຈເຖິງກົນໄກເສດຖະກິດໃໝ່ ແລະ ການເຊື່ອມໂຍງກັບພາກພື້ນ ເຮັດໃຫ້ບໍ່ສາມາດອອກຂໍ້ກຳນົດ, ອອກລະບຽບການ ໃນການຄຸ້ມຄອງສົ່ງເສີມ ຫລື ຈຳກັດການເຄື່ອນໄຫວດຳເນີນທຸລະກິດຂອງນັກທຸລະກິດທັງພາຍໃນ ແລະ ຕ່າງປະເທດ;

ຫ້າ. ພວກມີປະຫວັດຄວາມຊິນເຄີຍຕໍ່ການເພິງພາການຊ່ວຍເຫລືອຈາກພາຍນອກ ແລະ ມີແນວຄິດເອື່ອຍອີງ, ເຊິ່ງໃນ 05 ຈຸດດັ່ງ ກ່າວນີ້, ພວກເຮົາຈະຕ້ອງໄດ້ພ້ອມກັນແກ້ໄຂ.

ທີ່ມາ: Vientiane​mai

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ ລາວ ວາງ 4 ມາດຕະການ ເຝົ້າລະວັງໂຄວິດສາຍພັນໃໝ່ Omicron

ຄະນະສະເພາະກິດລາຍງານໃນວັນທີ 28 ພະຈິກ 2021 ນີ້ວ່າ: ຈາກອົງການອະນາໄມໂລກ ລາຍງານພົບເຊື້ອໂຄວິດກາຍ…