ໜ້າຫຼັກ ຂ່າວພາຍໃນ ຂ່າວເສົ້າ! ຮ່ວມໄວ້ອາໄລກັບຄອບຄົວອະດີດປະທານປະເທດ​ ທ່ານ​ ​ຈູມມະລີ ໄຊຍະສອນ​

ຂ່າວເສົ້າ! ຮ່ວມໄວ້ອາໄລກັບຄອບຄົວອະດີດປະທານປະເທດ​ ທ່ານ​ ​ຈູມມະລີ ໄຊຍະສອນ​

6 ຄົນ ກຳລັງອ່ານຢູ່
0
0
2,559
Loading...

ວັນທີ​ 5​ ເມສາ​ 2021ນີ້​ ຄະນະບໍລິຫານສູນກາງພັກ, ລັດຖະບານ, ຫ້ອງວ່າການສຳນັກງານນາຍົກລັດຖະ ມົນຕີ, ຫ້ອງວ່າການສູນກາງພັກ, ອົງການປົກຄອງແຂວງວຽງຈັນ, ຄະນະຊາປະນະກິດສົບ ພ້ອມດ້ວຍຄອບຄົວ ໄຊຍະສອນ ຂໍແຈ້ງຂ່າວຄວາມເສົ້າສະຫຼົດໃຈ ມາຍັງການຈັດຕັ້ງພັກ-ລັດ, ເພື່ອນມິດສະຫາຍທີ່ຢູ່ໃກ້ ແລະ ໄກ ຊາບທົ່ວເຖິງກັນວ່າ:

ສະຫາຍ ວິດົງ ໄຊຍະສອນ, ອະດີດກຳມະການສູນກາງພັກ ສະໄໝທີ່ X , ອະດີດເລຂາພັກແຂວງເຈົ້າແຂວງໆວຽງຈັນ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ສະຫາຍ ນາງ ແກ້ວສາຍໃຈ ໄຊຍະສອນ ອະດີດພັນລະຍາຂອງ ສະຫາຍ ຈູມມະລີ ໄຊຍະສອນ ອະດີດເລຂາທິການໃຫຍ່ ຄະນະບໍລິຫານງານສູນກາງພັກ, ອະດີດປະທານປະເທດແຫ່ງ ສປປ ລາວ ແລະ ລູກຫຼານໄດ້ເສຍຊີວິດດ້ວຍອຸປະຕິເຫດທາງນ້ຳ ໃນຕອນເຊົ້າຂອງວັນທີ 4 ເມສາ 2021.

ເພື່ອຈາລຶກຄຸນງາມຄວາມດີຂອງບັນດາສະຫາຍທີ່ໄດ້ອຸທິດແກ່ປະເທດຊາດ, ດ້ວຍຄວາມອາໄລອາວອນຢ່າງສຸດຊື້ງຕໍ່ການຈາກໄປຂອງບັນດາສະຫາຍ ເຊິ່ງເປັນໜຶ່ງໃນບັນດາການນຳຂັ້ນສູງຂອງພັກ-ລັດ, ຄະນະບໍລິຫານງານສູນກາງພັກ, ລັດຖະບານ, ຫ້ອງວ່າການສຳນັກງານນາຍົກລັດຖະມົນຕີ, ຫ້ອງວ່າການສູນກາງພັກ, ຄະນະຊາປະນະກິດສົບ, ພ້ອມດ້ວຍຄອບຄົວ ໄຊຍະສອນ ໄດ້ຕົກລົງໄຫ້ວອາໄລຢ່າງເປັນທາງການ ເປັນເວລາ 4 ວັນ ນັບແຕ່ວັນທີ 5-8 ເມສາ 2021. ປະຈຸບັນສົບຂອງພວກເພີ່ນໄດ້ບຳເພັນກຸສົນໄວ້ຢູ່ທີ່ສະໂມສອນ ກະຊວງປ້ອງກັນປະເທດ (ໂພນເຄັງ) ພິທີວາງພວງມາລາຢ່າງເປັນທາງການແມ່ນເລີ່ມວັນທີ່ 6-7 ເມສາ 2021 ຕາມເວລາທາງລັດຖະການ.
ວັນຊາປະນະກິດສົບຈະໄດ້ຈັດຂຶ້ນຢ່າງເປັນທາງການໃນວັນທີ 8 ເມສາ 2021 ເວລາ 13 ໂມງ 00 ທີ່ວັດເທບນິມິດ (ທາດຝຸ່ນ).

ດັ່ງນັ້ນ, ຈຶ່ງແຈ້ງຂ່າວຄວາມເສົ້າສະຫຼົດໃຈມາຍັງສະມາຊິກພັກ, ພະນັກງານ, ລັດຖະກອນ, ປະຊາຊົນບັນດາເຜົ່າ, ເພື່ອນມິດສະຫາຍ ແລະ ຍາດພີ່ນ້ອງທີ່ຢູ່ໃກ້ ແລະ ໄກຊາບທົ່ວເຖິງກັນ.

ທີ່ມາ: Lao​ Youth​ Radio​ FM​ 90.0mhz

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສາເຫດທີ່ອຸໂມງທາງດ່ວນມືດ ເນື່ອງຈາກມີຜູ້ມາລັກສາຍໄຟຊໍາຊ້ອນຫຼາຍຄັ້ງ

ໄລຍະຜ່ານມານີ້ມີຜູ້ຂັບຂີ່ທີ່ນຳໃຊ້ທາງດ່ວນ ນະຄອນຫຼວງວຽງຈັນ – ວັງວຽງ ໄດ້ສອບຖາມພະນັກງານບໍ…