ໜ້າຫຼັກ ຂ່າວຕ່າງປະເທດ ບໍລິສັດໄມ້ລາວຮ້ອງຟ້ອງກົມພາສີໄທ​ທີ່ບໍ່ຍອມຄືນໄມ້ຂະຍູງພາຍຫຼັງຊະນະຄະດີແລ້ວ

ບໍລິສັດໄມ້ລາວຮ້ອງຟ້ອງກົມພາສີໄທ​ທີ່ບໍ່ຍອມຄືນໄມ້ຂະຍູງພາຍຫຼັງຊະນະຄະດີແລ້ວ

0 ຄົນ ກຳລັງອ່ານຢູ່
0
0
12,542
Loading...

ເວລາ 10:00 ຕອນເຊົ້າ ວັນທີ 5 ເມສາ ທີ່ຜ່ານມາ ທ້າວ ຄຳສະໄຫວ ພົມມະຈັນ ຕົວແທນບໍລິສັດ ພົງສະຫວັນ ອິນດັສທຣີ ຈຳກັດ ໄດ້ຍື່ນໜັງສືຮ້ອງຂໍຄວາມເປັນທຳ ໃຫ້ດຳເນີນຄະດີໃນກໍລະນີອາຍັດໄມ້ກະຍຸງ 11 ຕູ້ຄອນເທນເນີ້ ມູນຄ່າ 160 ລ້ານບາດໄທ (ປະມານ 52 ຕື້ກີບ) ແລ້ວບໍ່ຄືນ ຫຼັງຄະດີສິ້ນສຸດໃນຊັ້ນສານຕັ້ງແຕ່ປີ 2019.

ທ້າວ ຄຳສະໄຫວ ເປີດເຜີຍວ່າ ໄດ້ສົ່ງໄມ້ກະຍຸງທີ່ໄດ້ຈາກການປະມູນຫຼັງສ້າງເຂື່ອນໃນປະເທດລາວ ຜ່ານໄທໄປຈີນ ແຕ່ຖືກເຈົ້າໜ້າທີ່ອາຍັດໄວ້ ຈຶ່ງຕໍ່ສູ້ຄະດີເມື່ອປີ 2019 ແລະ ສານກໍຕັດສິນໃຫ້ຊະນະ.

ຕໍ່ມາບໍລິສັດໄດ້ຮັບການປະສານໃຫ້ຮັບໄມ້ກັບຄືນໃນວັນທີ 25 ເດືອນທັນວາ ປີ 2020 ແຕ່ມີເຈົ້າໜ້າທີ່ລັດບາງຄົນເອີ້ນຂໍຜົນປະໂຫຍດເປັນເງິນ 2 ລ້ານບາດໄທ (650 ລ້ານກີບ) ນຳມາສູ່ການຈັບຜູ້ອຳນວຍການສຳນັກຊັບພະຍາກອນທຳມະຊາດ ແລະ ສິ່ງແວດລ້ອມ ຢູ່ທີ່ ມຸກດາຫານ ເຊິ່ງມາຮອດປັດຈຸບັນນີ້ກໍຍັງບໍ່ໄດ້ໄມ້ກະຍຸງຄືນ.

ທ້າວ ຄຳສະໄຫວ ໄດ້ກ່າວຕື່ມວ່າ ຄະດີນີ້ ທາງຕຳຫຼວດກອງບັນຊາການປາບປາມການກະທຳຄວາມຜິດ ກ່ຽວກັບຊັບພະຍາກອນທຳມະຊາດ ແລະ ສິ່ງແວດລ້ອມ ເຈົ້າຂອງຄະດີນີ້ ໄດ້ກວດສອບ ແລະ ຢືນຢັນວ່າ ບໍລິສັດ ພົງສະຫວັນ ເປັນເຈົ້າຂອງກຳມະສິດໄມ້ ຈຶ່ງສັ່ງໃຫ້ຄືນໄມ້ຂອງກາງ ແຕ່ກໍຖືກພະນັກງານກົມພາສີບາງຄົນ ເຊິ່ງມີໜ້າທີ່ຮັກສາໄມ້ກອງກາງດຶງເວລາ ແລະ ຫາສາເຫດທີ່ຈະບໍ່ຄືນ ຈຶ່ງຕ້ອງອອກມາຮຽກຮ້ອງທຸກ.

ແຫຼ່ງຂ່າວ: Laopost

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ອຸທາຫອນ! ສາກແບັດແລ້ວນອນທັບຖືກໄຟຊັອດເສຍຊີວິດທີ່ປະເທດໄທ

ໃນເວລາ 10:00 ຕອນເຊົ້າຂອງວັນທີ 17 ເມສາ 2021 ຢູ່ທີ່ປະເທດໄທ ເຈົ້າໜ້າທີ່ໄດ້ຮັບແຈ້ງເຫດມີຄົນຖືກໄ…